أضف سؤال أو موضوع جديد          

بخصوص اللوحات الطويلة الملكية ؟ لاهنتوا يالربع ؟

up 3 down 0
flammable 118
قبل 6 سنه و 2 شهر




يا اخوان عندي سيارة ولوحتها العادية الصغيرة وابي اركب اللوحات الطويلة 
شلون ؟ وهل ياخذون عليها رسوم ؟ وهل تصير نفس الأرقام , ياليت شرح يالربع ؟
وشاكر لكم جميعاً ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صباح الخير أخوي :

طبعا تسير وبنفس الرقم وتصدر من الرياض وعليها رسوم 100 ريال واذا كنت خارج الرياض تجيك بعد 15 يوم .

أتمنا اني أفتدك .... بالتوفيق .


up 2 down 0
مستر بن . 10374
قبل 6 سنه و 2 شهر



مثل ما قال مستر بن 
رسوم 100 و15 يوم انتظار من عند المرور ونفس الارقام 


up 1 down 0
edgam 613
قبل 6 سنه و 2 شهر




 مستر بن : صباح النور يالغالي , ماقصرت الله يجزاك خير يارب ..

 edgam : ماقصرت فديتك شاكر لك يالغالي ..


up 1 down 0
flammable 118
قبل 6 سنه و 2 شهر



انا سمعت ان رسومها 150ريال ع حسب كلام خويي مطلعها قبل شهر


up 1 down 0
بسدك 1368
قبل 6 سنه و 2 شهر



انا طلعت لوحه طويله او ملكيه 

تروح المرور تقول ابي اطلع لوحه طويله يقولك تروح تسدد با الصرافه ١٠٠ ريال 

اذا سددت ١٠٠ ريال تروح المرور وتعطيه الايصال وتجيب معك الاستماره و التامين حق 
السياره 

وتجي تستلمها بعد شهر وبا التوفيق


up 2 down 0
دحيم٧٧٧ 2203
قبل 6 سنه و 2 شهر



ودي احط لوحات طويله بس المشكله لوحتي مافيه رقم واحد يتشابه


up 2 down 0
استثنائي 791
قبل 6 سنه و 2 شهر



للعلم
١٠٠ إذا طلبتها في أي وقت
أما إذا طلبتها وقت تجديد الإستماره مجاناً
أو إذا بتبدل لوحه من سياره لسياره بشرط تكون من رقمين مجاناً


up 1 down 0
عبدالرحمن.ابو رزان
قبل 6 سنه و 2 شهر



سؤال وجيه جدا ###### اخس ياعابر القارات هههههههه
اللي عليه مخالفات واللي تامينه منتهي يقدر يبدل اللوحات الصغيرة بالكبيرة ولامايقدر ؟
لاهنتم


up 0 down 0
ابو عبدالله احمد 3388
قبل 6 سنه و 2 شهر



روح للصرافة وحط خيار اعادة اصدار لوحات 
وسدد 100ريال
وروح للمرور ويطلعونلك برنت وتوديه لموظف المختص باللوحات 
بس انتبه ترا بيقولونلك بعد اسبوعين 
لكن هي مالها مدة محددة ,,ممكن تاخذ شهر
لان احيانا يصير في اخطاء بالطباعة 
انا اخذت حوالي شهر وتغربلت معهم


up 0 down 0
ابوعمر1405 -53
قبل 5 سنه و 4 شهر



السلام عليكم

هذي تجربتي في إصدار اللوحات الجديدة/


رحت لمرور الروضة وطلبت اللوحات الجديده ( وحده قصيرة والثانية طويلة " ملكية " )

قالي سدد رسوم عن طريق الصراف الآلي بمقدار 100 ريال وسددتها

وعبيت ورقة طلب لوحة واخترت (بدل تالف)

وقالي جيب معك التأمين والإستمارة وإثباتك

عبيت الورقه زي ماذكرت لك وجبت إستمارة السيارة والتأمين "لازم يكون ساري المفعول" وإثباتي الشخصي ورحت للموظف وعطيته وعطاني ورقه وقال تستلمها بعد أسبوع فقط ..


انا استغرب من بعضكم يقول 14 يوم .. ممكن لأنه خارج منطقة الرياض ،، هذا ما حصل معي

وأزيدك من الشعر بيت ،، يوم رحت استلم اللوحات عطيتهم لوحاتي القديمه وعطوني اللوحات الجديده ومعها مسامير عشان اثبتها


بالتوفيق لك ولجميع الاخوان


up 0 down 0
golden eye 124
قبل 5 سنه و 4 شهر



يعني اقدر اطلب لوحه طويله ولوحه قصيره لان معي جيب واللوحه الطويله ماتصلح قدام


up 0 down 0
أبوسعيد07 1
قبل 5 سنه و 2 شهر



ايه تقدر أنا توني الحين مقدم قالي تعال بوكره 


up 0 down 0
xxxxxxxxxxxxx
قبل 4 سنه و 7 شهر