يا جماعة كم تسوى لومينا 2003 اسيح فئة نظيفة مرة

كم ممشاها ؟؟؟ والبدي حقها فيه سمكره او رش ؟

ممشاها 200 ألف وبديها وكالة

ما فيها لا سمكرة ولا بويه بس فيها تعديلين كل واحد 10 سم.

تجيبلكـ 30 او 25 اذا نظيفه

معقولة !! هي نظيفة مرة ما فيها أي شي أو مشاكل بس طبعا مو مثل الجديدة أو شبه الجديدة.
بس مو معقول سعرك أخوي لأن هذا سعر الـ LTZ نفس الموديل نظيفة

أنا مشتريها قبل 4 سنين بـ 27 ألف وكنت مستغلي هالسعر عليها بعد.

لا ياخوي كحد اقصى تجيب لك 18000 الف ريال .. وانت بنفسك ادخل موقع حراج وشوف السيارات المعروضه وقارنها بسيارتك واحكم بنفسك ,,

فيه أحد بيشتريها بالحد الأقصى وهو 18000 ؟؟
ما أظن.
ولكن هل تعتقد إن هاللي سامها مني شريطي؟؟
سوري كبير ومعه ابنه وأخوه بعد ما جربوها وشافوها على طول نصو معرض يعرفونه والظاهر يشتغل فيه سواريه.
فهل هم شريطية؟؟
المشكلة حلف لي مية مرة إنه بيستخدمها ويروح عليها للأردن وماغير يدعي لي ويدعي على بشار.

يابن الحلال تجيب لك بين 17 - 20 الف لا تبيع باقل

اما الي يقول 25 و 30 هذا ما يدري وين الله حاطه

وللأسف طلع اللي اشتراها بـ ١٥ ألف شريطي.
من شافني وهو يحلف إنه يبيها له بيستخدمها ويروح يجيب والدته من الأردن لاجئة.
قلت له عطني جوالك وأبرجع عليها لديرتي أنزل أغراضي وأرجع مسجل الوكالة حقها فيها.
قال أبد ما أقدر لا محتاج للسيارة مرة ما أقدر أصبر يوم واحد.
بعتها عليه ونزل هو واخوه أغراضي كلها رمي إلا العطر قال لي ما ودك تطيبنا منه؟ قلت بلى. يوم مديت يدي أبرش على يده وياخذ علبة العطر كلها ويحطها بجيبه الحرامي.
وأهديته منفاخ وعدة وعدة أغراض كهدية طيب نية مني، وطلعت مهديها إلى حرامي.
وبعد أسبوع رجعت للمعرض آخذ باقي فلوسي وألاقي السيارة مغسلة ومعروضة فيه.

اللهم أفقره، اللهم لا تبارك له في أي ريال يأخذه بالكذب.

والله ي وليد ناسٍ الله يكفينا شرهم تغيروا !!! ولكن ما نقول الا حسبي الله عليه ونعم الوكيل معوض خير ان شاء الله