كيف تتصرف اذا انفقع الكفر عليك

معليش يا شباب بالغلط حطيت الاعلان هنا بغير الموضوع في الحال 

السيارات المرتفعه وقت ضرب الكفر وضعها خطير والسيطره عليها اصعب خصوصا الجيوب قلبتها سريعه

الله يكفينا ويكفيكم الشر

قبل كم شهر والله كنا ماسكين خط بسيارة هوندا اوديسي 2003 ما شاء الله ممتازة مسكنا فيها خطوط كثيرة

المهم وحنا ماشين حدود 120 - 140 كم

الكفر الايسر الخلفي انفجر وانفك وصار يتدحدر بالشارع والموتر صار يمشي على الحديدة وتسمع صوت يقشعر بسبب احتكاك الحديد بالاسفلت لاننا مسرعين

الزبدة اخوي الي كان يسوق شال رجله من البنزين والفرامل نهائيا ولبق على جنب

المهم انك ما تدعس الفرامل اطلاقا او لا سمح الله بتنقلب فيك السيارة

عليك ان:


1- تشيل رجلك عن البنزين

2- لا تدعس فرامل نهائيا

3- رد القير نمرة ثقيلة



وقبل كل هذا و ذاك لا



ترتبك




فائق ودي

وجود الطارة




كفانا الله و اياكم شر الحديد

اخي الكريم abo3tb المحترم
مشكور على الطرح والتنبيه عند انفجار احد الكفرات
وأشكر الاخ شاقح عالمعلومة المفيدة والأخ فتى النرجس أقول له آمين
والأخ سلطان عالمعلومات الطيبة ، وأضيف للشعر بيت
كيف تتصرف اذا انفقع الكفر عليك ؟
اثناء السير على سرعه عالية وانفجر احد الاطارات لاقدر الله ماذا تفعل :
اولا :حافظ على هدوئك بقدر المستطاع لان رد الفعل الغير محسوب فى هذه الحاله ربما يسبب اخطار جسيمة .
ثانيا : عجلة القيادة سوف تنحرف يمينا ويسارا بقوه فتمسك بها جيدا وحاول السيطره على السيارة .
ثالثا: لاتضغط على الفرامل نهائيا وحاول استخدام الغيار العكسي الاقل فالاقل او فرامل اليد حتى تهدىء السياره شيئا فشيئا حتى تقف السياره تماما .
ملحوظه : تذكر دائماً الامساك بعجلة القيادة جيدا وبكلتا اليدين خاصة على السرعات العالية ربما يساعدك فى السيطرة على مواقف كثيرة ربما تكون حرجة . من
حمانا الله واياكم من كل شر
أستودعكم الله
جمعة مباركة
أخوكم أبو عبد الرحمن

اخوي ابو عبد الرحمن اخالفك الرأي بخصوص استخدام فرامل اليد والسبب لو انرالكفر الخلفي انفجر وسحبت الجلنط راح يمسك كفر واحد بس والله اعلم وش الي بيصير...

اهلا


قبل 5 سنوات او اكثر اشتريت كامري وارد امريكا

ويوم وانا رايح للبنشري ابدل زيت السيارة

اليمني من لمح كفر السيارة قالي بدله هدا خطير في اجواء السعوديه

بصراحه اني ضنيت به ضن السوء و قلت يريدني اشتري كفرات جدد من عنده

المهم بعد اسبوعين وانا رايح للدوام وكنت متأخر و مسرع 160

وادا بجنبي سيارة انحرفت ودخل بالشبك و قامت الغبره

وانا اطالع الغبره و تجاوزته و بعدها الغبره موجوده

بعدها اكتشفت ان الغبره الي بعد الحادث ان الكفر مبنشر علي و انا مو حاسس

شلت رجلي من البنزين و مشيت اصفر الى ان وقفت السيارة

وادا الكفر مو مبنشر الا منفجر قطع صغيره ولكن السيارة ثابته ما شاء الله

وفي نفس الاسبوع ينفجر واحد ثاني و انا اتمشى بالراحه

بعدها بدلت الكفرات


ولكن قبل ما ابيعها يوم وانا امشي وادا الدركسون ثقيل جدا

وقفت طلع الكفر خاف هواه قلت وين ايامش لما شريتها نظيفه مشيت بها وما حسيت على الكفر انه منفجر

شكرا على مروركم يا شباب واحلى لايكات لكم