النجدة النجدة اللومينا عطشانة هالأيام

بالنسبة للزيت تدخل المفتاح بالسويتش وتضغط على الزر بالدركسون يسار الفرار

تعلق عليه وتلف المفتاح للدقه اللي قبل التشغيل بعدين تفك يدك وتدعس 3 او 4 دعسات متتالية على البنزين

ويتصفر العداد

بالنسبة لنقص الماء ممكن من الطبة اللي هي القطعه البلاستيك اعلى الرديتر ممكن فيها تهريب ويتبخر ولا ينزل

على الارض ما تشوفه يعني ما نقدر نفيدك بمكان التهريب بالضبط وانت عند السياره تشوف افضل مننا

بالنسبة للحذفه يمين كيف يفك ويسحب هي وزن اذرعه تكلفك 150 ريال وزن كامل وتضبط

ما فيه شيء اسمه حسب وش يسحب اصلا 

وتقدر تشيك على جلد السحب بدون ورشة تعال قدام قزاز محل او شيء كبير عشان تشوف السياره

وعشق وامشي على مهلك وامسك فرامل مسكات متقطعه شوف الكفر يهتز فيه فراغ يعني يرجع ويقدم او ثابت

لو كان فيه اهتزاز الكفر يعني عندك جلد السحب تحتاج تغيير ما ينفع الوزن معها

ولو كان مافيه فراغ يكفي وزن 150 ريال كامل السياره وخلاص

الله يعطيك العافيه يا خالد ما قصرت .

ابراهيم التركي بيض الله وجهك كنك عارف وش في سيارتي شرح وافي من رجال وافي الطبة فعلا اشوف فيها صدأ وزي التنديه يعني اغير الطبه وما يحتاج اغير الرديتر 
الشئ الثاني كم بتكلف الطبه مع شغل اليد ولما اقيس ماء الرديتر اقيسه من الرديتر ولا القربة تكفي وسلامتك.

انا معي لومينا 2008 يعني نفس موترك

الطبة تكلف 250 ريال مع شغل اليد والموية وكله وتجي صيني طبعا ولكن تعتمد عليها 5 سنوات بدون مشاكل

والاشياء الثانية شرحها واضح ولو تبي شرح اكثر اتصل علي افضل 0501029595

انا اتكلم معك من تجربة 

والطبة ما كان فيها شيء عندي ولكن وقت تغيير الماء جاء العامل بيفك الخرطوش وكسرها

واضطريت اغيرها عشان كذا عارف سعرها

السلام عليكم ورحمة الله وبركاته 

إتصلت على العضو إبراهيم التركي وأفادني كثيرا في موضوعي فله مني جزيل الشكر والتقدير .

يغلق الموضوع تحياتي .

مسوي بلدية انت وش يغلق الموضوع 

خلي غيرك يستفيد لا امسح رقمك هههههههههههه

ههههههههههه
اشتكه بالمحكمة يابو خليل

ابراهيم لاتهايط قال ايش قال 2008 لا تخليني اجيب اس اس تشخمطكم ومسوي تضحك علي انا حقتي 2008 وانت 2007 طيب مافيه فرق ياذكي 

 المهم  انت وياه  اركدوو ههههههههههههه 

سكودر فاهم غلط الرجال موترة 2009

نشكر العضو إبراهيم التركي عضوو متفااعل 
وجزاه الله الف خير

يستاهل لايكك

ثبت الموضوع للفائدة