أضف سؤال أو موضوع جديد          

العمر الافتراضي للسيارات

up 4 down 2



السلام عليكم ورحمة الله وبركاته

موضوعي اليوم يتكلم عن العمر الافتراضي للسيارات  (دعوة للنقــــاش)

البعض منا يفضل شراء السيارات جديدة ويبدلها عندما يظن ان مشاكلها قد ازدادت
وتعدت عمرها الافتراضي

والبعض الاخر يحب تغير سيارته باستمرار
 فتراه يبدل في السيارات خلال فترات وجيزة
ولو اني اظن ان هذه الظاهره بدئت في الفناء
 خصوصا مع مصاعب الحياة وغلاء المعيشة

ونسبة ليست بالقليلة تفضل شراء السيارات المستعملة لتوفير مبلغ وقدره 

فالسؤال المهم والذي يدور في ادهانانا جميعا سواء عند البيع او الشراء
هل هذه السيارة ستخدمني

ام اني سأخدمها بالدفع عليها ونقلها من ورشة الى ورشة

البعض يربط الموضوع بالعداد والكيلومترات اللتي قطعتها السيارة

و البعض الاخر يربطها بالسنوات التي قضتها السيارة منذ خروجها من المصنع
و اكثرنا يوازنون بين الاثنين

وقلة يعتمدون على تغير شكل الموديل

فالسؤال الذي اطرحه عليكم واتمنى ان نتناقش فيه اليوم

ما هو العمر الافتراضي للسيارات في الوقت الحالي ؟

ونفس السؤال بامكاننا ان نطرحه بطرق مختلفة ومنها:
متى في العادة تفكر في تبديل سيارتك ؟
عندما تفكر في شراء سيارة ما هو الحد الاقصى التي تقبل به كعمر للسيارة
و ك كيلومترات قطعتها السيارة ؟

ماللذي يهمك اكثر عند التفكير بالشراء او البيع
 هل عداد السيارة ام السنوات التي قضتها السيارة منذ خروجها من المصنع الام ؟
هل انت من من يفضلون شراء الجديد ام المستعمل ؟

كم في العادة تستمر معاك سيارتك
 وما هو السبب الذي يدعوك في العادة لبيع سيارتك او استبدالها ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مافيه عمر افتراضي  رجلك حاره تسرع  تاكل حفر تطعس   تصدم اكيد  بتخرب وتاكلك فلوس لكن لو سواقتك هاديه 120 ماتعديها  بتخدمك لو صينيه او كوريه


up 3 down 2
مركب شيوخ 6
قبل سنه



وعليكم السلام ورحمة الله وبركاته 

وجهة نظري انو  السيارات الان عمرها الافتراضي متقاوب يعني مافي فرق كبير في الجوده عدا الصناعات " الرديئه "

يبقى المحدد الأهم لعمر السياره هو الاستخدام كلما كان استخدامك للسياره ممتاز كلما خدمتك لمده أطول والعكس صحيح 


up 4 down 2
Saleh Al Masri 636
قبل سنه



*متقارب                             


up 1 down 1
Saleh Al Masri 636
قبل سنه



فعلا هو علا الاستخدام 
الحين في ناس سيارتهم 2012 و 2011 وتلاقيه في الورش تسىلة يقلك المكينة خبطت
 فعلا لازم تخبط اذا انت ماتهتم بالزيوت والاشياء الضرورية 
منورين الموضوع يا شباب 


متى ماحافظت على سيارتك من ناحية الزيوت والصيانه راح تعيش معك السياره أكثر

بعض الناس محافظين على دورة الصيانه اللي هي مجدوله بعدد الكيلوات ويغيرون زيوت والأشياء الثانويه مثل فلاتر وبواجي وهالأمور وماشيه مواترهم زي اللوز

وترا السيارات الجديده مو نفس اول يعني اول تاكل مطبات ، تطمر فوق رصيف ، تغير البنزين والزيت ماعندك مشكله اما الموديلات الجدد أي شيء ممكن تسبب مشاكل لإن كل السيارات الحديثه إلكترونيه وهذا اللي يخلي خراباتها كثيره

