عندي مشكله بالتاهو الي عنده خبره يفيدني

ياخي والله موديل 2007 يرفع الضغط
كلله خرابات وياليت تذكر الممشى لنا علشان نقدر نفيدك

أهلا بك
يا أبو محمد ..
روح منتدى السيارت العربي
هناك فيه مكانيكيين وخبراء بجد ..
أكثر اللي هنا ان عدت عليهم المشكلة ولا مش هيقدر يفيدك - زيي مثلاً -
في هناك واحد اسمه formulaone ماشاءا لله عليه خبير وغيره
وربي يوفقك ويسر أمرك
^__^

ماشي ١٨٠ الف 

والله ياخوك واحد ٢٠١٠نفس المشكله

اخوي هل سبق وغيرت زيت الدفرنس ؟ 
الجمس من ٢٠٠٠ وفوق له زيت دفرنس خاص قيمة العلبة تقريباً ٧٠ ريال  واحد لتر والجمس يحتاج ٤ علب بالاضافة الى علبة صغيرة تضاف معهم وتسمى المعالج قيمتها ٤٠ ريال
اي زيت ثاني غير هذا الزيت ثاني يوم راح يطلع الدفرنس ونه 

بالنسبة لطرمبة الزيت في هاذي الموديلات تعتبر استهلاكية ولازم تتغير على ١٠٠ ألف كيلو تقريباً وبداية الخلل تلاحظ ضغط الزيت والسيارة واقفه على الربع وعند التشغيل في الصباح تسمع صوت تكتكه

طبعاً طرمبة الزيت ماهي داخل المكينة مثل الموديلات السابقة 
في موديلات ٢٠٠٠ الى ٢٠١٢ الطرمبة راكبة في الخارج في صدر المكينة عشان تسهل عملية الفك 

شريتها مستعمله ؟
غالبا مع السرعه الزايده او التحميل المفرط عموما (سوء) الاستخدام يؤدي الى كسر او برد لاسنان البنيون او الكارونه وربما الى تلف الرمان
لو شريت السياره مستعمله غالبا تكون سبق وانعدم الدفرنش فيحطون نشاره خشب او حديد مع شحم ثقيل حتى يخفي الصوت او ربما الحديد الرايش هو باقي تأكل التروس لديك
صعب تحدد المشكله فصعب تحلها.
لو كانت رمان فالحل تغيره
لو كارونه الحل تغيرها مع الرمان
لان المشاكل هذي ما تحل بسرعه ، التوضيب حيرجع لك الصوت من جديد في حدود ست شهور الى سنه وهكذا
وبرضوا ربما يؤدي بعيد الشر عنك وعن القارئين الى فك عمود الدوران لانه مرتبط مع البنيون عن طريق الصليب وممكن يسبب انقلاب السياره لو فك على سرعه عاليه
---------
طرمبات زيت المكينه في الموديلات الحديثه العنايه فيها تختلف عن الموديلات القديمه
افضل الحلول هي بانك تحرك السلف لوضع البطاريه خمس ثواني قبل التشغيل، تكون المضخات والطرمبات قامت بسحب الزيت ودفعه مسبقا فيطول عمرها (خصوصا في الاجواء البارده)

في جدول الصيانة الدورية زيت الدفرنس لازم يتغير كل ٦٥٠٠٠ الف كيلو بزيت اصلي الى سبق وذكرته لك علبة سودا واحد لتر GM او ACDELCO

شاكر ردودكم والزيت غيرته بالوكالة الاصلي مع زيت مانع الاحتكاك هو هو

وننتظر الاخوان لنستفيد اكثر 

يمكن الصوت من الدبل اذا كنت ناسيه عالاوتو لازم يكون على رقم 2 لان الوالد معه تاهو 2012 وشغل الدبل بالغلط وبعد فتره صار له ونين مع الدعسة وغيرنا الدبل على ضمان الوكالة

الي يتعرضون للمشكله لنه الكرونه لو تحتاج تغيير لابد واحد فاهم يوزنها ولا بترجع نفس الونه السبب الاخر الزيت لابد يكون اصلي مو تبع البناشر المضروب الشي الثالث فيه محلول اسمه معالج احتكاك لابد من اضافته مع الزيت لكي لا ترج اصوات الونه مره اخرا 
الي يقلون الزيت لابد تغييره كل فتره زيت الدفرنس زيت تخليقي كامل والي في الكتلوج نص نصايحهم لكي تعمل صيانه ويتم لفه فلوس ولا ليه تاخذون بنصايح وتتركون نصايح مو مذكور في الكتلوج انك بعد عدد كيلو --- تبدل الكفرات ومكتوب فلتر الهواء يتغير بعد عدد --- كيلو اذا بتمشي على الكتلوج بتحط في السياره اكثر من قيمتها الصيانه معروف الي تعمل لسياره كل سنه او 6 شهور وزيت الدفرنس مايتغير الا بسببين اما غرق او تلف جزء في داخله 

والله ياشباب عندنا يوكن ٢٠٠٧ الوالد قالي غير زيت المكينة ورحت للمحطة وغيرت الزيت المكينة والبنشري شيك على الزيوت يقولي معدومه وسودا ولازم تتغير قلتلة غير زيت القير ، وزيت الدفرس رحت شريتة من الجميح مع معالج الاحتكاك ورجعت للبنشري وعطيتة زيت الدفرنس وغيرة المهم بعد تقريبا شهر تسمع الونة بعد سرعة ٨٠ المهم الونة تزيت اليين ما صارت تصدع بالراس ورحت التشليح وغيرت الكرونة ٤٥٠٠ مع الرجيع وظبط الحمدللة وبعدها حلفت والله معاد اغير زيت الدفرنس 
فنصيحتي لحد يسوي نفسه محافظ على السيارة وغير زيت الدفرنس خله على الوكالة مشاءلله جمس ولد عمي ماشي ٣٠٠ الف ولا غيرة زيت الدفرنس ومافيه ونة

يازين الاند كروزر

اخوي بنصحك بورشة شرط ان تدعيلي عقبهم اذا انت في الرياض طبعا تخصصهم شفر وفورد بس 


اسمها ورشة المشعل في الرياض - طريق الامام بعد تقاطع الملك عبدالعزيز وجهك شرق داخل محطه بنزين فيها صراف سامبا 

اسأل عن جون الفلبيني 

بالنسبه لدفرنس خذه تشليح احسن واظمن بس تاكد انه نظيف وخذ حق 2008 وبالنسبه لطرمبة الزيت ركب الزيت لاصلي الي هو كاسترول انصح فيه
ولمن تشغل السياره وهي بارده خلها تسخن لاتدعس ولا شي خلي الموتر يسخن براحته واي استفسار انا جاهز اخوك محمد النابلسي ميكانيكي

عندي مشككله يوكن 2009 صوت احتحاكك وانت تدور العجله بالددركسون

بخصوص الزيت ابعد عن كاسترول نصيحة
لاتستخدم للامريكي الازيت عليه شعار دكسوس يعني معتمد من جي ام

اخوي ريموت كنترول كم شغل الفلبيني 

عندي صالون في أخر شهر رمضان الماضي ،طلع صوت شيئ تكسر داخل الدفرنس ،صبيت الزيت وحصلت قطع أسنان مكسره رحت الورشه فتح الدفرنس طلع عندي الفليورات 2مكسره وغيرته كل شي وكاله،،جلست فتره والحين طلع لي صوت ونه خاصه مع المشي إذا تعديت ال80،،عبيت الدفرنس الأمامي زيت وحصلت زي نشارة الحديد لاصقه ،،،تكفون من عنده حل لايبخل علينا .