أضف سؤال أو موضوع جديد          

رش او تجليد

up 7 down 10
sultan-q 468
قبل 6 سنه و 3 شهر



سلام عليكم

حاب اخلي لون الجنوط اسود ..

موديل السيارة لومينا 2006 ..

ولو رشيتها بوية بتكلفني 250 .. ولو جلدتها بتكلفني 250 بعد ..

لكن حاب استشيركم وش افضل التجليد ولا الرش ؟

يعني لو انت جلدت او رشيت او احد من معارفك جرب .. يقلي لو فيه اي مشاكل للجنط او الكفر او اي شي

طبعا تجليد الكبوت والشنطة مثلا قالولي انه يعدم البوية ..

لكن لو جلدت مثلا .. الغرا ( الصمغ ) بيكون موجود في الجنط صح ؟ كيف اشيله بالتلميع ؟

وشاكركم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الرش افضل لان التجليد لو امزقت عليك منه قطعها صغيره بتضطر تسوي تجليده ثانيه


up 4 down 1
حاتم ابها 656
قبل 6 سنه و 3 شهر



اخوي حاتم

تعرف احد رش جنوطه ؟ هل سببت له مشاكل ؟


up 2 down 7
sultan-q 468
قبل 6 سنه و 3 شهر



طبعا الرش افضل بالنسبه للمشاكل حسب البويه اللي بترش الجنوط فيها 

لاكن تبي الصراحه جنط اللومينا برشه باللون الاسود يخلي السياره شينه لو يكون الجنط كرووم تطلع احلى 


up 3 down 0
hamad2008 1559
قبل 6 سنه و 3 شهر



اخ حمد

انا برشه في محل سمكرة ..

انا صراحة برش الجنوط لان لون الموتر ابيض

وشكل الجنوط احلى باللون الاسود


up 2 down 7
sultan-q 468
قبل 6 سنه و 3 شهر



الرش افضل طبعاء


انت سيارتك عندك وتشوف الشكل المناسب لها
الرش للانو الاسود او جنوط كروم نيكل الي تحس انها اجمل استعملها


طبعا انت بالون الاسود راح تخليها ارهااابيه وعداك العيب هههههه



up 3 down 0
حسن القحطاني 1743
قبل 6 سنه و 3 شهر



الرش افضل واحسن من التجليد (الرش ما ياثر ولا يروح لونو الي بعد فتره طويله جدا وغير كذا يمديك تشيل البويه بتنر و بنزين بس وديها عند سمكري يرشها ويدخلها الفرن) التجليد ما ينفع (بعد فتره بسيطه ومع غسيل السياره بتقطع وبيبهت لونو مع الشمس والحراره
) والخيار راجع لك والله يعطيك العافيه وشكرااا لك


up 0 down 1
bes0 732
قبل 6 سنه و 3 شهر



بارك الله فيكم

اخ bes0

طيب التنر يقولون فيه تنر بـ 10 وفيه بـ 30 .. وابو 30 يشيل اللمعة ويعدم ام الجنط

اللحين بسالك .. لو خلاص مرت فترة وبشيل الرشة .. اروح للسمكري ولا مين ؟ وهل يسبب اي اضرار للجنط ؟


up 2 down 7
sultan-q 468
قبل 6 سنه و 3 شهر



بترش جنوط بـ 250 !!
رح عند حقين محلات الزينة وقلهم ابي رش ماتكلف ولا 40 ريال وفيه نوعين يروح بغسيل وشي يروح بالبنزين



up 2 down 1
ما بنكسر صابر 2691
قبل 6 سنه و 3 شهر



الرش أفضل و أجمل 


up 1 down 0
fasool86 598
قبل 6 سنه و 3 شهر



غريبه ب250؟
خابرها الاربع ب 50


up 0 down 0
lolo-ss 4527
قبل 6 سنه و 3 شهر



يالغاالي


في بخاخ بعشره ريال اسود يكفيك لاربع جنوط بخ فيه ويروح عادي مع المويه

لان اخاف تندم مثل اخوي رشها اسود ويبي الحين يرد لونها الاول


up 2 down 0
aboamani 1148
قبل 6 سنه و 2 شهر



الاخوان الي يقولوا بـ 50 و 40 ريال

هذا بخاخ التغبيرة اعرفه يروح بالموية


لكن ما يطول يقعد اسبوع بالكثير

يعني لو برش كل اسبوع لمدة شهر بيكلفني 160 ريـال

وشهرين 320 ريـال

هي نفسها تقريبا


up 2 down 7
sultan-q 468
قبل 6 سنه و 2 شهر



اهلين اخوي بشرح لك الخيارين

البوية : ترش لماع او مطفي راحح يعطيك الشكل المطلوب لكن في عيوب فالبوية وهي اختيار البوية اللي بترش فيها الجنوط مو كل بوية تضبط معاك يعني عندي واحد اعرفه معه لومينا 09 رشها ويوم لمعها صارت بقايا سواد فالجنط واللمعه مو مثل لمعه قبل يعني يوم وقف كفر الاستبنه جنب المرشوش صار فرق .. والسبب انه البوية تعبانه ف يفضل ترشها في مكان مضمون بحيث يضمن لك البويه ويضمن لك جنطك بعد ماتشيل البوية . وهذا الكلام صار يوم رشينا الموتر في النور الساطع او شيء مثل هالاسم بالرياض ب 3000 ريال كامل السياره [ ضمان للرش + ضمان للبوية بعد الرش ] وفي بعض المحلات تضمن لك الرش لكن بشرط ماتتجاوز المدة اللي يحددها لك يعني قالك حدك سنه خلاص قبل تكمل سنه تشيل الرش

التجليد : بالعكس لو كان الشغل مضبوط عند 3M مثلا افضل لك لانه يستخدمون خامه تجليد ممتازه من تجربه لتجليد سيارة مو جنط لكن انت روح استفسر بخصوص الجنط واهم شيء وركز [الضمااااااان ] وخاصة بعد ازاله التجليد

صراحه انصحك بشيء واحد وهو تبحث عن المحل اللي " يضمن لك " شغله قبل وبعد بكذا انت ترتاح ولاتتدخل نفسك بمتاهات

يعني خوينا اللي رشهم صاحب اللومينا موديلها 09 تحسفف لانه الجنط فيه طبقه كروم
مافي ورشة تضبطها كلهم يرشون فضي عادي ويتعذرون مايقدرون يرجعونه مثل ماكان .. ومافي الا التغطيس ويمكن يضبط مثل شد البلد او لا لانه رش الجنوط عجيب ! درجه لمعان الريش تختلف عن الجنط نفسه


up 1 down 0
.. abady 114
قبل 6 سنه و 2 شهر



الله يبارك فيك يا عبادي


up 2 down 7
sultan-q 468
قبل 6 سنه و 2 شهر



طيب ي شباب احد يعرف محﻻت زينه تزبط الجنط ف ابها 


up 3 down 1
الجنوب.1 3
قبل 6 سنه و 2 شهر