نصائحكم بأمور تتعلق بتاهو 2013

قلقك طبيعي كونك مشتري سيارة من دم قلبك 

 السؤال الأول : لا ، لايلزم ، وبصراحه لا أنصحك بالوكاله أبدا ، وإن كان لابد روح بعد اول ١٠٠٠ كلم لتغيير الزيت 

 وبعدها خلاص تعامل مع أحد البناشر النظيفة وأشتر كرتون زيت ٣٠ - ١٠ وغير زيت عنده
 
 
 السؤال الثاني : اي زيت من شركة معروفة ، وعندك سوبر جي تي ، الترا ٧ ، شل ، كاسترول 
المهم تشتري من موزع معتمد للجمله، ولاتنسى تشتري كرتون فلاتر زيت من الوكالة 
 
احذر أشد الحذر من فلاتر البناشر ماهي مضمونه
 
 وتغيير الزيت نعم بعد ال ١٠٠٠ مع الفلتر، بعدها تغير كل ٦٠٠٠ وصولا إلى ١٠٠٠٠ على طريقة السواقة 

 المقدار تلقاه يالطيب بالكتالوج اللي بالدرج ، ولاتاخذ كلام فلان وعلان كلها آراء مع إحترامي 

 
 السؤال الثالث : ليس ظروري زيت التنظيف ، وإنما يكفي وضع زيت عادي مع فلتر جديد
 
  
السؤال الرابع : اذا مستعجل بالحيل سافر عليها لكن خل المشي مابين ١١٠ وحتى ١٣٠ بالكثير 

 وأهم شغله لاتحرق الدعسه ، خلك هادىء بالسواقة جدا

شوف الجميح ذا الله يعينك عليه اخوي خرب مكينة اليوكن عليه وهواش هو وياهم وبالاخير توظيب المكينه ومبرووك السياره لكن بعد 1000 كيلو غيره بالوكاله واسئلهم عن نوعية الزيت وعياره واهم شي العيار وانا انصح بسيارات جنرال موتورز زيت بترومين 10w30 ولاتسافر الا بعد تغيره وانصحك تغيره كل 4000 كيلو وبالصيف كل 3000 او اقل بعد واقرا عليه وصب بعد بالرديتر مويه مقري فيها شوي والله يعطيك خيرها ويكفيك شرها

السؤال الخامس :  
 
١- لاتركب التلبيسة البلاستك الشفافة اللي بالأرضية ، أنا أعني اللي لازم يفكون المراتب 
والدعاسات الجانبية والبلاوي الزرقاء 

 لأنه احتمال تتأثر الكهرباء كون العمالة مايفهمون بالكهرباء ، فلو انجرح سلك راح تطلع لمبة ما بالطبلون
 وراح يضيق صدرك وانت ماتدري وين الحل
  
٢- حاول تخلي سواقتك منوعه لاتخليها خط فقط لمجرد عشان تمرنها 

 ٣- بعد ال ١٠٠٠ كلم تقدر تاخذ راحتك بالموتر كسواقه ، والسرعه ماأنصحك فيها بكل الأحوال 

 ٤- خلال ال ١٠٠٠ كلم لاتسحب أي شيء بالموتر ، والفرامل حاول على قد ماتقدر تضغط عليه ضغط خفيف
  
الا بالحالات الطارئة عاد لازم تكبس فرامل جامد أكيد ( :
  
هذا اللي  عندي حاليا

طبعا ماذكرته اعلاه من كثر ما أقرأ كتالوجات مواتر ههههههه 
 
 
 عيوني زغللت يارجاله من المذاكرة 

 عندي اختبارات دعواتكم

المسعف خالد كلامك تمام ، فيه اخطاء مصنعية وبالأخير الوكيل مايبدل الموتر 

 الله يبدلنا خيرا منه آمين
  
وترى تغيير الزيت عند ٣ و ٤ الآلآف قليل يالغلا !! 
 
الزيوت الجديدة مع الحرق والكرف ٥ الالاف بالراحه
 
 وصولا إلى ٩ أو ١٠ الالاف اذا السواقة هاديه بالحيل

اهنيك على الاختيار وان شاء الله ماتندم مادام هالوحش معك والاعضاء ماقصروا افادك

كانت معي كابرس وكنت مع العالم اغيره الا بعد مدري كم وصراحه كنت راعي سرعه فيه وبالاخير بوش علي غيرت المكينه وتأدبت كل 4000 كيلو اغيره

عالبركه اخوي والله يعطيك خيره ويكفيك شره ..

عالبركه اخوي والله يعطيك خيره ويكفيك شره ..

عالبركه اخوي والله يعطيك خيره ويكفيك شره ..

بسئلك يااااااااااااااااااااااااااااااخوي كم شريته

الاخوان
فكوك والمسعف خالد و hmada1213 و برينسيزو
الله يعطيكم العافية والله ماقصرتم واسال الله ان يكتب لكم مافيه الخير والاخ فكوك اللي يوفقك باختباراتك ويجعل النجاح حليفك
الاخ البرنس اخذته بمبلغ 151 الف ريال والجميح مسوي عرض على نفس المواصفات بـ159,700 ويقول اذا انتهى العرض يرجع السعر الاصلي 173 الف

موفق بلاختيار 
الله يعطيك خيره ويكفيك شره 

يا غالي بفيدك من النقطه الثالثه،،،
اولا ابعد كل البعد عن زيوت التنظيف لانها تسد طرمبه الزيت،،،وسيارتك ما شاء الله وكاله،،،
نوع فلتر الزيت او السيفون pf48 وتو ةاكدت لك من موقع gm واشتره ون الوكله سعره ١٥ ريال ولا تاهذ من البناشر ترها مغشوشه وتقليد ويركبه ب ٢٥،،،وخذ لك كرتون زيت من موزعين الجمله وغير الزيت في بنشر كويس وانت مرتاح ضامن زيتك وسيفونك انها اصليه،،،،
وغير الزيت من ٤٠٠٠ الى ٥٠٠٠ افضل لك ولا تمشي عليه اكثر من ٥ الاف لان السيفون ما يتحمل،،،،وع فكره غير السيفون مع كل تغيره لا ن ذا يساهم في تنظيف المكينه من الترسبات،،،
والله يبارك لك رسيارتك ويجعلها خير لك،،،،

ع فكره المكينه فيها حساس لصلاحيه الزيت،،،وانا بالعاده تظنهر ع ٥٠٠٠ في سوبربان الوالد م٢٠٠٣،،،،،،

بارك الله فيك اخوي asalami والزيت تنصحني باكاسترول والا لا

لا والله يا غالي ما انصحك بكاسترول لانه يجيب لك وسوسه تخيل تصب الزيت واذا جيت تشيك ع ٣٠٠٠ يكون ناقص،،،،،وبصراحه انا محتار ما ادري وش الزيت المناسب لان الماركات كثيره لكن انا انصحك تغير اول مره بالوكاله وهناك تسال المهندسين عن انسب زيت ،،،والله يكتب لك الخيره من امرك،،،

يا اخوان معي2011 من المعرض اصفار وغيرت عند5000 كم مجانا وفتحو لي ملف وخدمتهم اللي بخريص جيدة حتى اني طلعت عيونهم بالملاحظات بالسيارة وظبطو كل شي وعوضوني بسيارة بديلة لانها قعدت 3 ايام عندهم واي قصور عندهم اتصل على المركز الرئيسي بالشرق الاوسط بدبي يجونك يحبون وانا والله انصح الواحد ما يتعدى الوكالة

الله يباركلك فيها عطوني لايك ههههههههه