كيف اعرف الفحمات يبي لها استبدال

تحصل رجة اذا مسكت بريك طول الله عمرك

وانتبه اذا بدلت فحمات لاااااااااااازم تخرط هوبات والا ترى فلوسك تروح بدون فايدة

اول شي اخرط هوبات بعدين بدل فحمات

علاماتها :

رجه اذا مسكت بريك
صوت اذا مسكت بريك

إذا كنت تشك بالكفرات إعمل لها ترصيص ثم كم مضى على الفحمات بالسيارة إذاكانت من سته اشهر فأنصحك بالذهاب لمركز متخصص كميزان العضيب أو غيره  وخاصه إذا كان الفحص مجاني  . 

على حسب اذا كانت مسكة الفرامل ضعيفه او فك الجنط وطالع في سماكة الفحمات اذا هي مررره نحيفه غيرها ع طول اما الخلفي مو زي الامامي تاخذ فتره لأن اعتماد الفرمله اكثر شيء امامي وتستهلك اكثر من الخلفي ... وان شاء الله اكون افدتك والاخوان ما راح يقصرو معاك

اذا فيه رجه وانت تمشي من سرعه 120 الى 150 هذي ترصيص

اذا كان الجنط 17 اعمل له ترصيص ارضي افضل شي
اذا كان جنط اقل اعمل له ترصيص عادي الكفر بـ 10 ريالات

الكفرات اذا سليمة ومو محبله او متنفخه من داخل ماتسبب رجه حتى لو تاريخها 1980 

ياخوي بكيفك انت ؟؟

الله يرضى عليك الهوب ينخرط مع تبديل القماشات . ااذا ماخرطت الهوب ماااكنك سويت شي .

الهوب صلاحيته ماتنتهي بكثرة الخرط . حتى لو بقى فيه قد الاظفر عااااااادي لانه مجرد مثبت للقماش ويوقف دوران الكفر . اللي يتآكل اكثر شي القماش 
لكن اذا ماخرطت الهوبات راح تصير عندك رجه بعد اسبوعين بالكثير لان القماش يتآكل من الهوب لأن الهوب متآكل من القماش القديم .
فهمت الله يجزاك خير

انا ميكانيكي وان شاء الله نصحته بما اشوفه واسويه لسيارتي قبل سيارة غيري وبالاول والاخير خله يروح للصناعية وشوف وش يقولون له

اخوي يا ماها r1 
ما دام انك ميكانيكي
ممكن تعلمنا كيف نعرف الهوب يبيله خرط
من ناحية اللمس او النظر 
وهل المخرطة عندنا تصلح او تخرب زيادة
لاني اشك ان اغلب المخارط تعدم الهوب ولا يضبطون الهوب
تلقى هوب درجه والثاني درجه يعني ما يضبط
واللي اعرفه ان الفحمات هي اللي تخرط الهوبات وتوزنها مع المشي
هذا بالنسبه للي محافض على تغير الفحمات قبل ما تصير حديد

الخرط في حالة كون الهوب حبل أي صار خشن

نتيجة إنتهاء الفحمات وصار حديد الفحمات يأكل الهوب

أما مادام الهوب ناعم فلا تخرط واترك عنك الخراط!!!

ابراهيم التركي + ابو ياسر : احسنتم وفعلا كلامكم صحيح ويأتي دور الصيانة وعدم الاهمال ومعروف اي ورشة بتروح لها بيقول لك خرط علشان ياخذ زيادة فلوس الا من عندة ذمة


فالافضل انة يتم تغيير الفحمات مباشرة دون اي اهمال حتى لا تضطر لخرط الهوب والهوب عمرة الافتراضي 3 ال 4 خرط بعدين يتم تغييرة فلا يتم الخرط الا عند الحاجة ويكون ملمس الهوب خشن فيستهلك الفحمات

^^^ قلك المفيد

اذا كان الهوب ضعيف من كثر الخرط ينكسر لو ضغطت عليه بريك قوي، هذي مايحتاج لها ميكانيكي عشان يعرفها

والله عندي نفس المشكلة الميكانيكي قال خرط هوبات مع فحمات وما تكلف كثير