أضف سؤال أو موضوع جديد          

حل مشكلة التفتفة واطفاء السياره بدون سبب .......

up 24 down 0
ماجد المطلق 10841
قبل 6 سنه و 11 شهر



.
صباح الخير او مساء الخير علي الجميع دون استثناء .... يامراحب 
.
حل مشكلة التفتفة واطفاء السياره بدون سبب .......
.
ليس من المعقول أن يشتكي كل أصحاب الجمسات والشفرات و الفرووووود .......
 من الطرمبة كل يوم فالمشكلة بنسبة 80 % ......
ليست منها من أشياء أخرى وبعض أصحاب الورش يعرفونها .......
ولكنهم يقولون طرمبة بنزين ويقول لك خلي السيارة عندنا ........
وتعال بكرة خذه أو بعد 4 ساعات تحتاج شغل كثير ........
ويقومون بإصلاح وترجع السيارة أحسن من أول وهاااااات فلوس والشفلة بسيطة جداً ......
.
حصلت مشكلة لأحد زملائي بالعمل معه تاهو 2004م استخدام امريكي  يتفتف معه السياره ويطفي .....
ويقل عزمه ويطفي أثناء مشي السيارة ........
في خط طويل والمشكلة أنه يطفي  ويشغل وتشتغل عااااادي وتمشيه 15 كيلو
يقول زميلي  ماخلى محل فحص كمبيوتر الا وراح له ولا خلى ولا ورشه الا وذهب لها .....
وبعضهم يقولون طرمبة بنزين 1800 ريال مع الشغل ..........!!!
والبعض الآخر يقولون حساس الكام والكرنك الحساس 350 ريال
وشغل اليد 300 ريال  .......................!!!
وأخر يقول الثلاجة تهرب هواء يبغالها وجه جديد فك وتركيب 400 ريال ............... !!!
وأخر يقول الكويلات والبواجي يبيلها تغير ................!!!
.
وأستشارني قلت كلهم خرااااااااطين ولا عندهم سالفة ولم أقتنع بكلامهم .........
معلومه ......
الطرمبة إذا خربت تطفي السيارة ولا تشتغل الا إذا أخذت نصف ساعة تبريد
أو طقيتها برجلك أسفل التانكي وأحياناً ماتشتغل وتحتاج سطحة لنقلها ......
والكويلات والبواجي والثلاجة وحساسات الكرنك إذا خرب أحدها تفتف على طوووول
ولا تنتهي التفتفة الا نادراً لكن سرعان ماتعود بسرعة ........
.
قلت .............
 أسمع كلامي ونبدأ بالرخيص قبل الغالي ...........
أول شئ قسنا ضغط الطرمبة لقيته ضعيف غيرنا الصفاية صار ضغطها ممتااااز
قلت عطني كتالوج السيارة حق بلدها بالأنقليزي طبعاً أستخدام أمريكي .............
تصفحته بالأستراحة على رواقه أنا وهو لقيت مكتوب
فيه بعض محركات الفورتك 5300 وليس كلها فيه محركات 5300 تختلف
الي يجي في وسط أرقامها الهيكلية حرف z نوع البنزين .........
الموصى به للمحركات هذه بالذات أوكتين 85 وإذا فيه أعلى منه بحاجه بسيطه  مايضر
إلى أوكتين 87 مافيه مشكلة !!!!! باقي المحركات عادي تقبل أي شئ
.
قلت ........
 وش تعبي سياراتك قال 95 قلت الكتالوج يقول من 85 إلى 87
يعني الله لا يهينك حول إلى 91 التعبئة القادمة وهو أقرب شئ للموصى به
حول الرجال للبنزين 91 قلت هاه بشر وش صارمعك .......
قال ...........
 المشكلة لازالت بس أخف من أول بكثير
بعد البنزين 91 صارت تطفي مرة أو مرتين أول تطفي 5 إلى 6 مرات في المشوار الواحد .....
قلنا حلو طيب هاتها لي الليلة في الأستراحة وهات معك
معك منظف أيسي ديلكو بإذن الله إني لأطلع علتها غصب وراها وراها حتى تضبط
ونظفت له الثروتل بفكه كاااامل خارج المحرك ...........
قلت ............
جربها وبإذن الله راح تضبط جربها قال لي السيارة فيها تحسن بسيط عن أول
 قبل التنظيف تتفتف وتطفي الآن تفتف ولا تطفي  .............
قلنا ....... حلو أنا وراها والزمن طويل فكينا الحساس العلوي للثروتل ولقيناه منتهي حركته ثقيلة
والجديد حركته خفيفة غيرناه ...............
قلت.......
 جرب السيارة ورد لي خبر جربها يومين
يقول ..........
تحسنت عن أول صارت تتفتف وتطفي أحياناً بعد يومين 3
أيام أول تطفي كل مشوار  ............
قلنا حلو والله أني وراها حتى أجيب علتها بإذن الله هاتها الليلة وهات معها بخاخ
تنظيف الألكترونيات خاص بها مثل هذا الي بالصورة اسفل ...........
قبل فك الحساس يجب فصل أصبع البطارية السالب ......
فكيناه فوجدنا في الفيش حقه كربون لونه أبيض مع زرقه
زي البودرة في فتحات الفيش والأسنان التي يشبك فيها في
نفس الحساس قمت بتنظيف الفيش ببخاخ التنظيف وتركته
حتى يجف وقمت بتنظيف أسنان الحساس نفسها زي
المشط بورق صنفرة العادي وحكيته حتى تخلصت من
طبقة الكربون الي تغطيه وأيضاً بخيت عليه من البخاخ
حق تنظيف الالكترونيات حتى جف على مكان شبك الفيش
وأيضاً في بطنه تجد 3 أسلاك صغيييييييرة جداً
زي فتيلة اللمبة الغازية لا تلمسها بيدك وبالراحة عليها
قلت ............
له جربها ورد لي خبر
راح الرجال وغاب عني 3 أيام قلت خلني أدق عليه وأشوف علومه هاااه يابوخالد  وينك
وكيف الموتر قال الله يجزاك بالخير الموتر ضبط كنها ............
وكالة ماشاء الله تبارك الله وصرفية البنزين خفت ............
وأنا الآن أكلمك من طريق المدينة المنورة القصيم رايح
زيارة للمدينة قلت تاصل بالسلامة إن شاء الله ........................
ومع السلامة
.
.
أخواني تذكروا عند مواجهة مشكلة في سياراتكم
أن تبدوا بالرخيص قبل الغالي ولا تسلمون لحاكم للورش
تدرون ليه لأن 99 % منهم عمالة سايبة وغير مؤهلة
لصيانة السيارات وماشية معهم بالبركة أهم شئ كم يطلع
من وراك يالسعودي ............
واحد مرة يقولي تغير القماش 80 ريال قلت ليييييه
قال أنتا سعودي فلوس  زيادة راتب أنتا 100 %
فانتبهوا و الحذر واجب منهم ...............
.
واسف علي الاطاله ...... 
.
اتمناء ان اكون وصلت لكم الفكرة  .........
.
اذا وجدت ملاحظات فانني اتقبلها بوجة رحب .......
واذا وجد استفسارات فانا موجود بالخدمة 24 ساعه .........
.
.
تحياتي واشواقي لكم ........
فاصل ونواصل غدا بمواضيع جديده
.
ابومطلق ....
.