بآلتوفيق للجميع


العمر الافتراضي ثلاث او اربع سنين لو انت محافظ علي الموتر
ولك واحد واستخدمه 


على حسب السياره عندك كوابرس و جموس مديل 79 و للحين يحملون عليها و عندك الكوري 5 سنوات وخلاص تختلف من سياره لسياره


العمر الافتراضي تحدده انت باالمحافضه على السياره تسويلها صيانه دوريه هذا على الجديده 
المستعمله انك تاخذ السياره ممشاها قليل او استخدامها نضيف من الشخص نفسه يكون استخدامها
حشمه مو كان يفحط عليه يكد عليها الزيت حق الماكينه ما يغيره الا بعد مده طويله عن مدته.


up 1 down 1
احمد gmc 118
قبل سنه



على حسب استعمالك للصيانه وهل انت تغير زيتها اول بأول لانك كل ما اهتميت بالمحركات عاشت معك اكثر ولكن هناك سيارات ماتتقارن بعمرها الافتراضي مثال لو تجيب اوريو او اكسنت ماشيه 500الف كيلو وتقارنها بفورد 8 سلندرماشي 500الف كيلو بنلاحظ الفورد الصابر معك اكيد وممكن تسافر فيه فالمرجح الاكيد هو كل مازادت قوه المكينه زاد عمرها الافتراضي والاستعمال له دور كبير والله الموفق ...


up 1 down 0
طيبين -61
قبل سنه



كان مع اخوي الكبير بنز 200 موديل 1983 طبعا يجيها خرابات قطع استهلاكيه 

لكن السيارة  قويه جدا  ومتماسكه وراسيه على الخط وممتعه قيادتها  خاصة انها قير عادي 

وعندكم الخياره المرسيدس الوايت  من الستينات والسبعينات ولا زالت افضل واغلى من الجديد

جودة الصناعه لها دور وتمد لك في عمر السيارة 

مو سيارات اليوم  من  اول سنه  يخرب عليك القير ولا تخبط المكينه والمساعدات ثاني اسبوع وانت في الوكاله اكيد فيه عمر افتراضضي


up 1 down 0
mr mansour 68
قبل سنه



ع حسب الاستخدام والصناعه صاحب ابوي معه سياره له معه 21 سنه ونظيفه ومافيها طقطقه ومحافظ ومايعطي اولاده
ومعه سيارتين حديثه ومسلمها اولاده الصغار تشوفها تنقهر ماتسوى ريال 
ع حسب المحااااااااااافظه والعنايه والصيانه اول با اول بس يكون صيانه عند واحد يكشف ويكون امين وصادق


up 1 down 0
tttt35035 322
قبل سنه



فالسؤال الذي اطرحه عليكم واتمنى ان نتناقش فيه اليوم

ما هو العمر الافتراضي للسيارات في الوقت الحالي ؟

ج/على حسب جودة السياره 


ونفس السؤال بامكاننا ان نطرحه بطرق مختلفة ومنها:
متى في العادة تفكر في تبديل سيارتك ؟

ج/اذا اعجبتني سياره جديده واقدر على سعرها مهما كانت

عندما تفكر في شراء سيارة ما هو الحد الاقصى التي تقبل به كعمر للسيارة 
و ك كيلومترات قطعتها السيارة ؟

ج/على حسب نوع السياره واحاول يكون عمرها على الاكثر 3 سنوات

ماللذي يهمك اكثر عند التفكير بالشراء او البيع
 هل عداد السيارة ام السنوات التي قضتها السيارة منذ خروجها من المصنع الام ؟

ج/عداد السياره

هل انت من من يفضلون شراء الجديد ام المستعمل ؟

ج/الجديد


كم في العادة تستمر معاك سيارتك

ج/سيارتي لها الآن تقريبآ سنه و8 شهور
 وما هو السبب الذي يدعوك في العادة لبيع سيارتك او استبدالها ؟ 
التغيير ..


up 1 down 0