ودي افك كاتم الصوت حق السياره

يارجال احنا سياراتنا كلها مفككينها 
بس يطلع شويت صوت بسيط 
وتسمى دبات بيئه  وتعطي الموتر عزم بخيال 
وراحه بالمكينه وتحس انها تتنفس ومرتاحه .
والشغله ماتتعدى 200 بالكثير مره . على حسب فيه بعضها تجي 4 وبعضها تجي 2 

اتوكل على الله  ترا بتحس فيه فرق واسأل مجرب 
ولا تأثر بحراره ولا شي 
اللهم في الفحص كمبيوتر اذا جيت تبيع قالولك حساس الشكمان والع فقط
 
وتقوله عشان تفريغ الدبات ولا منه اي اثر ولا حتى يطلع عندك بالشاشه .

يا اخي نصيحه خل السياره شد بلد

بالنسبه لحساسات الشكمان .. مهمة جدا ولها تأثير كبير على صرفية البنزين

اذا خربت تولع check engine

حساسات الشكمان تعطي قراءة لكمبيوتر السياره .. والكمبيوتر من خلال هذه القراءة يحدد الكميه المناسبه من البنزين والخ...

اتمنى وضحت الفكره


وترى التلحيم يمكن يخرب بعد فتره ويصير ينسم

ياخي ماراح يطلع علامه بشاشه المعلومات .
الا الفحص الكمبيوتر .
وبعدين اي صرفيه بنزين 
هاذي يستخدمونها بامريكا لحفض حراره المحرك اطول مده  بما يقارب 7 ساعات 
اجل الي يركبون هدرز وقزوز برضو يصرف بنزين  يعني المكينه اذا تنفست  وارتاحت 
طلع مضر عليها من الكتمه الي  تسبب ضعف بالعزم  وفي عز الحر المكينه تحتر جدا ويقلل من عمرها 
بس مايطلع بالعداع ..
ولو ان السياره جديده او قديمه  
والرأ] الاخير يرجع لصاحب الموضوع 

وحبيت اضيف الكتمه  المسميه دبات البيئه لأخونا الي يعارض 
الان تضغط تقريبا ربع دعسه علشان توصل لل80 او نقول 100 

بعد تفريغ الدبات يصير اقل من الربع  وانت موصلها بالراحه  من العزم 
وصرفيه البنزين مااالها دخل  اجل الي يثبت سرعه او راعي رجل حاره 
ويدعس بالبنزين بيبقى زي ماهو لا طبعا . 
وصرفيه البنزين تجي من حاجه وهي  تنضيف بوابه الثروتل بشكل خاطى 
الحمد لله  عندنا 3 سيارات فورد لنكولن قديمه موديل 98 و 2000 و 2002 
وكلها استخدام من 9 سنين ماحسينا فيه فرق او نقص بالبنزين او صرفيه 
وفيه لنكولن  الموديل 2000 ماتفرغت دبات البيئه له  ونفس الصرفيه او اكثر برضو 

انصحك اخوي خل موترك مثل ماهو 

هم صنعوه وعارفين البير وغطاه وهم ماحطوها الا وهم عارفين انها تطول من عمر السياره 

وانا اعارضك اخوي ابو رايف 

بالنسبه لراحة المكينه صح كلامك السياره ترتاح بس الهواء الداخل والخارج من السياره راح يختلف وبيزيد الضغط على المكينه ومع الوقت بتلاحظ انها بتتعب وما راح تطول معك ولا حتى تجلس عمرها الافتراضي 

واذا تبي نصيحتي خله مثل ماهو عليه 

موفق يارب 

وترا ياخوي ابو رايف اللايكات معطله عندي لا عطيتك ديس لايك ولا شيء

موفق يارب

اخوي انا كان معي ماركيز 96 وركبت بدال دبات البيئة ال4 مواصير فقط
يارجال قسم بالله صارت تصرف صرفيه طفرتني 10 ريال كل يوم اول كنت اعبيها 10 كل 3 او 4 ايام

عموما كل واحد وطريقه 
الرأ] الاول والاخير لصاحب الموضوع .
والي تشوفه مناسب لموترك سوه 
هاذي افكار  والناس تجرب الي سووه 
وكل واحد وتجربته انا اتكلم بواقع تجربتي الشخصيه وفي عده سيارات .
مايحتاج لا دسك لايك ولا شي 
وكلن يعبر على رأيه وسلامتكم .

معلومه مهمه دبات التلوث الاغلب لما يقوله ابو يمن شيلها وتكتم بالموتر وهو على نياته يصدق ويرميها عند ابو يمن تعرفون ان سعر دبات التلوث سعر فوق ماتتصورون باهض جدا وروحو تاكدو من الشركه المصنعه لسياراتكم بس قوله ابي دبت تلوث الاماميه وراح تتفاجء بالسعر 
المحلات يسوون الطريقه هاذي لنهم يبون الرصاص الموجود داخل الدبه لنه غالي حت بعضهم لما تاخذها يغيرك ويقول اشتريها منك ب100 ولا 200 ريال نجي لفكها فكها طريقه خاطئه انها تسبب كتمه لسياره ماتسبب كتما ولا كان سيارتي انفجر محركه لنه الفورد الامريكي اربع دبات تلوث غير الدبه الخلفيه ومع ذالك يمشي طبيعي والحراره ثابته بعض المشاكل الي تضهر اثناء فكها صرفيه بالوقود عدم توازن صوت السياره وتفتفه بصيطه رائحة الكربون الي تكرهك بالوقوف بجانب السياره والدبه اذا بتعرف انها خلاص تالفه تسمع صوت خرفشه داخلها لنه خلاص تفكك الرصاص وتغيرها من التشليح بواحده مستعمله 
اخوي صاحب الموضوع  لا تسمع للخرافات الي تكتم لسياره ومدري ايش فخل السياره على وضعها العادي افضلك
وابو رايف تفريغ الدبات يقلل من عزم السياره اذا مفرغها عندك ركب بدالها مواصير وتعرف ذاك الوقت الفرق بالعزم  

انا معاي فكتتوريا 2011 مفرغ الدبات شايلها ومركب مواصير ومعاي زي الحلاوه

السلام عليكم .. عن تجربه عندي تاهو 2008 رحت لفني شكمانات وقلت ابي صوت خفيف لدبه الخلفيه ضحك علي وقالي مايطلعلك صوت حتى تفرغ دبة التلوث ويطلع صوت خفيف وقلت ماتضر بالسياره قالي مالها فيده تكتم السياره وشلت الرصاص وﻻ طلع الصوت ورجع حطلي كوع بالدبه الخلفيه وطلع صوت طرب يعني دبة التلوث شيلها ومايطلع صوت المهم طلعت من عنده اخذت مشوار تقريبا 30 كيلو والمصيه راح نصف تانكي بنزين واول تكفيني 3الى 4 ايام .. رجعت البيت وبحثت عن فائدة دبة التلوث طلعت مفيده ..
الساره ساره عندي تصرف بنزين غير طبيعي والماطور تفتفه خفيفه ولمة التشك ولعت واول وﻻ تسمع صوت الماطور . رحت قدمت عليه شكوى عند شيخ المهندسين ورحتله وقلتله ليش شلتها والشغله فيها بيع للرصاص وخاف وقالي اركبلك بدلها .. وبعدين سامحته لوجه الله والحين برجع دبة التلوث وسلامتكم 

والله انا معي تاهو ٢٠٠٨  وودي  بصوت طرب   بس كل واحد يعطيني  راي وعجزت ارسي  علئ بر