أضف سؤال أو موضوع جديد          

كابريس اس اس 2007..2008..2009

up 7 down 1
محب الخير 2013 2
قبل 8 سنه و 2 شهر



السلام عليكم ورحمة الله وبركاته

وجمعه مباركه على الجميع 

الحقيقه ناوي اخذ كابريس من الموديلات اعلاه ونصحني احد الزملاء وقالي اذا تبي الورش واهل الصناعيه يعرفونك 

خذه (خرابات) هل الكلام صحيح فيه خرابات موديل جديد وحش امريكي ماهوبسيط

ارجوا انكم تفيدوني وبلاش عنصريه احد يمدح اوشي مافتدني لاشريت وتوهقت 

بارك الله فيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام أخوي الله يبارك في أيامك .

شف أخوي السيارة مهما كان نوعها وموديلها عباره عن اله جماد الانسان هو الي يدير هذي اله يلفها يمين ويسار يوديها قدام وورا

اذا مهتم في تغير الزيوت والاجزاء الاستهلاكية أول ب أول والقطع أصلي ويكون عند مهندسين تقة وسالمة من جربعة المطبات

والحفر والحوادث القوية .

صدقني راح تعيش السيارة عمر طويل باذن الله لاتخرب ولاشي اما الي بيهملها بتهمله مثل البشر فيه الي مهتمين في صحتهم

وتلاقيه نشيط وسالم من الامراض أما مستعملي المخدرات والله يشفيهم من بلاويهم فيهم الخمول وعم التركيز في التفكير وبعضهم

ضربت أسلاكة ....... الزبدة ان كان عشقك في كابريس دورلك على النظيف و8 سلندرأفضل تحافظ عليه بيعيش معك .

واذا انت راعي تفحيط وقومات كثير فا انا أقلك وخر عنة .... أرجو ان وصلت فكرتي وتحياتي لكم .


up 7 down 2
مستر بن . 10379
قبل 8 سنه و 2 شهر



اذا انت عاجبك موتر
خذ لك واحد نظيف اهم شي علشان تسلم من خرابات , لان اغلب اللي بالمعارض مهلوكه من درفت ودراق
اما
اذا تبي تاخذه تكرفه نصيحه ابعد عنه .


up 7 down 0
x500 777
قبل 8 سنه و 2 شهر



اذاتبي تاخذ خذ2009 لاني سمعت تحت 2009 كان فيها عيوب مصنعية لوتاخذمن2009الى2012 افضل 

واناتفق مع مستر بكل كلمة قالها واول شيئ تتفق مع المشتري انك تفحصها فحص كامل  ’’’ والسلام خير ختام


up 3 down 2
عبدالله الوسمي -18
قبل 8 سنه و 2 شهر



اذاتبي تاخذ خذ2009 لاني سمعت تحت 2009 كان فيها عيوب مصنعية لوتاخذمن2009الى2012 افضل 

واناتفق مع مستر بكل كلمة قالها واول شيئ تتفق مع المشتري انك تفحصها فحص كامل  ’’’ والسلام خير ختام


up 3 down 1
عبدالله الوسمي -18
قبل 8 سنه و 2 شهر



اخوي الحرارة مجرد كذبة وهي كانت اتوقع في موديل واحد او موديلين قبل 10 سنوات

اما الآن سالتك بالله قد شفت موضوع واحد يشتكي من حرارة كابرس 2007 وفوق ؟

اشتريه لكن شوفلك النظيف + يفضل موديل 2009 ممتاز

+ لا تفحط وتدرفت + اهتم فيه كثير


up 4 down 3
sultan-q 466
قبل 8 سنه و 2 شهر



يا ابراهيم فيه كوابرس موديلات 2000 ونشوفها في الشوارع زي الورد ماشاء الله عليها بسبب اهتمام اصحابها فيها

وفيه ناس من كثر اهتمامة في السيارة يعدها الحرمة الثانية على قولتهم هههه .

