كم اسعار الكابريس SS 2007 ؟

انا معي اس اس 2007 اشتريته قبل سنة ونص وانصحك فيييه بقووة والله موتر صح .. يوميا عليه مسافة 175 وماتطلب غير زيت المكينة وسيفون .. والقطع رخيصة تعتبر .. روح محلات قطع الغيار لا تروح للوكالة لانها اسعارها دبل وشوف الاسعار بنفسسك اسأل عن البواجي وفلتر الهواء والسيفون وباقي القطع الاستهلاكية
وتغيير الزيت .. المكينة مع السيفون تتطلب 8.3 لتر يعني 9 علب زيت
انا استخدم زيت موتوركرافت 10w30 العلبة سعرها 14 ريال والسيفون 15 ريال و 15 ريال تغيير الزيت يعني كامل 156 ريال
وانا اغير الزيت كل 8000 او 10000
واذكر سعر التغيير لزيت المكينة في التوكيلات العالمية 219 ريال يتغير كل 10000
وماعرف الاسعار لقطع الغيار صراحة لان ماقد اخترب معي الله لايجيب الخرابات ههههههه ..
اذكر سعر البواجي قبل 6 شهور في التوكيلات العالمية 240 ريال والجميح 200 ريال ومحلات قطع الغيار سعرها 110 ريال وكلهم اصلي 100% لكن كل واحد يعطي سعر من راسه
وبالنسبة لفلتر المكيف مو مثل باقي السيارات لازم تشتري لك فلتر 6 شهور وكذا .. لا فلتر المكيف في الاس اس مايحتاج استبدال .. تفكه وتنظفه بصابون + ماء ويرجع جديد 100% لكن انتبه وانت تفكه وخلي يدك خفيفه لان المكان ضيق لا يتكسر عليك وتضطر تشتري واحد جديد

وبالنسبة لصرفية انا اعبي ب30 ريال يدوم معي مسافة 680 كيلو واحيانا 700 كيلو طبعا خارج المدينة طريق سريع .. واذا رجلك ثقيلة وتسرع كثير يدوم 500 بالكثير

واهم شي يكون الموتر نظيف من جميع النواحي مو من ناحية البدي فقط

ونسيت اقول انا اشتريته ماشي 26 الف ب71 الف كامل شامل عمولة حراج وتكلفة نقل الملكية والفحص الدوري .. طبعا هالكلام قبل سنة ونص مادري بالنسبة للاسعار هاليومين صراحة مالي خبرة

طيب .. أخوي .. بسدك ..    المكيف في الكابريس ..  .أنا سمعت ناس تقول اذا وقفت السيارة ما يبرد المكيف .. صح ولا لا ..؟!

وهل يحتاج مبرد قير .... أنا ماني راعي قومات ...؟!

والله سعره مبالغ فيه جدا

والله بدون مبالغه المكيف ثلاجة ثلاجة .. يعني صيف او شتاء المكيف بارد .. ويضرب في العظم اذا كان رطوبة الجو عالية

يعني اانا على سبيل المثال اذا بغيت اروح الدوام اشغل السيارة لمدة دقيقتين واشغل المكيف واحرك
وحرارة المكينة احيانا 60 او 50 المهم حرارة المكينة اذا ما توصل فوق 88 درجة مئوية ما راح يبرد المكيف نهائيا ..
واذا وقفت بالاشارة نفس الشي بارد .. هذا الي سمعت منه ان الاس اس في الاشارة يصير المكيف مو بارد اكيد عنده مشكلة بالحرارة لان اذا وصلت حرارة المكينة 105 والمكيف شغال يفصل المكيف ويصير هواء حار ويرجع يشبك مره ثانيه اذا نزلت الحرارة ..

حرارة المكينة اذا المكيف شغال بين 89 الى 96 .. اذا انت واقف في اشارة ووصلت اكثر من 100 معناه فيه مشكلة ..
واذا المكيف مطفي حرارة المكينة توصل 105 وبعدها تشتغل المراوح وتطفي اذا وصلت الحرارة 99 .. و105 هذي طبيعيه

وانا مو مركب مبرد قير ولا راعي قومات لكن مركب اكس فورس 3 انش بريموت + فلتر رياضي kn .. والحمدلله الامور طيبه لاحرارة ولا غيرها

ونسيت اقول عشان لا تتفاجئ اقل سعر للكفر الواحد 600 ريال وهذا هانكوك يوكوهاما قبل سنة سعره 680 مدري عن سعره هاليومين

واهم شي تجنب الحفر والمطبات ويكون الموتر نظيف وما بتشوف منه شي ان شاء الله

طيب يارجال كم يسوى LTZ V6  2008  نضيف 

لالالالالا تشتريه اخوي يضحك عليك هذا

اس اس 2007 سعره من 60 - 70 الف ما يزيد ولا ريـال حتى لو انظف كابرس بالسعودية

انتبه منه لا تشتريه , 77 الف هذا سعر كابرس مخزن ماشي 20 او 30 الف فقط مو 120 الف !!

عالعموم لو تبي نصيحتي اشتري لومينا اس اس 2009 سعرها بين 70 - 80 الف ومعروف هالموديل بالنسبة للومينا والكابرس ممتاز والشركة تلافت كل المشاكل تماما واتحدى احد يشكي من هالموديلات

وطبعا القير صار بـ 6 نمر ومبردين قير وغيروا الاسطبات الخلفية والشمعات .. الخ

^
^
افادك اخوي سلطان 

ونصيحه خذ اس اس 2009  وفوق حلوو اغلب المشاكل الديكور والطقطقه وضبطوو القير 6 نمر ومبردين قير