أضف سؤال أو موضوع جديد          

عندي سفر وابي حل للسافي وتاثير على السياره

up 6 down 0
khaledsa 810
قبل 6 سنه و 3 شهر



بسم ألله ألرحمن ألرحيم 

عندي سفر بحول ألله حوالي 800كيلو 

وخايف على ألواجهيه تتأثر من ألهوء والغبار 

متردد بموضوع ألتغييره أذا تفيد أو لأ 

وهل أذا كأنت أالسرعه أقل من 140تسبب ترميل 

أهم شي أدعوأ لنأ بتيسير








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أقرب محطه علبة فيري الأصلي 
وسفنجه مواعين وأمرخها لين تقول آمين
وأول ما توصل من السفر اغسلها .


up 4 down 0
خالد 3000 837
قبل 6 سنه و 3 شهر



الله يسر امرك اعتقد التغبيرة تفي بالعرض انا في كل سفرة اشتري بخاخ الي في محلات الزينة واحطة ومالاحضت اي ترميل مع الوقت توصل بالسلامة ان شاء الله ..


up 4 down 0
ابوعبير_- 3451
قبل 6 سنه و 3 شهر



سوي لها تشميعة عند بعض البناشر قبل ما تسافر
توصل بالسلامة يابو خالد


up 2 down 0
exelero 67
قبل 6 سنه و 3 شهر



اولا الله يسهل دربك ويكتب لك اللي فيه الخير

وبالنسبة للترميل اعرف ناس كثير يستخدمون التغبيرة لكن ماادري عن جدواها
لكن فيه حمايات للوجهية تصحلها في محلات الزينة لكن ماادري عن اسعارها


up 1 down 0
أأبو نوااف 1641
قبل 6 سنه و 3 شهر



والله وانا أخوك أكلمك من واقع تجربه ، استخدم الفيري وأول ما توصل بالسلامه إن شاء الله أغسله على طول ، مع أني ما جربت التغبيره بس ألاحظ التغبيره متعبه في الغسيل ، والخيار لك وأنا أخوك .


up 2 down 0
. ابوعيسى . 54
قبل 6 سنه و 3 شهر



جزاكم ألله خير 




up 1 down 0
khaledsa 810
قبل 6 سنه و 3 شهر



حط لها برقع او غطا من قدام مااعرف اسمه بالتحديد 
يحمي لك الانوار والواجهة بشكل كام
اذكر الوالد شراه بـ 180 ممتاز جدا
وتروح وترجع بالسلامة


up 2 down 0



للتعديل *بشكل كامل 


up 2 down 0



يا اخوان احد الزملاء قال لي طريقة استغربتها وهي يغلي بريق كبير ماء معه سكر ومكثر السكر وبعد ما يبرد يصبه على وجهية السيارة يقول بتصير لك طبقة عازلة واذا وصلت بالسلامة اغسله وبسهولة يروح ولا له اي أثر،،،انا ما جربت هالطريقة ولكني انقل ما قاله لي حرفيا


up 2 down 0
ابوعبدالمحسن123 532
قبل 6 سنه و 3 شهر



اذا تبغى تعدم شمعاتك استخدم الفيري !! اكلمك من واقع تجربه كنت احطه ع الوجهيه واسافر به واغسله اول ما اوصل ,, لاحظت بعد فتره فيه مثل التشقق بالشمعات وصار شكل الشمعات مشوه ,, حط لك برقع او تغبيره افضل لك ,,


up 6 down 0
ابو سعود629 4658
قبل 6 سنه و 3 شهر



اجل مامعه إلى فازلين ههههههه
والله أنا جربت التغبيره عيبها الوحيد أنها تدخل في بعض الفتحات اللي يصعب عليك 
غسلها بعدين بس ترا ما تأثر ذاك التأثير لأكن إذا قربت من الموتر تشوفها أو دققت النظر


up 3 down 0
ابو خليل القحطاني 801
قبل 6 سنه و 3 شهر



والله تبي نصيحتي اولا الفيري طول عمري وانا احطه بسياراتي كلها وما عمري شكيت منه او يدمر الواجهيه
ثانيا اذا شفت فيه سافي امش على هونك اكيد ما بيكون الخط كله سافي
فيه ناس تحط تغبيره او عازل ويمشي 200 في السافي ويقول التغبيره ما تنفع والعازل خراط
والله يسهل دربك ويكفيك شر مخاطر الطريق


up 2 down 0
ابوخلوودي1 5046
قبل 6 سنه و 3 شهر



حط جل شعر " شفاف " انا مجربه ومضمون بإذن الله
حطه الساعة مثلاً 10 بالليل و خله لما تجي الساعة 11 , و ارجع حط طبقة ثانية الساعة 11 , و حط طبقة ثالثة الساعة 12 , و توكل على الله
راح تتجمد وتصير عندك طبقة قوية من الشفاف .


up 2 down 0
r4rec0in 1444
قبل 6 سنه و 3 شهر



فصل للموتر برقع للوجهيه ب 250 ريال في الزينه

يوفر دراهمك ولا يحتاج غسيل وماتشيل هم

ترجع بالسسلامه


up 0 down 0
عسير الهول 707 488
قبل 6 سنه و 3 شهر



أخوي نصيحة لاتحط فيري بيخرب لك الشمعات حط برقع زي ما قالوا الشباب تقريبا شعره من 250 الى 300


up 1 down 0
moody-ezzi 515
قبل 6 سنه و 3 شهر



الحين مافي غبار بالخطوط . ولو تبي حمايه للواجهه فصل برقع افضل وارخص وكلها عشر دقايق تلبس الواجهه .. انصحك تفصل بدون الشبك المخرم .. فصلها بدون عشانها تقلل كميه الهواء الداخل للمحرك ..يعني تفصل كبوت وشمعات وصدام وتخلي الفتحه على الشبك الامامي بدون بلاستك اتمني وصلت الفكره لك..


up 0 down 0
مستريح البال 1 1785
قبل 6 سنه و 3 شهر



غبرها من الزينه 2 علبه مع واحد نشاء ملابس ودربك خضر التغبيره الترابيه ولا اسود ولا السواد اكثر ثبات وتحياتي لك وتوصل با السلامه


up 0 down 1
صويب الرمش503 -1
قبل 6 سنه و 3 شهر



طبعا التغبيرة مشكلتها انها تتحشى بالفتحات الضيقة ولا تروح من السيارة بشكل تام بعد الغسيل ، ومع الوقت وكثرة استخدامها بتلاحظ عدم صفاء لون السيارة

الفيري هو الافضل والاسلم للبودي، لكن الشمعات ممكن يأثر عليها خصوصا اذا كانت بلاستك ، والحل للشمعات هو تظليلة شفافة تحطها على الشمعات وتفكها بمجرد عودتك بالسلامة ان شاء الله.


up 2 down 0
raselny 209
قبل 6 سنه و 3 شهر



فيه تغبيرة شفافة ب20 ريال عن بعض المحطات هذي مابعد ماترشها تصير مثل التظليل ع الواجهه واذا رجعت بالسلامة ان شاء الله ظللها عن درايف7 او زيبارت وريح راسك وحاول ما تتعدى 140


up 0 down 0
المحترف 2012 2126
قبل 6 سنه و 3 شهر



والله رايح للحساء والسافي كنه بحر والحمدالله ماشي ١٦٠

بس مركب عازل مقدمه والشمعات مفصلهم نظارات شفاف صدق انهم تضررت لكن المهم الشمعات ماجاهم شي


up 0 down 0
elantra 6639 478
قبل 6 سنه و 3 شهر