رايكم كابرس

لا أنصحك بشرائه لان سعره مبالغ فيه

بايع واحد قبل خمس سنوات ب2200 سعودي LS داخلي عنابي
العيب كانت المكينة مبوشة فقط

وإذ تبغى تستخدم وتداوم فلا أنصحك بالكابرس أبدا أبدا

ونصيحة لاتشتري سيارة من هذا الموقع

لانهم يبالغون بالاسعار مرره

في الموقع اذا شفت احد يبيع كابريس من 96 وتحت وقالك فوق 15000 اعرف انه يبي يسوق سيارته فقط وينتظر مغفلين 
هم واصحاب الكرسييدا
لانه لو بغوا يبيعوا من جد تلقاهم يحطو سعر السوق الفعلي
والله الموفق

الله يعطيكم العافيه بس الموتر كم يسوى ؟؟
وكم سعر المكينه مجدده ؟؟

شكلك مصمم يا أبو سالم على الكابرس
المكينة توضيبها يكلف تقريباً شغل يد مع القطع فدلر 4000 إلى 5000 ريال 
المجددة من 2500 إلى 4000 ريال 
ولكن نصيحة أبعد عن هذه السيارة الاستهلاكية
خسرت فيها مايقارب 9000 ريال خلال شهر
وكل سفرية أركب سطحة .

الموتر قيمته اكثر من فايدته وانا اخوك

للمعلوميه ترى القطع الاصلي قليل ونادر مافيه الا تجاري 

ثاني شي استيراد القطع المستعمله موقف وله اربع سنواتوواغلب المكاين النضيفه راحت

ثاني شي المكاين الموجوده كلها مضروبه 

الله يعينك اخوي 

تراك بتغمض وتشتريه 

وفجاءه تلقاك صارف عليه ٢٠الف

مكينه ٥٠٠٠الاف

كفرات الف ريال

اقمشه  هوبات مساعدات جويزات  تربيط انوار من هنا وهنا خلال سنه وانت صارف هالمبلغ
حاول تصبر ولاتقرب الحصاله وتعال للسوق بمبلغ ١٥الف سواء حراج جده او الرياض او اي منطقه
وتاخذ اكسنت حلييييوه كد ومد

والله نصيحه نصيحه نصيحه ابعد عن الكابرس شوفه واقف عندي موديل 1990 وابيص ورب تنده وفيه فتحة بالسقف

والله واقف بالمواقف ولا احركه مع انه مكينه وقير ودفرنس توب التوب بس كرهته 6 سنوات وكل شيء يخرب

شكلها جت عين الييييييمه لكن الله لايردها من سياره كل انتبه من الكابرس اذا ظفيرته تعبانه ولاتكره عمرك يشيخ

اذا بتاخذ خذلك نظيف 13-18 وﻻ تاخذ اﻻ من موديل 91-93 اللي بعدها علة 

حاول تبعد عن الكهرباء 
ان كانت المقاعد وكل شيء كهرباء فرح يغثك مثل اللي عندنا 
كل مرة يضرب السلف وتخرب الفيوز والدرايش 
خلاص السيارة منتهية قاعدة تحتضر

ابو عبدالله صادق والله.. هههههههههه اعرف شخص عرض سيارته من 5 او 6 شهور ولسى يعرض فيها ينتظر واحد لوح يجي يشتريها باللسعر المبالغ فيه .. كل مره اروح اشوف اعلانات لسيارات الشفر اشوووف سيارته معروضه

لا إله إلا الله لهدرجه ماتدانون شي إسمه كابرس ):

لا بالعكس من اللي مايحب الشفر

حبيبي افتح كارز كوم ولا اوتو ترايدر 

وتشوف الكوابرس اللي على ٣٠ الف 

لكن باقي حتى بازرار المسجل كل شي بلد 

هذا اللي تبرد القلب  وقفه. وشكل. وسكبه  وعلى شد الوكاله. لو توقفه جمب بانوراما 
سحب الانظار بنظافته 

لكن القمايم اللي عندنا فرقاها غنيمه
اعششق شي اسمه قديم بس بحاله الوكاله

مايمدينا نستوردها اللي يخبرلي واحد يكلمني بالله. ويعطيكم العافيه ماقصرتو