 
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله عليك اخوي كفووو طيب افتح لك ورشه احسن من نروح للاجانب وكلهم نصابين انا واله ارتاح اذا شفت سعودي اشتري منه  حتا لو غالي بس بسال هل طرمبه البنزين للباترول البخاخ تنظف لانه يقطع علي ووديته للورشه وقال ركب جديده وركبت وضبط بس القديمه تنظف ولا خلاص ارميها


up 0 down 1
ابو علي 1 1010
قبل 6 سنه و 11 شهر



جربته البخاخ رقم 2 ومانفع بشي بس هايلكس


up 0 down 0
سعد خليل 6153
قبل 6 سنه و 11 شهر



حياك الله يابوعلي
الطرمبه فيه نوعان اكتروني وعادي 
العادي يكون فلتر البنزين خارج التانكي و لا يتحكم في الكمبيوتر 
اما الاكتروني
طرمبه البنزين مع فلتر البنزين مشبوكه مع بعضها يعني بوسط التانكي الاثنين 
وهذا النوع حساس جدا جدا وخرباته كثيره و لا يمكن تنظيف او استبدال الفلتر لا مع الطرمبه كامل لان الفلتر 
والطرمبه يحكمها الكبيوتر مثل الجموس و الفرود الجديده من 2008 م و كذلك الاماني بوجه عام من 2006 م وفوق
عموما الباترول القديم طرمبه عايديه الموديلات الجديده اكترونيه 
مثل البطاريات عادي و اكتروني
.


