المعاناة مع الكابريس 2004

الله يعينك معي 2006 اقسم بالله عمال الصناعية صارو يعرفوني
الحرارة دمار والرديتر ازفت حطيت ببطنة في سنتين حول 15الف وكل مرة اقول اخر خراب
ودية السوق من 18 ونازل قهر رميتة بالبيت  احرقة ولا ابيعة بها القيمةلاني فاكة وكالة ومحافظ 
بس يقولون ال6سلندر دمر الله يعينك بس ونصيحة بعة لو براس مالة لانك بتدفع لين تتعب

الله يعينك ويعوضك خير.

شف اذا رجعت وخرب معك اي شيء من جديد صلح وبع على طول السياره اذا عوكست معك خلاص لاترجي من وراها
خير وعسى الله يعينك ..

الكابرس انتهى عام 96 ورجع لنا كسابق عهده من موديل 2011الى الأن اما من موديل 2000 الى 2008 

جودتها اقل مايقال عنها سيئه جدا جدا 

لكن صدقني لو جربت الموديل الجديد من 2011 بالذات لتقول غير الكلام ذا 

اووووف
يارجل ..
عربتتك ملعووووووووونة - نفس الالتيما اللي كانت معايا
أو محسودة ..
اشوف اصحاب الكابريس بعضهم بيمدح فيها

عندي واحد ما امداني اسوقه الا منبطح بالورشه
حتى جوالي تخزن فيه ارقام الورش (:

كابرسك يا ان راعيه اللي قبلكك كان كارفه ومهمله ولاعن والدينه ويمشي ويدعس بالحفر وياكل بهالمطبات ولا مع بزر  
 او ان السيارة معيووونه ( فيها نفس ) بسبب نظافتها 
أو انت ما حافظت عليها وسواقتكك لكك عليها
أصلا معروف الكابرس اذا كان راعيه مايحافظ عليه ماراح ياكل عيش معه

فيه مريض شغال ديس لايك على الكل !!

والله يعينك أخوي

اخوي طبيعي هذا واقع الكابرس مو شي جديد انا مجرب موديلات 1و 2 و6 و8 اس اس 8 سلندر

رغم اني مو راعي درفت ومقاوم وخرابيط

الكابرس من 2000 الى 2008 يطلب قطع كثيييييييره هالموديلات جودتها لك عليها 

حراره وقير 4 نمر ومشاكل الكهرب واصوات والطقطه

2009 وفوق عدلوو المشاكل صارت جودته افضل شوي من الموديلات السابقه  

الي يعشق الشفر ويبي سيارة رياضية من الشفر

انصحه ياخذ موديل 2009 وفوق نصيحة .. القير صار 6 نمر ومبردين قير والله راحة لان المشاكل اغلبها حرارة وقير

طبعا اتكلم عن اللومينا والكابرس

انا عندي ٢٠٠٩ ltz قير ٤ سرعات v8 
بس انه عندي افضل من ٢٠٠٦ كان معي دمرني دمااااار
صناعية جدة وخضرية الدمام كلهم يعرفونني

الله بعيني معاي لومينا ٢٠٠٠مشاكل وأصوات وخرابط كل يوم خراب والله اشتريتها ب١٥الف دفعت عليها عشرين الف ولسا مشاكل  وربك كرمها وعلينا وطلعت يارس أصفار.  وقفتها قدام البيت. 

khokha20 لايك ولا تزعل :D 

>>>>>>> 
ايش رأيكم فى كابريس 95 كنت بشتريه خوفتونى منه :(

هي جملة وحدة بس.
(اللي ما يعرف الصقر.. يشويه).
مشتري سيارة عمرها 10 سنوات وتبيها مثل الجديدة أصفار ما فيها ولا خراب واحد ؟؟!!
أي سيارة عدت 5 سنوات مهما كانت صناعتها حتى لو يابانية صاحبها يحط يده على قلبه لا يخرب عليه شيء فيها.
كل سيارات العالم لها عمر افتراضي للجودة والخرابات.

الرديتر (اللديتر على قولتك) ليش تركب رديتر من الوكالة؟! كان أخذت صيني من صناعية الرياض بـ 350 ريال ونفس الأصلي بالزبط.
الفحمات وش الغريب في موضوعهن؟؟!! انت مشتريها مستعملة وفحماتها كانت حول ما تخلص، بعد ما اشتريتها بكم يوم خلصت. ما تحتاج معادلة رياضية لحلها، وبخصوص السعر 600 ريال وين هذا ؟؟!! سعر الطقم أمامي وخلفي 450 ريال فقط وأصليات بعد ACDelco.

المساعدات نفس كلامي عن الفحمات، مشتري السيارة في آخر أيامهن.
كراسي المساعدات اللي ركبتها المرة الأولى غير أصلية، مستحيل أصلية بـ 100 ريال مثل ما تفضلت.
سعر الطقم بـ 170 ريال في أرخص محل بالصناعية.
والمساعدات الأصلية (مونرو) الاثنين بـ 460 ريال.

فلذلك نقول (اللي ما يعرف الصقر يشويه).
سيارة ما عمرك جربتها ولا تعرف عنها أي شي لا توهق نفسك بشراء المستعمل كثير جداً منها.

الحمد لله كان معي 3 لومينات شاريهن كلهن مستخدمات، الثنتين الأولات نظيفات مرة ما حطيت فيهن أي شيء غير زيت وبنزين وفلاتر وفحمات وكذا أشياء روتينية.

استغرب من بعض المشاركين ومقارنتهم بين سيارات أعمارها عشر سنوات وأكثر، وبين سيارات حديثة أو جديدة!! مثل الأخ اللي يقارن بين لومينا ٢٠٠٠ ويارس مطلعها جديدة وكالة!!!

يا اللي جالسين يدسلكون مشاركتيني، وش في كلامي غلط؟
يعني أنتم ترون كلامي خطأ!؟
بالله اتركوا التعصب والعواطف وفكروا بعقلانية، هل سيارة مكروفة سنين ما راح تطلب أي إصلاحات وبتكون زي السيارة الجديدة!؟

شي غريب.
الآن معي كابرس رويال 2004 مشتريها ملعوب فيها لعب، ومع ذلك ما تزال ممتازة للإستخدام، شي واحد بس ما زلت أحاول إصلاحه وهو حرارة المكينة فوق سرعة 100.

^^^^^^^^^^^^^^
صدقت.. اللي ما يعرف الصقر يشويه
من صغري وانا اسوق سيارات ما بين شفر, GMC , تويوتا , ديهاتسو قلاب
وكل سيارة فيها عيب وميزة

والحمد لله الحين معي كابريس مستعمل شاريه بفلوسي
وماهو مقلقني الا نظام مراوح التبريد مبرمجه من المصنع ما تشتغل الا على 108

اما سالفة ماني فاهم في سيارة معينة واروح اشتريها عشانها اعجبتني
بعدين اذا خربت اعيب فيها