أضف سؤال أو موضوع جديد          

اهل الخبره بالكابريس استفسارات لاهنتو

up 6 down 3
abu kaild 77
قبل 7 سنه و 10 شهر



السلام عليكم ورحمة الله وبركاته اخواني اعضاء المنتدى حبيت استفسر منك واستفيد من خبرتكم عن الكابريس من 2004 الى 2006 قبل مااشتري كيف استخدامها هل عطالاتها كثيره او عاديه وايهما افضل الثمانيه سرندل او السته وهل تنصحونني بها او لا ومشكورين مقدما







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يالحبيب

ترا هذا الموديل من الكابرس كله خرابات والاخس من موديل 2000 الى 2002


انا ما انصحك به لو تاخذ 2007 نظيف احسن

ترا ذي الموديلات من 2000 الى 2006

كلها تهريبات ومشاكل


ولو تبي تاخذها ودخلت مزاجك خذ 8 سلندر


up 4 down 1
موستنج جي تي ار 3470
قبل 7 سنه و 10 شهر



6 سلندر مااايسوا ريال بصراحه
8 سلندر افضل وفناااان

انا مجرب 2006 وخذ الهرج الصحيح
اذا انت مو موسوس وتهتم بالسياره لاتاخذها وانا اشوف قطع غيارها الاستهلاكيه اسعار غير مقنعه
جيت اغير هوبات الواحد اصلي 700 الواااااحد بس و اداء الفرامل بصراحه ماشوفه تمام عالسعر

المهم السياره ممكن تبسطك بس مرره مو حق كرف طبعا الظهر بالكوابرس حاله خاااااااصه

عموما اخوي السياره ماعجبتني واشوفها مو حق عِشره ولا تستاهل اللي ينحط فبطنها

استخير والله يختارلك اللي فيه الخير....


up 9 down 1
المدينه 300 782
قبل 7 سنه و 10 شهر



صراحة عن تجربة شصية كان معي كابرس 2002 والله يانه كعد زي الحلاوة بعد سنة ذي الله لايوريك خربت طرمبة المويه ثم المرواح وبعدين حرارة لكن صراحة  
ونصيحة لك لا تاخذ الا ال8 سلندر وخاصة موديل 2010 وانت طالع و في سيارات اطلق من الكابرس مثل الكلزلر 2012 صراحة ابداغ وحكت كرف  تقبل مروري 


up 4 down 0
abo- tawfiq 136
قبل 7 سنه و 10 شهر



انا معي LTZ 8 سلندر الافضل ال8 سلندر 
ال6 سلندر دايما قيره يخرب لان قيره ضعيف 

ال8 سلندر اقل خرابات لكن عليك بالاهتمام والمحافظه 

قطع الغيار اشوف اسعاره كويسه خصوصا عندك اكثر من خيار 
جي ام اصلي وكاله 
اسي ديلكو اصلي وكاله درجه ثانيه 
امريكي
كندي 
واسعار القطع جدا معقوله 
الله يوفقك بس نصيحه كابريس لا تاخذ الا النظيف لان حساس خصوصامنناحيه الكهرب والحراره والله يعينك 

النظيف اذا حافظت عليه خدوم وحق خطوط لكن اذا ما حافظت عليه يدمرك كل شوي عطل وخراب اكثر مشكله جننتني الكهرب والحمدلله الحين المشكله شبه انحلت  ولم تنحل بشكل كامل












up 1 down 1
محمد.الرياض 1437
قبل 7 سنه و 10 شهر



سلام عليكم

نصيحة لوجه الله ..

انت تعرف ان اللومينا اخت الكابرس من جميع النواحي .. نفس المكينة ونفس قطع الغيار ونفس الاسعار تقريبا

انا معاي لومينا 2006 .. الحمد لله مشاكلها قليلة جدا بسبب اهتمامي فيها وتغير الزيت اول بأول ..

انصحك بلومينا 2006 .. اي فئة تعجبك سواء S , SS , LTZ , LS .. واسعارها بتكون بين 20 - 40 الف

لو انك مهتم بالشكل الرياضي وقوة المكينة خذ SS
لو تبي شكل رياضي ومكينة عادية خذ S
او LS و LTZ فيه 8 سلندر و 6 سلندر


up 4 down 0
sultan-q 466
قبل 7 سنه و 10 شهر



الكابريس كله خرابات بانواعه وموديلاته دور لك سيارة ثانية احسن ياخوي
السيارة طويلة ليش ودي اذبح المصمم وش يفكر فيه وقتها الناس تدور شي متوسط علشان تبعد عن الزحمة والضيق وذا مخلها طويله الدرج


up 1 down 3
رايق السيارات 590
قبل 7 سنه و 10 شهر



^^^
غريب امرك
الحين اهلي يركبون ورى وانا مرجع مرتبه اخر شي ويبقى وسعع !!
جب لي سياره ثانيه فيها نفس هالوسع , طبعا من فئه متوسطه مو تقول لي مرسيدس بانوراما
صراحه موتر جيد , وخراباته صح تشيب راس لكن موتر خدوم وبذات بالخطوط , طبعا اتكلم عن شكل قديم 2001 و 2002 .


