افضل حل لكهرباء الكابريس2001

5 0

لايمكنك التصويت حتى الحصول على 20 نقطة على الأقل
إضغط هنا للإخفاء

همس الصمت9999 239
قبل 11 سنه و 2 شهر

السلام عليكم; اليوم حبيت اعرض مشكلتي مع مجنني (الكابريس) وسبق أني عرضتها بنفس العنوان اللي فوق.  وانواع الحلول اللي يقول دينمو واللي يقول بطارية (وما.....الخ)    لكن اليوم بشكل مختلف ابعرض المشكلة  والحل  وبرضو السعر  لتعم الفائدة للجميع.    ابدأ بالمشكلة (السيارة ما تشتغل الا باشتراك  واذا فصلت الموجب طفت  مع انه الدينمو تقريبا جديد والبطارية كذلك.     طبعا المشكلة هذه لها تقريبا 7 اشهر  ولا صلحتها الا قبل تقريبا شهر او اقل  لانه الكهربائيين اللي يقول الدينمو ويحاول يقنعك واللي يقول بطارية وهكذا  الين طفشت وطفيت من كثر مشاويري للصناعية بالشموس  وابو هنود وطقته جالس على كرسي ويفتي.      قلت (للكابريس طبعا) يا انك تجنني او اجننك(اطلع لك سفاتي فوقك ألوان تابع لجميع الدوائر الحكومية بما فيها البلدية)           وانا اروح للبيت.       وعناد اي مشوار اروح له  فيه  ولايطفى الا عند البيت.     المهم اللي قهرني البطارية احترقت من كثر الاشتراك وما فيها شئ لدرجة أني لو أشركها مافيه امل يشتغل  وقريب قبل لا اصلحه بأسبوعين او ثلاثة احترقت.   لأني احس أني عذبتها قبل لا تودع. رحت لفحص كمبيوتر وقال ايه نطلع المشكلة قلت له اذا ما طلعت المشكلة بالضبط ما فيه دراهم  لا تقولي يمقن ايه ويمقن لا. ترا ذي بالصناعية وعارف نهايتها بالأخير طلع زيهم.     ورحت  وطبيت بعد فترة لكهربائي يمدحونة ورحت له وقالي دينمو أفكه وأشوف المشكلة وأصلحها ب200 ريال واحتماااااال الدينمو  لاكن مايمديني اليوم.   وبعده رحت لقطع الغيار ابسعر الدينمو  طبعا ما هي وكالة  من 450-600ريال   طبعا بعدها بفترة رحت لكهربائي وقال ما يعرف لانواع السيارات هذه ودلني على كهربائي ثاني ورحت له وقال فك وتصليح وتركيب 100ريال قلت  على الشرط توكل قالي بكرة وجيته اليوم الثاني وفك. وطلع الخراب لا هو دينمو ولا بطارية   سلك بحديدة  جهة الدينمو  جالس يسحب 7اشهر الكهرباء واحترقت البطارية بسببه كان ودي أربطه بصدام الكابريس واسحبه الشوارع  لاكن طلع صغير   ادري طولت عليكم بس حبيت الكل يستفيد.        وكمان اذكركم بحكمة بيت شعر (معظم النار من مستصغر الشرر).                  وتقبلوا بالنهاية خالص تقديري. ولا تحرمونا من دعواتكم الطيبة ,,,,,ودمتم بود

إبلاغ

الردود