فا السيارة تخدم على حسب خدمتك انت لها اذا با احسان فهي بتحسن اليك بمشيئة الله اما اذا بجنان فهي بتجبلك الصمرقع هه .


up 4 down 2
مستر بن . 10379
قبل 8 سنه و 2 شهر



انصحك اذا تبي تاخذ كابرس دور لك موتر نظييف وافضل موديلات الكابرس من 2009 وطالع

وانصحك لا تاخذ كابرس ممشاه واجد لأن الكابرس اذا طلب يطلب واجد وقطعه ماهي رخيصه مقارنتآ بالياباني


احرص على النظيف وبيخدمك



up 5 down 0
abo fahhad 52
قبل 8 سنه و 2 شهر



بيض الله وجيهكم ياخوان ولاني حق لاتفحيط ولاشي 

ابيه للاهل والاولاد وماقصرتم جميع بدون تخصيص




up 4 down 1
محب الخير 2013 2
قبل 8 سنه و 2 شهر



لاتااااااخذ كابريس ماراح تخدمك وقطعة نار رعيت حرارة اسال مجرب صدقني ماتصلح االعائلة في سيارات ثانية قوية احسن منها اسال مجرب ولك الحرية


up 2 down 7
محمد ال سلمان 820
قبل 8 سنه و 2 شهر



يا ال سلمان انا مجرب الكابريس من 2000 الى 2010 وكنت أكد عليها ركاب وخطوط والله اني امحط فيها الى 240 بعض

الاحيان والمكيف شغال والموتر يقول هل من مزيد ... وأعرف ناس معهم كوابريس وزي العسل بالقشطة ههههه .


up 3 down 2
مستر بن . 10379
قبل 8 سنه و 2 شهر



اخوي من2009وطالع جاء القير6غيار ويتحمل بعكس2008 القير4غيار ومايتحمل وبتوفيق


up 1 down 1
ماشي بدربي 167
قبل 8 سنه و 2 شهر



خويك ماخذ فكرة غلط عن الكوابرس .. انصحك فييه انا معي اس اس 2007 وماقد اشتكى من شي لكن هاليومين الجو بارد ولمبة المكينة مولعه ههههه ولا ادري وش السالفة لكن موتر صح واغلب الي اسألهم يقولوا حساس الشكمان وهالمشكلة جتني من يوم ما ركبت قزوز اكس فورس واللمبة تولع ,,
وقطع الغيار خذ لك لفه على محلات بيع قطع غيار الشفر واسأل بنفسسك عشان تقتنع ولاتروح للوكالة لانهم نصابين يعني ياخذون زيادة 50 او 90 ريال حتى فلتر الزيت عندهم ب22 ريال ومحلات قطع الغيار ب15 ريال والبواجي ب240 وباقي المحلات 110 ريال


up 3 down 0
بسدك 1365
قبل 8 سنه و 2 شهر



وماعليك القير سواء 6 نمر او 4 نمر كلهم مثل بعض اذا استخدامك كوويس يعني انت دور موديلات 2007 وفوق وانظف موتر تحصله اخذه ولاتستعجل ..


up 3 down 0
بسدك 1365
قبل 8 سنه و 2 شهر



^
^
^

لا لا يختلف 4 نمر عن 6 نمر فررق كبير 

4 نمر يكوون ضاغط على المكينه و rpm خصوصاً اذا مسكت خط 

اما 6 نمر يكوون مريح للمكينه والقيير بالخط 


اخوي من 2009 وفوق افضل لان يجي القير 6 نمر تبترونك ومبردين قيير 

وتفادوو حلوو اغلب المشاكل الطقطقه والديكوور الي حصلت بالموديلات القديمه



up 1 down 0
ss 2007 1799
قبل 8 سنه و 2 شهر



السيارات ماهي في السرعة في الاستخدام ياشباب ولافي التعشيقات 6 الله يهديكم السيارة للاستخدام السرعة مافية خير/


up 0 down 0
محمد ال سلمان 820
قبل 8 سنه و 2 شهر