كيف افرق بين صوت التاكيات - فضاوة البستم - عمود الكرنك

وعليكم السلام , حبيت افيدك بمعلومه اذا طرمبه زيت ضعيفه بتطلع اصوات من مكينه تتوقع ان صوت تخبيط لكن يكون ضعف تزييت لان موتري كان يتكتك وغيرت طرمبه اختفت اصوات حتى مكينه صارت اهدا اذا مكينتك نظيفه ممكن صوت يكون ضعف تزييت , للعلم موتري كابريس 200222
2002 ثمانيه سلندر .

اول شي غيرت طرمبة الزيت و الجلدة ونفس الشي 

طيب طرمبه وش نوعها واللي اشتغلها لك كبس الشخال بالطرمبه لان بعضهم مايعرف يسويها ويصير فيه تهريب من شخال , موتر 8 سلندر ؟ وكم ماشي و وش نوع الزيت

الطرمبة وكالة وسويتها عند واحد  فاهم 
والطرمبة القديمة طلعت مافيها شي بس خلاص فكيت وركبت الجديدة
الموتر 8 سلندر ماشي 150000 ونوع الزيت 10/30 بترومين 

ما شاء الله مكينتك ممشاها قليل , غير زيت واستخدم ثقيل 20W50 واتركك من كلام الناس مكاين ls1 مايصلح لها الا زيت ثقيل صحيح يخرب طرمبه لكن بعد فتره طويله , زيت خفيف لي تجارب معه سيئه في موتري وبعدها ما استخدم الا ثقيل ,
وفيه شغله بعد ممكن يكون صوت من صبابات المكينه وصوت يكون تحت ثلاجه على طول يشبه طرق باب حديد هذا موجود عندي بسبب صباب لكن على كلام ميكانيكي فاهم يقول مايضر لانه مكلف بنسبه لي , ان شاء الله مكينتك سليمه مافيها شي لكن جرب ثقل الزيت و أي مشكله تواصل معي :) .

الكلام هذا كله اذا موترك مكينته ls1 يعني موديله 2006 وتحت .

لمعرفة صوت البستم افصل سلك البوجي أو الكويل كل واحد لحاله المكينة
شغاله ويضهر الصوت عند تركيب السلك وإذا لم يتغير
هذا صوت تكايات ويجب تغير الفلتر له علاقة بالصوت وزيت 20 50 للمكاين
8سلندر ولا تصلح الزيوت الخفيفة مع الكائن الكبيرة

الله ينور عليك ي الشمري ,, اكثر الاعضاء يقولون زيت خفيف هو مناسب لمكينه كبيره زي ls1 5.7 وانا واثق انهم غلطانين .

مشكورين ياشباب
المكينة لومينا اس اس  ls2 2009
وبالنسبة للزيت الثقيل جربت ونفس الشي
وجربت افصل اسلاك البواجي سلك سلك نفس الصوت ماراح 
هل هذا معناته انه تكايات او فضاوة بستم
الصوت طق طق طق لاهو قوي ولاهو ضعيف فوق الوسط  ومع المشي اسمعه الى 50 ثم يختفي 

اخ x500
ايوه  الصوت كأنه طرق باب  حديد
 , وفيه واحد قالي صباب ومادري ايش 
وكم يكلف  اذا كان هو 

لازم ميكانيكي فاهم وتشرط عليه اذا صوت ما اختفى ما ياخذ ولا ريال , صبابات لازم تشتريهم اصلي مع وجيه روس وفيه اشياء يعلمك فيها الميكانيكي , التكلفه صباب لقيت ls7 بـ 800 مدري اصلي ولا لا , يعني تقريبا متوسط السعر 2500

اذا صباب معناته فك راس مكينه واذا فك راس مكينه وفضاوه داخل الصمام 
يبله توظيب وشغل اليد لحاله 1500 وغيرالقطع 
اذا احتمت السياره واخذت عليها مشوار رجعت هل يروح الصوت 
اذا راح معناته طبيعي اما اذا بقي في مشكله ضخ الزيت داخله المكينه 
 انت اذا بتريح عمرك رح سوي فحص كمبيوتر بـ 100 او 150 
راح يطلع كل المشاكل بالمكينه وداخل الموتر .. وبعدها ارتاح 
انتبه من الي يقول غير زيت وتقعد تجرب بالزيوت خلك علي زيت واحد اذا بتستخدم
50 -20 غيره كل 3 الف كيلو مرا بسيفون مرا بدون . وامورك ان شاء الله بالسليم 

طيب انت تقول انها ماتضر
اخليها بس لان صراحة مكلفة 
الحين وشو ls7 هي نفسها ls2 ولا ls3 ولا كلها واحد
طيب الصباب يعني مسدود ولاايش يعني يمكن ينفع يتنظف بدل ماغير 
وفيه ميكانيكي قالي فضاوة بستم 

X500
مب كلام الاعضاء ذا كلام الشركة المصنعه مشكله اذا شخص مستهلك مثلك بيغلط الشركة اللي صنعت المحرك!!

نفس المشكله عندي ونزلت موضع هنا 

ومالقيت حل. معي اني غيرت جميع انواع الزيوت 

وغيرت التكايات وطرمبه زيت وشخال وكرتير 

والصوت نفس ماراح 

وتركتها 

ولها اكثر من سنه واسافر عليها عايدي 

اخوي الكابرس والومينا 2007-2016 
الزيت 5w30 ومكتوب ب كاتلوج الوكالة + مكتوب على 
غطاء الزيت نصيحة مايخرب مكاين L98-L77-L76-LS2 
الا الزيت الثقيل يعدم لك المكينة 

fx2y
شركه ما فكرت فيك ولا في استخدامك , شركه تفكر كيف تتاكل مكينه باسرع وقت علشان توضب وتشتري قطع غيار او تشتري سياره ثانيه , عندي كابرسين كلها زيت ثقيل وماشيه فوق 400 الف ما شاء الله.

عندما تضع الشركة رقم زيت خفيف فهذا لاستهلاك بنزين أقل وسهولة 
حركة المكينة وهذا يسبب خرط المكينة عالمدا الطويل لأن الزيت الخفيف
يجعل الأجزاء المتحركة أكثر احتكاك والثقيل يمنع الاحتكاك  ويستعمل
الزيت الخفيف للمناطق الباردة والمكائن الصغيرة 2 سلندر او4 ولابأس استعمال
زيت الوكالة أول سنة وبعدين يحول 20 50 لتعويض ماتاكل خلال الاستعمال

الموضوع قديم بس للفائده

٨ سلندر ماينفع لها الا الزيت الثقيل  20w50 

الزيت الخفيف 10w30 يخرب الطرمبه والتكايات ويطلع اصوات بالمكينه

الكلام هذا بعد تجربه واستعمال للسياره ١٢ سنه
وبالتوفيق للجميع