أضف سؤال أو موضوع جديد          

لومينا اس اس - تنفع للاستخدام اليومي؟

up 6 down 5
flubber 20
قبل 6 سنه



السلام عليكم،

سؤال للشباب اللي عندهم لومينا اس اس

هل تصلح السيارة للاستخدام اليومي؟
هل السيارة مريحة في السواقة؟
هل قطعها رخيصة؟
سمعت من بعض الناس ان الجربوكس (للأوتوماتيك) تصير لها مشاكل، كلام صحيح؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ما بنكسر صابر
وبربرة بدون تجربة ولا علم.
والعجيب معطينه 5 لايكات وبدون دسلايك إلا اللي عطيته أنا.

قال ما تنفع للإستخدام اليومي قال هههههههه

كل أجوبته تأليف من راسه هههههه


up 0 down 0
وليد م ع الدخيِّل 485
قبل 2 أسبوع و يوم



السلام عليكم،
@@ وعليكم السلام ورحمة الله

سؤال للشباب اللي عندهم لومينا اس اس
@@ ما عمري شريت إس إس، لكن جا معي إل إس 2000 و 2003 ورويال 2006 وكابرس رويال 2004

هل تصلح السيارة للاستخدام اليومي؟
@@ أكيد تصلح وليش ما تصلح؟
سؤالك غريب يبدو في بالك شي بس ما كتبته.
إن كان قصدك هل تستخدم يومياً بدون أي مشاكل، فبالتأكيد نعم، لكن بشروط، أولاً تكون سيارة استخدام حشمة نظيفة، ثانياً تتأكد إن نظام تبريدها كله (أصلي GM) وسليم، وموية الرديتر أصلية، ثالثاً تسوقها بطريقة محافظة شوي علشان ما تحك في المطبات لأنها منخفضة أكثر بكثير من باقي سيارات السيدان.
وبس، وراح تعيش معك زي الوردة.

هل السيارة مريحة في السواقة؟
السواقة أم المركب؟
السواقة عادية مثل كل السيارات الأخرى.
أما المركب فشكل 2000-2006 مطبه أقشر شوي وإذا المساعدات جديدة مونرو الله يعينك على المناقز هههه، لكن مساعدات الوكالة يقولون مريحة.
شكل 2007 وطالع ما أدري عن مركبه بالضبط.

هل قطعها رخيصة؟
الميكانيكية إيه، تعتبر أسعار عادية أرخص من تويوتا وحتى من هونداي.
قطع البدي الأصلية غالية شوي، ومعظمها ما توجد إلا في الوكالة.
أما قطع البدي التجارية رخيصة نوعاً ما ومنتشرة في كل محلات القطع الأمريكية.

سمعت من بعض الناس ان الجربوكس (للأوتوماتيك) تصير لها مشاكل، كلام صحيح؟
جير 2000-2008 أبو 4 نمر، إيه مع التدعيس القوي المتعدد تحترق كلتشاته ويتوظب عادي ب 3000 ريال ويرجع جديد.
2009 وطالع قير 6 نمر هذا بدون أي مشاكل، نم.


up 0 down 0
وليد م ع الدخيِّل 485
قبل 2 أسبوع و يوم