المكيف بالنهار حار وبالليل بارد وش الحل..؟.

شيك ع المراوح يمكن بالحر ماتعطي طاقه كافيه للتبريد .. 

غير بلف الثلاجة ، واكيد المواصير عليها ثلج تأكد منها
وعبي فريون جديد لان الفريون بيطلع اذا غيرت البلف

احتمال يكون نقص في غاز الفريون

مر الكهربائي وتأكد إذا محتاج زيادة يكون أصلي

شف غاز المكيف وافحص المواصير وشيك على الكمبرسر ليكون حساسه متعطل 

شغل المكيف وافتح الكبوت وحط ايدك علا مواصير البارد اذا هي بارده ف الفريون ممتاز
ولا يحتاج تعبيه اما اذا ما حسيت ببروده فيحتاج تشيك علا مواصيره
وسبب تهريبه وتصلحه

اذا شفت برد المواصير مزبوط رح عند راعي بنشر وفك الدرج اللي ف الطبلون تلقا قريب من الثلاجه
فلتر صغير للمكيف طلعه وانفضه بمسدس الهوا وركبه
واذا شفت انه تالف اشتره جديد ما يكلفك

المكيف عندي كان ما يبرد ف النهار إلا علا 3 واحيان اربعه ركب معي راعي ورشه عشان مشكله
ثانيه قال مكيفك ما يبرد قلت يمكنه كذا من بلده سالني عن الفلتر نظفته قريب
قلت مدري ان فيها فلتر رجعت ورشته فك الدرج طلع الفلتر لقاه مسدود من كثر الغبار

نظفه ورجعه ذالحين علا 1 ف الظهر ثلاجه

ابد بالاشياء البسيطه قبل لا تغير كمبرسر ومراوح وغيره

تذكرت شيء

كان معي لومينا 2004 وصار معي نفس المشكلة والكهربائيين أجمعوا أن الكمبروسور يحتاج لتغيير

لكن كهربائي فاهم قال لازم تغير البلف الي داخل الكمبروسور وفعلاً غيرته وصار التبريد ثلج

إذا أنت في الدمام أدلك على كهربائي فنان

اخوي معي ددسن98 مثلك حار نهار بارد ليل عبيت فريون امريكي با200 ريال وولله بارد الضهر مشالله

عبي فريون وخلي العامل يتأكد ان مافيه تهريب :)

اخوي ما عليك من كثرة الهرج اللي ماتودي ولا تجيب وكل واحد يفتي من راسه 
انت مشكلتك مو من الفريون او البلف او الخ ...... لانك تقول يبرد لكن بالنهار ضعيف او مايبرد 
                    (طبق اللي اقولك عليه بالحرف الواحد) 
امسك المواسير حقت المكيف من اولها لاخرها ولف عليها عازل حراري لان العازل حقها اكيد انه تالف وهذا سبب المشكله اللي ذكرتها فوق

اذا عندك الفريون ناقص
انصحك تعبي فريون الامريكي وانواعه كثيره افضلها
الريب
وموتر كرافت
مثل حق وكالة فورد

ترا احتمال تكون الموية ناقصه

دلوني على كهربائي فنان بالدمام 

غير السياره وجرب المكيف