مشكلة قير لومينا 2004

دام القير يوصل 140 فاهو كويس يااخي شوف عيار فيه ريحه احتراق زيت اسود   قير فيه زيت  تاكد 

لومينا اذا  القير  تحطه D وتدعس بنزين ماتمشي سياره وتعشقه بثاني وتمشي  وسرعه ماتتعدا 80  فااعرف ان القير مودع 

انت غبي وش تبي في SS  اعرف انها حقت تشفيط ودوسات  او خذها نظيفه  لاتاخذها مكروفه 

هلا اخوان
الزيت نظيف ولا محروق ولا ينقص 
وبعدين احطها دي وتمشي طبيعي تغير من الاول للثاني 
اخوي سكودرتمشي بالدي وما نقول الا الشكوى لله على قد حالنا 

هذا حساس القير دام التعشيقات عندك 12 كويسه   واضن سعره 300 ريال  وغير معها زيت وفلتر  جي ام 

 ودام انها كذا وضعها لا تصر عليها  خلك تمشي على مهلك   وركب لها مبرد قير خارجي من ترايستار 

وعليك سلام ورحمة من الله وبركات.
اللي تقوله نفس اللي صار معي وطلع كلتشات الثالث والرابع منتهيات.
أنت ما انغشيت، ولكن السيارة قديمة وماشيه فوق الثلاثمية ألف طبيعي القير يكون ومظب أكثر من مرة، وشكل آخر توظيبه بكلتشات تجارية رخيصة.


هذي تجربتي لو حبيت تستفيد منها:
http://montada.haraj.com.sa/43478

افحصه كمبيوتر مركز موثوق شف التقرير وش يعطيك يمكن كالتشات حساس امخ قير وفر الوقت الجهد 

اسف وش الفتوة انه حسساس القير 
قير ابو نكبه 4l60e معروف عنه ضعف كلتشات 3/4
عموما كلتشاتك ودعت 
حاول تزضب توضيب رياضي وتعيش حياتك 
اهم شي الورشه الي بتشتغل السيارة

 ليزو قير اكيد ابو نكبه 4 نمر على مكينه 5.7  مايتحمل القير  

لكن يبدا بشي السهل ممكن يطلع حساس  يصلحه ويمشيه اقل شي 5 شهور  

ويبين معك القير اذا ودع  لو تحطه بدي مايعشق وتشم ريحه احتراق  ريحه بلاستيك محترق حتى لو زيت جديده وتشوف فتافيت سود مع عيار 

 وقير يمشي بنمره 2 ماتتعدا 80   انا قد وضبت قير لومينا 2004 واعرفه عارف لومينا وحافضها حفض 

 لو ابي اقول وضب القير راح اقولك وضبه توضيب رياضي  كلتشات رياضيه ومبرد قير كبير  ترانزقو ستيج تو  وسيرفس كورفت وكمبيوتر يعطي ضغط مكينه وقير متساويه  هذا بتكلفك بس  حقت الناس الي تبي تعدل ومااانصحك فيها دامك  مستخدم    واشوف طريقه وليد كويسه خصوصن لو تحط عداد تعرف حراره القير من خلاله اشوفها كويسه لناس الي تبي تستخدم 

اذا ماتعشق النمرة التالث والرابع نهائيا تعني وجود مشكلة بالكلتشات يعني توظيب
اما بالنسبة لمشكلة حساس او مشكلة بمخ القير فلف بدي فغالبا تكون مشاكلها تأخير في تعشيق النمرة او تمسك عالنمرة شوي وتمشي
بالتوفيق

سكودر القير الثاني بابو نكبه يمشيك لين 130 وشوي 
الاول بحدود 74 
والله يعينه الرجال ويجعلها اخر المشاكل 
احسن توضيب للي ماله بالتزويد كلتشات جي ام اصلية مع مبرد قير ومروحه ويشيك على قطع القير الاستهلاكيه
بالتوفيق

صارت معي سابقاً وكانت من حساسات القير

هلا اخوان يالله حيهم
انا بابها وصعب القى كلتشات رياضية
بما ان الجميع متفق انها مشكلة تحتاج توضيب من تجربة فاللي أساله 

هل التوضيب أفضل ام اشتري قير من التشاليح وأسقطه ؟ 
مع ان عندي سوداي حق قيور فنان قال بركب لك حق كابريس 2006 افضل مع اني مدري وش الفروق

لا فروق، نفسه بالضبط.
نصيحة وظب لا تركب مستعمل، لأن التوظيب فيك فيك سواء بقير سيارتك أو غيره، إلا إذا كان القير البديل مجدد وموظب توظيب بقطع أصلية أو رياضية، إما إن كان فقط تم فكه من سيارة وبيتركب بسيارتك، فلا ندري عن حالته وكيف كان يستخدَم وعالعمر المتبقي في قطعه الداخلية.

التوظيب الرياضي بيعطي القير أداء أفضل وكذلك عمر أطول بكثير من التوظيب الأصلي، حتى مع التدعيس والاستخدام الحار.

فيه موقع يبيع القطع هذي بسعر ممتاز موقعه جدة ويرسلها لك على حسابه: http://intrans.yoo7.com/t2-topic

ونصيحة نصيحة نصيحة، لازم تركب مبرد خارجي كبير لزيت القير، والا بيرجع يحتاج توظيب مرة ثانية بعد 3 - 5 سنوات.

وليد الدخيل العذر منك بس وش سبب انه بيرجع يحتاج توضيب بعد 3/5 سنين 
مبرد القير لو له عيب فهو يقلل ضغط طرمبه زيت القير 
بس مو بالشكل الي تتصوره 
بالنسبه لي افكر اركب مبرد قير ومروحه والغي الي بالرديتر 
منها تبريد للقير ومنها اذا قدر الله وارتفعت حرارة المكينه ما اخاف ع القير والعكس كذلك 

أهلا أخوي ليزو وأعتذر على التأخر عليك بالرد.
سبب إنه بيرجع يحتاج توظيب كل عدة سنوات لأن الكلتشات قطع استهلاكية، مثلها مثل الفحمات، تحتاج تغيير، وعلى حسب الاستخدام هادي أو شديد بتكون سرعة تخبيط القير.

ضغط طرمبة زيت القير ما راح تتغير لكن لأن الزيت ومساره صاروا أكثر فطبيعي إنه يكون حمل أكثر على الطرمبة، لكن ما عليه، الزيادة مو كبيرة عشان نقول بتأثر على الطرمبة.

الفكرة اللي تفكر فيها ممتازة للتبريد فقط، لكن مشكلتها ما تحمي القير أبد، القير بيظل بااارد.
ومع ذلك برودة القير مو أمر سيء بالعكس.
فبعد التفكير أعتقد إنها الفكرة الأفضل إنه يظل بارد وما يسخن نهائياً مع رديتر المكينة.