كابريس اس اس 2007..2008..2009

وعليكم السلام أخوي الله يبارك في أيامك .

شف أخوي السيارة مهما كان نوعها وموديلها عباره عن اله جماد الانسان هو الي يدير هذي اله يلفها يمين ويسار يوديها قدام وورا

اذا مهتم في تغير الزيوت والاجزاء الاستهلاكية أول ب أول والقطع أصلي ويكون عند مهندسين تقة وسالمة من جربعة المطبات

والحفر والحوادث القوية .

صدقني راح تعيش السيارة عمر طويل باذن الله لاتخرب ولاشي اما الي بيهملها بتهمله مثل البشر فيه الي مهتمين في صحتهم

وتلاقيه نشيط وسالم من الامراض أما مستعملي المخدرات والله يشفيهم من بلاويهم فيهم الخمول وعم التركيز في التفكير وبعضهم

ضربت أسلاكة ....... الزبدة ان كان عشقك في كابريس دورلك على النظيف و8 سلندرأفضل تحافظ عليه بيعيش معك .

واذا انت راعي تفحيط وقومات كثير فا انا أقلك وخر عنة .... أرجو ان وصلت فكرتي وتحياتي لكم .

اذا انت عاجبك موتر
خذ لك واحد نظيف اهم شي علشان تسلم من خرابات , لان اغلب اللي بالمعارض مهلوكه من درفت ودراق
اما
اذا تبي تاخذه تكرفه نصيحه ابعد عنه .

اذاتبي تاخذ خذ2009 لاني سمعت تحت 2009 كان فيها عيوب مصنعية لوتاخذمن2009الى2012 افضل 

واناتفق مع مستر بكل كلمة قالها واول شيئ تتفق مع المشتري انك تفحصها فحص كامل  ’’’ والسلام خير ختام

اذاتبي تاخذ خذ2009 لاني سمعت تحت 2009 كان فيها عيوب مصنعية لوتاخذمن2009الى2012 افضل 

واناتفق مع مستر بكل كلمة قالها واول شيئ تتفق مع المشتري انك تفحصها فحص كامل  ’’’ والسلام خير ختام

اخوي الحرارة مجرد كذبة وهي كانت اتوقع في موديل واحد او موديلين قبل 10 سنوات

اما الآن سالتك بالله قد شفت موضوع واحد يشتكي من حرارة كابرس 2007 وفوق ؟

اشتريه لكن شوفلك النظيف + يفضل موديل 2009 ممتاز

+ لا تفحط وتدرفت + اهتم فيه كثير

يا ابراهيم فيه كوابرس موديلات 2000 ونشوفها في الشوارع زي الورد ماشاء الله عليها بسبب اهتمام اصحابها فيها

وفيه ناس من كثر اهتمامة في السيارة يعدها الحرمة الثانية على قولتهم هههه .

فا السيارة تخدم على حسب خدمتك انت لها اذا با احسان فهي بتحسن اليك بمشيئة الله اما اذا بجنان فهي بتجبلك الصمرقع هه .

انصحك اذا تبي تاخذ كابرس دور لك موتر نظييف وافضل موديلات الكابرس من 2009 وطالع

وانصحك لا تاخذ كابرس ممشاه واجد لأن الكابرس اذا طلب يطلب واجد وقطعه ماهي رخيصه مقارنتآ بالياباني


احرص على النظيف وبيخدمك

بيض الله وجيهكم ياخوان ولاني حق لاتفحيط ولاشي 

ابيه للاهل والاولاد وماقصرتم جميع بدون تخصيص

لاتااااااخذ كابريس ماراح تخدمك وقطعة نار رعيت حرارة اسال مجرب صدقني ماتصلح االعائلة في سيارات ثانية قوية احسن منها اسال مجرب ولك الحرية

يا ال سلمان انا مجرب الكابريس من 2000 الى 2010 وكنت أكد عليها ركاب وخطوط والله اني امحط فيها الى 240 بعض

الاحيان والمكيف شغال والموتر يقول هل من مزيد ... وأعرف ناس معهم كوابريس وزي العسل بالقشطة ههههه .

اخوي من2009وطالع جاء القير6غيار ويتحمل بعكس2008 القير4غيار ومايتحمل وبتوفيق

خويك ماخذ فكرة غلط عن الكوابرس .. انصحك فييه انا معي اس اس 2007 وماقد اشتكى من شي لكن هاليومين الجو بارد ولمبة المكينة مولعه ههههه ولا ادري وش السالفة لكن موتر صح واغلب الي اسألهم يقولوا حساس الشكمان وهالمشكلة جتني من يوم ما ركبت قزوز اكس فورس واللمبة تولع ,,
وقطع الغيار خذ لك لفه على محلات بيع قطع غيار الشفر واسأل بنفسسك عشان تقتنع ولاتروح للوكالة لانهم نصابين يعني ياخذون زيادة 50 او 90 ريال حتى فلتر الزيت عندهم ب22 ريال ومحلات قطع الغيار ب15 ريال والبواجي ب240 وباقي المحلات 110 ريال

وماعليك القير سواء 6 نمر او 4 نمر كلهم مثل بعض اذا استخدامك كوويس يعني انت دور موديلات 2007 وفوق وانظف موتر تحصله اخذه ولاتستعجل ..

^
^
^

لا لا يختلف 4 نمر عن 6 نمر فررق كبير 

4 نمر يكوون ضاغط على المكينه و rpm خصوصاً اذا مسكت خط 

اما 6 نمر يكوون مريح للمكينه والقيير بالخط 


اخوي من 2009 وفوق افضل لان يجي القير 6 نمر تبترونك ومبردين قيير 

وتفادوو حلوو اغلب المشاكل الطقطقه والديكوور الي حصلت بالموديلات القديمه

السيارات ماهي في السرعة في الاستخدام ياشباب ولافي التعشيقات 6 الله يهديكم السيارة للاستخدام السرعة مافية خير/