أضف سؤال أو موضوع جديد          

غفل عن السوآقة ودق الموتر ..

up 23 down 44
sultan-q 468
قبل 6 سنه و شهر



سلام عليكم ورحمة الله تعالى وبركاته


اليوم وانا طالع من محل وجيت خلاص فتحت الباب حق السيارة بركب الا اشوف كوريلا القديمة 2007 - وتحت يسوقها رجال مطوع عمره 45 وحولها كان يبي يوقف وراي وهو يبي يوقف نزل راسه تحت مدري يمكن طاح جواله يبي يلقطه او شي كذا والمصيبة ان سيارته تمشي وهو يناظر تحت وانا قلت هذا صادمني صادمني وكان ماشي بسرعة 10 كم وحولها


قبل لا يصدم بـ ثانيتين صرخت عليه حاولت انتبهه لكن فآت الآوآن ودق الموتر ( لومينا )

والله ما اقدر اوصف لكم عششقي لـ هاللومينا معدلها وتعبان فيها وكل شي واول ما دقها صرخت عليه شوي وابي افك وجهه لكن يوم نزل والله استحيت رجال كبر ابوي ومطوع وهادئ ما يرفع صوته ويعرف ان الخطأ عليه

الصدمة سببت خدش بقدر 2 سم وهو يقولي

يعوضك الله - سامحني - انا تعبان واخذ حبوب -

يوم مسكت الجوال خآف وجا يقول لالا خذ رقم جوالي ومدري وش والله صحيح انه خدش بسيط لكنه قهرني والله لو ان موتري كآبرس تسعاوي ولا جمس كان ما اهتميت لكن اللومينا مسستحيل اتركه وانا كنت ابي اقهره زي ما قهرني وطلبت منه تعويض لكن قاعد يشرح ظروفه والله اعلم صادق او كاذب لكنه مطوع

الزبدة والله بعد ما كنت مولع وودي افك وجهه والله ان يوم شفته كذا كبر ابوي ومطوع واخلاق وهادي تركته وقلتله ادعيلي بس



^^^^^^^^^^^^^^^^^^^^^^^^^^^^^^

في شيئين لازم تنتبه لهم

1- لا نزلت بقالة ولا محل لا تترك الموتر شغال لو وش صار لان لو انسرق بيروح تشليح وخل الشرطة تنفعك
2- لا توقف موترك في شارع تمر فيه سيارات واجد خاصة لو زحمة الا اذا كنت مستعجل يعني مو توقف موترك في شارع تمر فيه سيارات كثير وتروح تسوي شغلة طويلة لان والله احتمال كبير يحكونها ولا يدقونها والاغلب انه راح يهرب الي بيصدمك


تحياتي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله اني جربت اذا سامحت شخص ووقعت في نفس المشكلة يسامحني الشخص او الله تعالى يصرفه عني . لاتتوقع ابدا ان مسامحتك يروح بلاش ان شاء الله مردود في الدنيا قبل الآخرة 


up 0 down 0
huzaifa35 42
قبل سنه و 7 شهر



الله يسامحك علشان خدش بسيط تبغى تفك وجهه.....

ياخي رجال كبير وغلطه بسيط يعني ماهو متعمد يصدمك او يضايقك.


الله يهدي الجميع .


up 0 down 0
بوحمد4445 76
قبل سنه و 6 شهر