up 1 down 0
ماجد المطلق 10841
قبل 6 سنه و 11 شهر



ابوخليل حيالك الله وشرفني وجودك
بخاخ الايس دلكو ماينفع لا للكربريتر فقط للسيارات القديمه من 2004م وتحت
تنظيف البخاخات يااستبدال او فك وتنظيف بماكينه مخصصه للشي 
عموما يوجد في ساكو بخاخ اسمه سي كي ممتاز جدا للياباني نظف البوابه و مجاري الهواء
هو يقلل نسبه 60%
.



up 0 down 0
ماجد المطلق 10841
قبل 6 سنه و 11 شهر



شيخ المعارض .....
أسعدني وجودك وإضافتك جملت موضوعي
تقبلوا مروري وإحترامي لكم 


up 0 down 0
ماجد المطلق 10841
قبل 6 سنه و 11 شهر



ماقصرت ياماجد المطلق 


up 1 down 0
سعد خليل 6153
قبل 6 سنه و 11 شهر



يعطيك العافيه ياماجد 

الحين السيارات الجديده صارت معقده ومحد يقدر يصح فيها

الاكسنت عندي افكر لو بغير سير المكينه والله ماعرف كيف اجيبه وهي اكسنت كيف عاد باقي السيارا  


up 1 down 0



مبدع يابو مطلق !


بسس غريبه ماحطيت صورة شله البر هههههههه


up 1 down 0
hmada1213 2024
قبل 6 سنه و 11 شهر



فنان يابو مطلق بمواضعيك الفنيه اللي ترجعلي خبرتي المتواضعة في السيارات


up 1 down 0
ولدجدة1 1238
قبل 6 سنه و 11 شهر



مواضيعك احب اقراءها ياماجد المطلق احسها غيير بذاكر وبرجع للموضوع


up 1 down 0
بسدك 1367
قبل 6 سنه و 11 شهر



دائم مبدع يآبو مطلق  مشكور على الموضوع ولك لآيك 


up 1 down 0
طلال666 2765
قبل 6 سنه و 11 شهر



الله يفتح عليك الدنيا بالوسع ابوابها ... انا عندي نفس المشكلة بس الحمد الله غيرت فلتر البنزيم وراحت الحمد الله ... 
وين احصل البخاخ  الاحمر انا في الرياض... لاهنت. واحلى لايك لأحلى موضوع.


up 1 down 0
350_lover 22
قبل 6 سنه و 11 شهر



السلام عليكم..الله لا يهينك.عندي مشكلة بالسيارة اول شي دق السيارة مرتين حتي تشتغل..والثانية  تتقطع معي أثناء المشي واخيرا صارت تطفي معي في الطيق..وش تقول لي   .. بخاخات ولا طرمبة بنزين ولا مشكلة كهرباء 


up 0 down 0
محمد بلال
قبل 6 سنه و 6 شهر



السلام عليكم 
اخوي انا معايا موستنق موديل 2010 استخدام امريكي 
اذا مشيت عليه 30 كيلو او اقل يتفتف و بعض الأحيان يطفي 
ومحد عارف ايش المشكلة حقته 


up 1 down 0
wade3 hadidi 1
قبل 5 سنه و 10 شهر



كلشي قلتو عماله سايبه لو انتو معاملينهم كويس زي ما قال الرسول أعطي للعامل حقه قبل إن يجف عرقه و ما نصبت عليه و جبته بعقد مزيف ما كان اشتغل عليك هشغل حاسب الراس الكبيرة الي وراه و الي هو سعودي اكيد والي ماسك و الي ماسك الي ماسكه سعودي و يحسب علعماله الي عنده كل ريال, انا ما ادافع عن السرقه لكن مو كل ما حد سرق قلتو عامل اجنبي انا انسرقت من سعودي و تم محاولة النصب علي من الاخوان المفروض يعني و ما عممت اتمنى انبطل عباطه على بعض و اسف على الكلام الكثير و جزااك الله خير يا راعي الاعلان..


up 2 down 2
laith5
قبل 4 سنه و 3 شهر



السلام عليكم
معي كابرس 2004ال تي زي
المشكله انه الهوا مايطلع من الشكمان صافي فيه شويت تفتفه
الله ليهينك اذا تعرف السبب افدني بالله


up 0 down 0
ابراهيم الجماعي
قبل 3 سنه و 4 شهر



يعني المشكله من الحساس مشكوووور اخوي


up 0 down 1
مطيرجي 5 -3
قبل 3 سنه و 4 شهر



الله يجزاك خير يارب


up 0 down 0
بروك المشعل
قبل 11 شهر