أضف سؤال أو موضوع جديد          

إكتشف الأعطال قبل إستغلال عمال الورش

up 20 down 1
العصيمـي 314
قبل 8 سنه و 3 شهر



السلام عليكم ورحمة الله وبركاته

الموضوع هو ان كل واحد يعرف طريقه يكشف من خلالها عطل في سيارته ...
مثلا تفتفه يعرف انها بسبب خراب في الكويلآت.
ما تشتغل يشيك السلف واذا واصلت المشكله نشيك طرمبة البنزين اللي هي المضخة
او الفيوز او او ... إلخ
عشان نسلم من الغش اللي يصير بالصناعية وفلسفة العمال علينا 
لانهم يستنزفون أموالنا بسبب قل خبرتنا في السيارات و أعطالها
ياما دفعنا فلوس كثير على أعطال كان سببها فيوز أو سلك أو شغله بسيطة ما نعرف عنها ..


بسم الله نبداء


                                                البواجي . . .

كيف نعرف إنه تمام أو لا؟
الطريقة بكل سهوله نفصل سلك البوجي ( اذا كانت السياره فيها اسلاك ) ونشوف لو الماكينه تغيرت حركتها يعني البوجي مزبوط ولو ما تغيرت يعني البوجي خربان .. بس الطريقه هاذي ما تقدر تحدد
البوجي الا اذا كان مندمر .. وفيه طريقه انك تفك البوجي نفسه وتشوف الكربون الى متكوم على رأسه
وتنظفة وتعمل له سنفره خفيفة ..



                                               الكويلات . . .

كيف نكشف أي الكويلات خربانه (( طبعا السياره تتفتف ولا ندري أي كويل خربان ))
نروح عند كل كويل ونفصل سلك الكهرباء عنه ونشوف الماكينة تغيرت أو لا 
اذا فصلت السلك وزادت التفتفه في المكينه معناتها الكويل هذا مضبوط ..... واذا العكس معناتها هذا الكويل خربان

طيب ... واذا بغيت تشوف قوة الكويل ؟؟؟؟؟؟ هل يعطي الكهرب اللازم ؟؟؟؟

الطريقه انك تفك المسمار حق الكويل (( طبعا والكهرباء مشبوكه )) وتطلع نص الكويل ...
 راح تسمع صوت طق طق طق ... الصوت هذ1 (( الشراره )) حقت الكويل .... اذا كان الصوت قوي اعرف ان الكويل ممتاز .. والعكس صحيح





                                                طرمبة البنزين . . .


نشوف (الخرطوش) إللي طالع من الطرنبه ونفصله ونسكر الفتحة بالإصبع
و نفتح السويتش ونشوف قوة الدفع إذا كان قوية مرة يعني مزبوطه وإذا كان الدفع خفيف جدا أو ما تطلع بنزين يعني خربانه

ملاحظه/ شوف (الخرطوش) قبل الصفاية




                                                صفاية البنزين . . .


نفس الشي في الطرمبة



                                                الدينمو (( مولد الكهرب ))  . . .


أولا نشغل السيارة ونفصل سلك الموجب من البطارية إذا طفت السيارة يعني الدينمو ما يشحن 
والعكس صحيح

وكيف تعرف ان الدينمو يخزن كهربا ؟؟؟؟؟
اول شي
شغل اللمبات جميعها الداخليه والخارجية والمسجل ووو
ثمين شغل السياره .. اذا اشتغلت معناها ان الدينمو 100 %




                                                الحساسات . . .


جميع الحساسات او بالاصح اغلبها .. اذا كنت شاك في حساس معين انه خربان
افصل الكهرباء عنه ... شوف يحصل شي بالمكينه ولالا ... اذا ما حصل شي معناتها ان الحساس خربان
والعكس صحيح





                                                المساعدات . . .

شوف المساعد اذا كان خارج منه زيت كثير معناتها انه تعبان ... وهز السياره مرتين او ثلاث
اذا كان يهتز على طول معناتها ان المساعد خرباان ...





                                                المراوح العاديه . . .

بالنسبه للسيارات القديمه الى فيها مروحه عاديه خلفها طرمبة الماء
كيف تعرف انها تمام ...
والسياره طافيه .. حرك المروحه .. اذا حركتها وشكلها خفيفه اعرف ان كلتش ( تماتيك ) المروحه خربان
بالتالي حراره زايده


                                                غطاء الرديتر . . .
 
فيه طريقة تفحص فيها الغطاء
شوف فيه خرطوش صغير موصل من عند الغطاء إلى قربة الماء إفصله من عند القربه وحطه في كاس مويه
ولازم الكاس يكون فيه مويه وشغل السيارة
وشوف المويه لازم تنشفط وبعد فترة لازم ترجع المويه وتزيد أحيانا
إذا شفت المويه تطلع من (الخرطوش) بصورة مستمرة يعني الغطاء خربان وإذا ما تطلع المويه بعد فترة طويلة يعني الغطاء خربان
(لازم الغطاء يطلع ويشفط مويه إذا لا يعني خربان)




                                                حساس الاكسجين (( في السيارات الحديثه )) . . .


