أضف سؤال أو موضوع جديد          

أفضل انواع الإطارات للكابريس 2009 جنط17

up 2 down 0
ابـــو بندر 17
قبل 8 سنه و 4 شهر



اخواني اريد استبيان عن انواع اطارات الكابرس مقاس 225/55/17
١-يوكاهاما :
 حقت بلدها وأسوأ انواع الكفرات على الاطلاق 
مسحيه -اصوات مزعجه -ضعف رساوه
٢-تويو :  
صلب وقاسي جدا وسيء وممكن يسلخ بأي لحظه
٣-ميشلان : 
وياعمري يالميشلان نعومه ورساوه وجوده وتحمل حراره مو طبيعي 
بس سعره ارتفع جدا مؤخراً
٤-سوميتومو:
ممتاز وسعره معقول والصراحه استخدمته على اكثر من كابرس ٢٠٠٦و٢٠٠٩
ولا لاحظت عليه اي سوء

 يتبقى لدي ١-الجوديير /والدانلوووب 
اتمنى ممن جربها يفيدنا مشكوراً
لاني ناوي اجربها بكرة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا بافتيك عن كفرات القودير
الوالد الله يحفظه معاه يوكن و كفراته قودير اشترى اليوكن و الى يومك هذا
الكفر رهيب ماشاء الله والله ما غيره ولا لاحظ عليه شي عشان يغيره
طبعا السياره يوكن2008من الوكاله طلعها اصفار والسياره حاليا لها 6 سنوات
بكفراتها و تتحمل و.مريحه و سلسه مع.الخط 
ي كثر ما سافرت على السياره و زي الحلاوه
نصيحتي شوف لك القودير بامانه ما تندم 



بس لاحظ ي غالي ان الحين نزل قودير تجاري يجي من دبي 
و عشان تعرف انه تجاري ترى القودير غالي و واضح سعره 
انا سألت عن كفرات القودير لجنط 20 لليوكن ب 1200 حاليا .. طبعا 1200
للكفر الواحد .. سألت بالوكاله 

كنصيحتي القودير افضل و لك و.للزمن و بيفيد الاخوان اطثر باذن الله 
و اذا بتاخذ قودير لا تاخذ الا من الوكاله 

دمت بود 


up 0 down 0
عبدالله الشهري1987 2362
قبل 8 سنه و 4 شهر



حياك الله اخوي الشهري 
انا فعلاً اليوم ناوي اركب قوديير ولقيت الطقم ب٢٢٠٠
يعني الحبه ب٥٥٠ للكابرس طبعا جنط ١٧
لكن على كلام الميكانيكي ان الضمان من الوكيل يعني هو زي الموزع
ووكيله الراشد سعره اغلى طبعا وراح يحسبها علي ب٧٠٠تقريبا

فطالما االبنشري عطاك ضمان الوكيل فتأكد ان كفراتك مضمونه بإذن الله

زي مثلا الحين انت تروح الجميح وتلقى يوكن ٢٠١٢ ب١٧٠الف 
وتلقاه بالمعارض عند الموزعين ب١٦٤الفا او١٦٥ 
والسياره اصفار ووارد الجميح بعد 




up 2 down 0
ابـــو بندر 17
قبل 8 سنه و 4 شهر



شوف اخوي مافيه شي اسمه كفر للكابرس وكفر للكامري وكفر للكزس الكفرات تركيب على اي سيارة لها مقاس الجنط

اليمانية لعبوا فينا بها الحركة اذا كان موترك غالي طيروا السعر عليك واذا من مشي حالك عطوك بالسعر اللي تبيه خصوصا الكفر طايح سعرة هاليومين روح للوكيل مباشرة ومعاك مقاس الجنط طول في عرض في ارتفاع تحصل المقاسات على الكفر اللي راكب حالياً اخذ المقاسات واشتر من الوكيل بنفسك

اما بخصوص الكفرات للأمانه ما اشوف افضل كفر غير ميشلان الألماني بس انه قاسي شوي ولكن كفر لك ولثلاث سنين قدام وسرعة مفتوحة مركبه لسيارتي من سنتين وشوي وليومك والحمد لله الكفر فوق النص رغم اني مشيت عليه فوق 80 الف


up 1 down 0
histyria 572
قبل 8 سنه و 4 شهر



الدانلوب افضل كفر استخدمته قوي و مايسلخ ويتحمل حرارة وماينتفخ


up 0 down 0
رايق السيارات 588
قبل 8 سنه و 4 شهر



السلام عليكم.
ممكن رقمك لو سمحت؟


up 0 down 0
مؤسسة بشائر الشمال
قبل 5 سنه و 5 شهر