إعلانات غريبه ومحيره والناس تعودت عليها

دلوخ الجيل الجديد 

ياحبيبي موقع حراج أصبح تعزيز في تعزيز 
نزل اعلان ويعززون لك اخويانكـ بسومات وكذا يعني شغل شريطية 

غير اعلانات السوم 

قريب من سعرها وكالة 

وسبحان الله حاجه غريبه ثانيه مثلا سياره عليها سوم 20 الف والناس وصلتها لحول 25 الف  يجي يكتب بكل برود

سيم عن طريق الجوال 30 الف ونطلب من الله الزود 

او حاجه مالها دخل بالمره اللي هي انا مجرد معلن وتلقاه تحت في السومات كاتب نطلب من الله الزود وهو مجرد معلن

يارجل بعضهم يجيك من منطقة ريفية أو قرية واو ماتدري
وين أرضه ويبي سيارته نفس سعر أهل الدمام أو الرياض؟؟
ونسيت اصحاب الاستبنة مانزلت إلى اليوم شايف

اما سالفة وصل السوم ع الجوال هذي يبيلها كتاب
والاستبنة مانزلت مادري وين الاغراء يعني شئ يجلط

بدي وكالة بس جا ييها رش رفارف واربع بيبان وشنطة وكبوت وبالاخر يطلع غطا حق البنزينهو الوكالة  

ياصوت العزاوي
والله ذكرتني اللي  ازعجنا باعلاناته وكل شوي يحدث فيها وهي مبيوعه 
واهم شي صورة الاستبنى 
الغريب ان الادارة مانعه تخلي الاعلان بعد البيع 
ومره بعت ونسيت اعلاني ما احذفه راحت الادارة حظرت عضويتي 

طيب الي جالس يحدث اعلاناته وهي مبيوعه محد قايله شي 
ولا عشانه تجي من وراه عمولات كبيره تركتوه على راحته 

الموقع اصبحت عليه شكاوي كثيره والكل بدا يتكلم عليه وينتقد اساليب النصب والغش الواضحه 
ولو استمر هالوضع فا انا اقولها ليوسف الرشيدي 
ترا هذي بتكون بداية نهاية الموقع 
لازم يتم وضع حدود رسميه 
يعني مثل 
وكالة والسياره ماشيه 200 الف 
الاستبنى مانزلت 
استخدام شايب 
سيارة ارامكو 
وغيره من الكلمات الي ماتليق بسوق البيع والشراء وتسبب تنفير للمشتري لانها واضح اساليب نصب واحتيال 
هذي الاشياء لازم تتوقف 
مدح للسياره مافيه 
تكتب المواصفات والملاحظات والعيوب وبس 
اما تجلس تحكي قصة حياة سيارتك فهذي مالها داعي

صح عليك شويخ والله اصبح التعامل مع البيع والشراء هنا جدا مستفز

او يجي يزعج اهلك بصفحة كاملة مواصفات واخر شي عيب صغير الماكينة مخبطة !!!!

بنز ولايهونون الاخوان



ترى الموضوع سهل يقدر الموقع يجبر المعلنين بنموذج اعلان موحد ماعليك الا تحط المعلومات ويعرضها اما الكلام الفاضي اللي نشوفه من اللي يبيعون والاستغفال متعب جدا صراحه وبالاخير مايبيع بس بيشوف كم بيوصل السعر

( اعلانات فل كامل الا ) هذه ياما صار فيها خداع وخصوصا هيونداي

السوناتا مثلا فئات كثيرة وعد واغلط بينها, بعض المعارض تجيب النص فل ويقولك فل بصمة فل بانوراما فل فل مدري شنو

وبالنهاية تكتشف انها نص فل وانت انضحك عليك , وغيرها طايحين بحركة جديدة للسيارات هيونداي الي تجي بمكينتين

يقولك اكسنت فل 1.4 وهي فوق الستاندر بس 
ويجيك يقولك النترا فل كامل 1,6 وهي ستاندر بس مواصفاتها طيبة
ويجيك الطامة الاكبر حقين الالنترا الشكل القديم وهم اكثر ناس انضحك عليهم والله مامزح وانا مسسؤل عن كلامي امام الله 
ان اي النترا سعودية بيعت باي معرض على اساس انها فل كامل فهي اصلا نص فل لكن كالعادة مواصفات كثيرة وخذلك

الالنترا الشكل القديم الفل مواصفاتها كتالي ( تبريد وتسخين مراتب- 6ايرباقات- باركنق تلقائي- نقاط عمياء- مكينة GDI وليس MPI  كباقي الفئات) 
ويجي سعرها 71 والوكلاء السعوديين ولا واحد وفرها فقط الوكيل الكويتي والقطري

والصلاة والسلام على اشرف الانبياء والمرسلين

ياريت تجي على كده يأخوان شوفوا التدليس من البعض
مثال ميتسوبيشي مونتيرو 2016 فل كامل تيربو

وهي لا فل كامل ولا تيربو 

يعني يحطوا مواصفات زيادة وهي اصلا غير موجودة

فيه واحد منزل اعلان لا اكسبدشن 2016 
وحاط اول صوره داخلية اف 150 
لان داخلية الاكسبدشن قديمة وشكلها مب ذاك الزود 
وباقي الصور حقت اكسبدشن 
يبي يخم العالم بالحركة ذي 
جيت بكلمه لقيته مقفل الردود 

لا تنسى صاحب السيارة مبتعث وإلا بيبيعها لأن عنده بعثة وتشيك عليها تحصلها مرشوشة كامل والشاصيه مضروب 

هذا غير اللي يشتري سياره ويمشيها 2000 كيلو وبعدين يبي يبيعها باعلى من سعر وكالتها ههههههههه والله قمة الحقارة وبذات المازدا بحكم انها طلبيه من وكالتها وغيرها الكثير بس الله المستعان 

لا وش فيك مبتعث هذا لازم  سيارته تسواا ع اساس الموتر بيسافر معه لو ما انباع يارب لك الحمد

ع طاري البعثة مره ليت سيارة طيبه وجاني راعيها واول ماشفته والله عرفت انه شريطي ووسخ الرجال وحالته حاله وفيه من الهياط كم هائل جداً واخر شي مدح في السياره وخلاها نمبرجيني واخر كلامه والله لو ماعندي بعثة مابعتها عاد انا ماسك نفسي من اول ماشفته لا اضحك ويوم قال البعثه انفرطت ضحك قدامه وقلت له رح الله يسهل امرك معد الا انت طالع ابتعاث

البعثه زمان على ايام الملك عبدالله الله يرحمه  يارجل كل مين تسأله  طالع بعثه  تحس الشعب مابقى منو أحد طيب ماتخذوني  معاكم  ابنكم  الصغير ههههههههه

ولايجيك يقولك حكه بكبر الكف من القراش واناطالع  مووانا داخل كمان كلهم هههههههه

ولاالمكيف  شغال يبغاله  فريون بس ههههههه

ولاإلموتر شد بلد بس فيه رفرف وباب  وشنطه  وكبوت  ههههههههههه 

والاستخدام مهندس ولاشايب اناشهمني مبلط  ولاحفار قبور 
ولاواحد قبل كم يوم كاتب استخدام لطيف ههههههههههه هذا فرطني ضحك 
ولاالسيارات الخليجيه  استخدام سيده ولابنت في الجامعه 
مصطلحات غريبه صارات  ماعاد تمشي على أحد الحين 

اول رد لك لايك ههههههههههههههههه