كفرات دنلوب للكابريس2001

أخوي أنا ركبتها على فورد كان عليها عرض 
للأسف ماكملت السنة وصارت كلها شقوق كأن لها 10 سنين
ما أنثحك فيها إذا تقدر على المشلان ركبها وريح راسك 3 سنين من واقع تجربة
وإا ميزانيتك شوي خذ هانكوك

طيب يا خالد ممكن تاريخ اللي ركبتها مطول

ركب سومو تومو جدا جدا حلوه للكابريس يابانيه ولينه وماتنمسح دعستها بسرعه 
هذا كلام ناس كثير لي بس للاسف انغريب وركبت ميشلان الواحد ب490
ركب سوموتو بس 2012 وخذ جديده يعني عدد الاسابيع تعدا ال20اسبوع

لا والله يا همس الصمت التاريخ أول شئ حرصت عليه 
واستغربت ان في شخص يقول نفس الكلام لاقي عرض يعني نفس حكايتي 
وأنصحة من واقع تجربة .
الكفرات صوتها جيد واستعمالها تمام بس مشكلتها انها تتشقق يعني كأنها مشموسة أو لها فترة واقفة 
علماً أني أحرك سيارتي يومياً . واوقفها في الظلال
عمرها قصير = الكفرات الصينية ولاتوجد مقارنة مع الميشلان 

طيب رايكم بماكسس التايلندي كبديل للدنلوب.  ومشكورين على الردود

راقي من موبايلي 
الميشلان أنواع أتوقع أنك ركبت نوع مقلد 
ركبتها على كامري 3 سنوات وبعتها والله زرعها باقي الجوانب وكأنها جديدة 
صناعته أتوقع ايطالي والله أعلم 
الكلام ذا قبل 6 سنوات 

دونلوب ركبتها على فوردي القديم 2000 من مركز يلوهات تاريخها جديد وطريقة تخزينهم فمستودعات نظيفه وشغلهم نظيفه الكفرات جلسة اكثر من سنه وكلها خطوط ومالاحظة عليها اي تغيير بس مشكلتها قاسيه ولا الكفر قوي يتحمل اما اللي ركب دنلوب وخرب عليه يمكن تاريخها منتهي او مخزنه تحت الشمس

ركب لك نيكسن كوري ممتاز جدا مثل الياباني وتحصلها ما تتعدى 300 ريال خذها من الوكيل العمودي إذا انت في الرياض تحصله في الصناعية القديمة والكفر عليه ضمان مفتوح.

اانا مركب ميشلان اصلي والحمدلله ثبات ولها سنه للحين بشعرها بس اقصد فرق السعر والكل يقول السوموتومو حلوه 

والا الميشلان جداجدا معي حلوه

ركب لك التويو الياباني ممتاز لأبعد حد .

جمعة مباركة علينا وعليكم ومقبولة ان شاء الله منا ومنكم         بالنسبة لانواع الكفرات ياليت تضعون الاسعار لأي نوع انتم مجربينه     ودمتم بود جميعا؛؛؛

مقاس الكفر 225/55/16.  وكيل الكفرات اللي انت مركبها يا ابراهيم مين؟