وظيفه حساس الاوكسجين هي قياس نسبه الاكسجين في العادم
والذي على اساسه يحدد الكمبيوتر نسبه ضخ البنزين في البخاخات
للحصول اقل استهلاك للوقود ولاكن في حال خراب الحساس
يمكن ان يعطي قرائه خطأ ويترتب عليها زياده في استهلاك
الوقود او ضعف في عزم السياره .
مشاكل كبيره مثل دخان اسود و ضعف في العزم
هذا الحساس لحساب كميه الوقود الموجود و المحقون و هو اساساً يحب الاكسجين عشان يعرف نسبه الخليط
و اذا شلته له مظره كبيره و هو موجود في كل السيارات في العالم الي تحمل نظام ال efi



                                                بلوف الماء . . . 


بلوف الماء انا أشوف انها لا تقل أهمية من زيت المكينه
اغلب الناس ما يدري عنها ابد .......وفيه كم واحد اعرفه خبطت سيارته ولا يدري وش مشكلتها
واشيك عليها انا بنفسي واحصل ان البلف قاااافل والسبب ؟ الوسخ الى يتراكم بالرديتر والمواصير
يسكر بلف المويه وبالتالي تنحبس المويه وثم ترتفع الحراره وعلى طول تخلط المكينه ....
والبلف لازم يتغير ومن ثم تنضف السلندر بين كل فتره وفتره على الاقل بين كل سنه وسنه
خاصة للسيارات اللي من قبل 2006 .
________________




اتمنى ان موضوعي مفيد لكم واتمناء الدعاء لي ولوالدي بالرحمة والمغفرة ولكاتب الموضوع . . .

منقول من الموقع العربي الاول المختص في جيب ..
من العضو المتميز (( روحي jeep تحبك ))







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكوووور
اخوي العصيمي الله يعطيك العافيه على النقل
وفعلا فيه اشياء بسيطه وحنا نجهله ونروح ندفع فلوس بسبب لعب هالعمال 
ولاتتصلح المشكله بعد


up 3 down 0
azera .. 2012 3505
قبل 8 سنه و 3 شهر



بارك الله فيك جهد ومعلومات قيمة


up 2 down 0
ابومشعل 8 125
قبل 8 سنه و 3 شهر



ابي اعرف ايش الي يخترب طرمبة البنزين؟؟؟؟
معانا اكثر من 7 سيارات لاخواني وبيت عمي ولا قد اختربت طرمبة بنزين وكلها ممشاها فوق 400 الف


up 2 down 0
بسدك 1365
قبل 8 سنه و 3 شهر



موضوع شيق ومفيد ^^^^^^ بسدك ماسباب خراب الطرمبه ماتعبي بنزين الين E وجوده المحطه الي تعبي منها وقيل ايضا على جوده المصنع في صنع الطرمبه


up 1 down 0
al-harbi- 988
قبل 8 سنه و 3 شهر



تسلم على الموضوع المميز جدا 
وللجميع احلى لايك


up 1 down 0
ابوخلوودي1 5069
قبل 8 سنه و 3 شهر



يعطيك الف عاافية


up 0 down 0
albrufesoor 2103
قبل 8 سنه و 3 شهر



حرام عليك تقطع رزقهم <<<<عامل ورشة 



مشكور


up 3 down 1
viv999 458
قبل 8 سنه و 3 شهر



يعطيك العافيه اخوي بصراحهه موضوع حلوو واحلا لايكك لعيونك *_^


up 0 down 0
ahmmad1234 628
قبل 8 سنه و 3 شهر



اخوي انا ماعاد شتغلت معي ورحت عالكهربائي وخلاني اغير البطارية وماسنفدت شي ورجعت غيرت الدينمو وكمان ماستفدت شي شو بساوي بهي الحالة 


up 0 down 0
mohd.ibra 1
قبل 7 سنه و 8 شهر



كنت عايز اسال
لومينا 2006 ووانا ماشى بالسيارة السيارة بتطفى لوحدها بيفضل النور والتكيف شغال لكن الموتور يقف اطفى لسيارة واشغلها تشتغل وشاعات تدق السلف ومتشتغلش
كشفت كومبيتر قالى الكهرباء بتفصل عن الانجكتورس كلها بسبب علبة الفيوزات والميكانيكى بيقولى ان العيب فى طلكبة البنزين بتعلق عالعلم لما بهز تلسيارة كن عند الكبوت واخبط فى علبة الفيوزات بتشتغل ايه المشكلة بالظبط لوحد يعرف


up 0 down 0
د.هشام 598
قبل 3 سنه و 7 شهر