up 3 down 1
x500 776
قبل 7 سنه و 10 شهر



والله تبي الصراحه 

انا مجرب كل الموديلات الكابرس 8 و6 و2 و1 

نصيحه ابعد عنها خصوصاً  من 2000 الى 2008 انواع الاصوات وطقطقه من تحت واصوات الديكور وقير 4 نمر مايتحمل   

وحراره ورجع بالخط

 رغم اني مو راعي مقاوم وسباقات ومحافظ عليها بس هالموديلات تطلب قطع استهلاكيه كثييره 

مو خربات بس يبغاله تدريها وتحافظ عليها مررره 




خذ 2009 وطالع او خذ لومينا 2009 وطالع صلحوو عيوب الطقطقه والقير صار 6 نمر وصار مبردين وكاله

واخذ هيمي كرايسلر او تشارجر افضل من الكابرس بمراحل 

وبالتوفييق







up 2 down 1
ss 2007 1798
قبل 7 سنه و 10 شهر



الشكل القديم كله مشاكل.. خذ لك الشكل الجديد الي هو موديلات 2007 وفوق.. وبصراحة SS سيارة صح على الخط


up 1 down 2
c7ec7e 638
قبل 7 سنه و 10 شهر



اشكر كل من رد على الموضوع وجزاكم الله خير على النصائح ماقصرتوا


up 2 down 1
abu kaild 77
قبل 7 سنه و 10 شهر



من واقع تجربتي 
معي كابرس 2008 6 سلندر 
ماواجهت مشاكل ابدن غير حساس الدعسه وذا شي عادي ولا ياثر 
الحراره ماترتفع مسكت عليه خطوط مااسمع لا طقطقه ولاهم يحزنون 
وقيره ممتاز 
باختصار : 6 سلندر عملي وخدوم واقتصادي وحراره ماتعدا ربع وعزمه حلو وممتاز 
8 سلندر : عزم جبار ووحش بس صرف وحراره ترتفع وقليل تحصل نظيف بحكم ان الي ياخذ 8 لازم يدعس عليه ويقاوم 


up 2 down 0
ال اس 2008 30
قبل 6 سنه و 12 شهر



السلام عليكم 
ياأخوان انا معي لومينا ss 2006 اقدر اركب قير كابرس ss2006 على الومينا ارجوا الرد
تكفون ياشباب ابي الرد هل يركب وﻻﻻ


up 0 down 0
بومحمد184
قبل 6 سنه و 2 شهر



مين قال الكابرس مب حق كرف أنا معي كابريس 2000 ما شاء الله عليه في الخط من أحسن ما يكون 
أما داخل البلد مع الزحمة ما ينفع



up 0 down 0
gareib
قبل 5 سنه و 7 شهر



سلام عليكم 
كيف حالكم جميع
انا معي اكسنت ٢٠١٤ ماشيه ثلاثون الف 
وحصلت كابرس ٢٠٠٨ ltz ماشي ٢٥٠ الف
هل تنصحوني فيه ولا لا 
والكابرس يقول صاحبه على الفحص وكل شي نظيف انا باقي مافحصته
وحبيت استشيركم ياهل الخبره 


up 0 down 0
لولوي
قبل 5 سنه و 5 شهر



وعليكم السلام ورحمة الله وبركاته
نصيحه لوجه الله ابعد عنه انا قبلك استفسرت وانا الي كاتب الاستفسار قبل اكثر من سنتين 
وزيماانت شايف فيه ناس نصحوني فيه وفيه ناس قالو ابعد عنه وكلهم ماقصرو الله يجزاهم
خير
المهم انا شريت كابريس ٢٠٠٦ نضيف ومشي قليل وفحصته قبل أشتريه وطلع تمام
لاكن والله ماكمل شهرين وتبدأ الخرابات الي مالقيت لها حل كل ميكانيكي يفتي
من راْسه احيان صوت بالمكينه وأحيان تقطيع والسيارة يادوب تمشي لين كرهت
السياره كلها وقررت أبيعها وتعبت حتى ببيعها ماهي مرغوبة حتى بالبيع
الخلاصه نصيحه لوجه الله ابعد عنها 


up 0 down 0
abu kaild 77
قبل 5 سنه و 4 شهر



هل تنصحوني بكابرس ٢٠٠٧ ٦سلندر


up 0 down 0
malkee
قبل 4 سنه و 12 شهر



ياشباب تكفون ابي فزعتكمم معي كابرس ٢٠٠٨ال تي زد ابي  ارهم داخليته ٢٠١٤وين المحل الي يرهم ابيكم تفيدوني 


up 0 down 0
gmc 97
قبل 4 سنه و شهر