أضف سؤال أو موضوع جديد          

قير الجمس ضراب فجاه

up 2 down 0
misho123 849
قبل 6 سنه و 3 شهر





                                       سلام عليكم ورحمه الله وبركاته 


                     ياااخوان قبل شوي كنت واقف عند الاشاره رايح للبيت وجيت بمشي 
                الا السياره صارت ثقيله مررره المهم وتقفل اخلاقي وانا توي مشتري السياره 
                 حتى ماكملت اسبوع اخذتها يوم الربوع الي فات من الطايف وقبل مااشريها 
                  فحصتها فحص كاامل في ورشة السواط الي بمعارض الطايف والسياره 
                 ماطلع فيها شي بفحص كلش تمااام الا حجات بسيطة مثل بواجي واسلاك بواجي
                  وقبل شوي طلعت لي المشكلة هذي حقت القير السياره يلاه يلاه تقوم ثقيلة مرة 
            ويفلت يعني واناا ماشي ادوس كاني حاط بفاضي ورحت لورشة وقالي الجربوكس راح 
             والله العظيم كاان احد معطيني كف انصدمت والسياره مالها اسبوع وفحصها فحص كامل 
              ب 250 ريال وجاي عليها من الطايف للمدينة المهم قالي المكنيكي خليني اشوف الزيت 
         حق القير وشاف الزيت طلع ممتاز لافيه ريحه ولا متغير لونه وقالي بعدين هذا يمكن الطنجرة
            او البطيخه ويقول الاحسن انك توضب القير كامل وتجيب بطيخة جديدة واذا كانك تبي تركب 
             بطيخة بدون ماتوضب القير يمكن يضبط ويمكن لا وانا والله الحين مدري وش اسوي 
           ابي رايكم اركب بطيخة بدون مااواضب او اوضب او اروح التشاليح وادور لي جربوكس
 
                               وللمعلوميه السيارة شفر سوبرمان 2001 بدون دبل 
     ولو احد يعرف لي ورشة بمدينه المنورة شغلهم مظبوط يدلني عليه تكفون يااخوان لاحد يبخل علينا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ولو احد يعرف لي كم سعر الطنجرة او البطيخة 
وكم سعر تركيبها 

ويعطيكم الف الف عافية مقدماا 


up 1 down 0
misho123 849
قبل 6 سنه و 3 شهر



وضب والطنجرة برضو تقدر تاخذ تشليح وتقدر توضبها


up 2 down 0
ما بنكسر صابر 2691
قبل 6 سنه و 3 شهر



روح لي الفحص وطالبه بقيمة الاصلاحات


up 4 down 0
أسير المواجع 50
قبل 6 سنه و 3 شهر



اخوي الفحص بطايف وانا بمدينه 


up 1 down 0
misho123 849
قبل 6 سنه و 3 شهر



الله يعوضك ان شاء الله و انا دائما انصح الناس لا تشتري امريكي خراباته واجد ماحد راضي يصدق يقولون اني متعصب ادري ان مداخلتي مهي بمحلها و انت مهموم و نصيحتي لا تشتري قطع مستعمل اشتري اصلي اضمن لك ليش تركب من التشليح وخساير وبعد شهر تخرب عليك نفس القطعة ومهما كانت القطع بالتشليح نظيفة ماراح تكون مثل جودة الجديد ادري ان قطع الجمس غالي خاصة الوكالة لاكن الي يبي الدح مايقول اح


up 6 down 5
بوخا 3557
قبل 6 سنه و 3 شهر



هههههههههههه ذكرياتي بموتري كنت يوميا اروح المدرسه السياره تطفى واشغل تطفى واشغل تطفى واشغل يعني كل ماوقفت طفت حتى اني كرهت ام الموتر رحت ورشه شاف قال سهله ب 200 ريال رح اشترلك دينمو رحت برق للمحل القطع واركبها وانا فرحان والحين جتني المساعدات هي كلمه وحه


الله يعين على هالدنيا بخير


up 3 down 0
فهد4950 2546
قبل 6 سنه و 3 شهر



هي كلمه وحده *** خطا مطبعي


up 0 down 0
فهد4950 2546
قبل 6 سنه و 3 شهر



بوخوا الامريكي الي فيه مشاكل مثله مثل الاسترالي الي يطلع ينقص زيت ويخبط بالسفر واي سياره فيها مشاكل بتخرب النضيف نضيف مو بس الامريكي بس انت من الي يفتح اذنه ل الي يقولون  ولا جرب ولا الي يقلون جربو موتر امريكي
اخوي جرب عشقه تحت الدي وشوف يمشي ولا لا ممكن حساس التبديل الي في القير مشكلة الورش عندنا اي مشكله بالقير الاوتو يقلون توضيب افحص في اكثر من ورشه الشي الثاني هل السياره ارتفعت حرارتها اكثر من الربع لنه الجمس حرارته ثلث الحراره تاثر على القير  



up 4 down 1
princ 18864
قبل 6 سنه و 3 شهر



بالنسبه للورش المتخصصه بالجربوكس الاتوماتيك عندك بطريق المطار الطالع بعد مسجد احد المقابل لبالبيد سابقا
ورشه اسمها المركز الامريكي للجربوكسات والثانيه جنبها لكن ما اذكر اسمها


up 3 down 0
dub_r-50 372
قبل 6 سنه و 3 شهر



أخوي هذه طنجرة القير سواها فيني مصري الله لا يوفقه لا دنيا ولا أخرة قالي قير وفي الاخير غير الطنجرة وقال لي توضبت السيارة 


up 4 down 0
أستشاري الحب 6467
قبل 6 سنه و 3 شهر



اول شي روح لمحل متخصص بالقيور وخليه يرفع السيارة ويعشق ويتاكد من دوران الطنجرة ويفحص النمر كلها واذا اتفقت معاه اهم شي الضمان ولاتنسى تحط علامة على القير والطنجرة في مكان غير واضح بلون احمر او اصفر علشان تعرف انو استبدلها لانو محلات القيور مايهمهم غير الفلوس ممكن يشيك ويطلع العطل بالمنظم الداخلي للقير وبعدين يقولك وضبتة لانو التوضيب لازم يفرط القير كامل ويغير الكلتشات الداخلية @


up 4 down 0
buick83 214
قبل 6 سنه و 3 شهر



يعطيكم الف الف عافيه يااخوان 

توي جاي من محلات قطع الغيار ولقيت الطنجره ب750 الامريكي الي بعد الاصلي 
وبكرا ان شاء الله بروح اخذ كم لفه على كم ورشه وبشوف
طيب يااخوان لو امشي عليه هل يضر القير 
وكم تتوقعون سعر التركيب 


up 2 down 0
misho123 849
قبل 6 سنه و 3 شهر



الامريكي مايخلي المعاكسه وخرباته واجد وحساس مره


up 0 down 0
marzoq058
قبل 3 سنه و 9 شهر