أضف سؤال أو موضوع جديد          

يا اهل التاهو الجديد كرما وليس امرا تفضلو

up 5 down 1
صاحب الماركيز01 91
قبل 6 سنه و 3 شهر



السلام عليكم اسعد الله اوقاتكم بالمسرات

ما ابي اطول عليكم معاي تاهو 2010 توكيلات العالمية سعودي ال تي بدون دبل تعروفن يجي 6 نمر

لما امشي ويوصل للنمرة الرابع واهدي بسبب لفه او اي شي يرجع للثالث ولما ادعس احس بثقل بالسيارة 

وبعدها تشبك النمرة الرابعه 

اوضح اكثر زي السيارة القير العايدي لما تحط القير بالرابع وتمشي على سرعة 20 مثلا تحس السيارة ثقيله 

غير تحطها بنمرة اصغر حتي تشد معك الوضع معاي زي كذا طبعا غيرت زيت وفلتر جربكس ونفس الكلام

ونمرها بالمشي كلها طبيعيه والله الحمد الا الامر هذا اللي محيرني

وديتها الشركة قالو الموعد بعد شهر قلت مبدئيا كيف الكشف عندكم قالي يطلع معك فني ويشوف المشكله اذا من 

الجربكس تدفع حق الفك ويعرفون المشكلة تبي تكمل شغل لها حسبة ثانية ما تبي تاخذ السيارة على حالتها

مفكك جربكسها قلت وش لوية اليد هذي وسبتهم 

واللي عندة اي معلومه لا يبخل علينا الله يرضي عليكم 
واكون لكم من الشاكرين

على فكرة عندي مدخل اليو اس بي ماهو شغال اذا احد مر علية امر زي كذا من جد حيرني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طال عمرك اشترك بمنتدى نادي عشاق الجمس والشفر لانهم خبره وراح يفيدونك بأي مشكله ووين المهندسيين


up 1 down 0
مستريح البال 1 1785
قبل 6 سنه و 3 شهر



انا رأيي من رأي اخوي (ارسال رسالة خاصة ) مع احترامي لك بس قسم بالله اني اشوفه عادي يعني في الجير الاوتوماتيك لما تهدي اوتخفف السرعة لدرجة معينة شيء طبيعي انه الجير يبدل من ترس خفيف الى ترس اثقل وشيء طبيعي وان ملاحظ الشيء ذا في اكثر من سيارة 1سوبربان 2كراون فكتوريا 3 جراند ماركيز 4 كابرس 5لومينا فمن وجهة نظري ان الحالة طبيعية ولا توسوس ولا تجهزالدوى قبل الفلعة)) اذا القير فيه خلل فأعراضة واضحة ومعروفه واتمنى لك التوفيق ...


up 1 down 0
ابوعبير_- 3451
قبل 6 سنه و 3 شهر



التاهو حق الوالد في طقطقه في الديكور مدري المكينه المهم يطلع ويروح ويجي على سرعات معينه بعد مايعشق وانت داعس دعسه خفيفه بعد 40 يطلع 5مرات ادخلها وتطلع مثل ماهي 3 على العيسى سابقا و2 على الجميح


وصراحه الموتر راسي لكن عزل الهواء زفت ماتوقعت الامريكي كذا والله معي سوناتا ان عزل الهواء افضل منها بس مشكلتها عزلها الارضي الشفر افضل


up 1 down 0
استثنائي 791
قبل 6 سنه و 3 شهر



معليش بخصوص اليو اس بي ابد حطه عندهم وبياخذ تقريبا اسبوع الى اسبوعين ويطلع لك اذا طول اكثرث من 3 اسابيع اطلب بديل سياره لان عندهم نظام الجميح ماتاخذ بديل قبل 16 يوم واذا كان فيه بديل اذا ماكان الله يعينك على الايجار

ومشكله الدعسه شف ادعس على الموتر يمشي معك لانه كبير وطبيعي يكون ثقيل مع الدعسه لكن ادعس له وابد بيطربك


up 1 down 0
استثنائي 791
قبل 6 سنه و 3 شهر



وترى ضمان سيارات 2010 اما ثلاث سنوات او 100 الف


استعجل قبل ماينتهي الضمان عليك وانشب لهم وقلهم لازم اجربه قبل مايطلع عشان مايقوولون لك تعال وهم ماشتغلوه


up 2 down 0
استثنائي 791
قبل 6 سنه و 3 شهر



طبيعي جدا ما فيه شي 
التاهو من اقوئ السيارات في شفر 
والدبل فيها قوي ما شاء الله مع انه فرار 
اخوي مستخدمه وهو من النوع الي يكرف السياره 
مشاء الله لا قوة الا بالله 
ماشي فوق ١٧٠ الف ٢٠١٠ واول صيانه قبل سبوعين 
٤٦٠٠ موتر كرف وجبار 
وجهة نظري والي اشوفه قلته 


اخوي تقصد لمن تهدي عند لفه وبعدين تدعس تحس السيارة ما تحشر نمرة علشان تعطيك قوة
هذا قصدك
ع العموم شيك على حساسات السيارة وافحصها كمبيوتر


up 0 down 0
الكاسر 1409 255
قبل 6 سنه و 3 شهر



مرحبا بالجميع واشكر كل من شاركني بموضعوعي والله يجزاكم الجنة ويجزاكم بالخير

وبيض الله وجيكم


up 0 down 0
صاحب الماركيز01 91
قبل 6 سنه و 3 شهر