محتار اشتري لومينا

خرابات ابعد عنها خذلك 2007 وفوق

اذا كانت نظيفة مررررة وتحت الفحص الكمبيوتر والبدي واهم شي الجير
تلقاها 10000ريال 2002

وخرررررررررررررررر عن اللومينا صحيح قوة وعزم ودفع خلفي وقطع غيار رخيصه بس خرابااات حتدوام بالصناعيه وارقام المكيانيكي والكهربائي ومحل قطع الغيار بجوالك وراح تتفرغ لها بدل ما هي توصلك

انا جربت موديل 2006 Ls العزم لا يعلا عليه الصرفيه ممتازه ،،،، لكن وسائل الأمان زيرو ،،، وارتفاع الحرارة تبهذلك بهذلك تمشي ما تدري غير الحراره مرتفعه ... فنصيحه ابعد عنها والله يرزقه احسن من الومينا ..

شوفلك موديلات اعلى شوي

لان بالذات هالموديلات سيئة ,

تحياتي

حط في بالك إنك لو بتسمع كلام الناس عز الله إنك ما بتشتري سيارة..
لكن نصيحة لوجه الله..وبحكم استخدامي لأغلب موديلات اللومينا..اتضح لي إن أسوأ الموديلات هي من موديل 99 --2002

من موديل 2003 لى 2006 تحسنت بشكل ممتاز..حتى رساوتها وثقلها في الخط..تحس إنك ماسك سيارة..

موديل 2007 و2008 ممتازة جداً من جميع النواحي..
من موديل 2009 وفوق أمتز من الممتازة بحكم إنها جات مبردين قير..
لكن لو خيروني بين 2009 و2008 والله ما أختار إلا 2008 ..لأن القير التبترونيك في 2009 صيانته متعبة نوعاً ما..

كل كلامي اللي فوق كان عن فئة الاس اس..بحكم استخدامي لها..

وإن شاء الله يجي من يفيدك

ابراهيم التركي فكنا بس انت والفرخ حقك ذا .. الفرخ هذا يشرب بنزين بشكل غير طبيعي يشرب 25 لتر في مشوار ابو 60 كيلو !! وغير كذا الفرخ هذا قديم ومعنى كلامي ان الرجال راح يتضرر من خراباته ... يعني على سبيل المثال عمي معاه واحد ووولد يقولي ابوي كل ما صار عنده فلوس يحطها فييه ويسميه محرقة فلوس هههههه كل ثلاثة اشهر او قل يحط فيه قطع 1500 والله لو جمع فلووسه واشترى موديل حديث 2012 اصررف له

ووويا صاحب الموضوع اذا تبي موتر لخط بتاخذ سيارة موديلها 2002 ولا 2000 وش تبي فيها هذي!!! يعني تبي تقولي فيها عمر وراح تشرب بنزين وزيت بشكل مو طبيعي بسبب موديلها قديم!! ولاحد يقولي ماركيز وحكي فاضي عمي معاه ماركيز 2003 والحرارة مبهدلته بسبب طرمبة الماء وغير كذا الركبة طاحت مرتين ومشاكل غريبه صراحة زي مثلا مشكلة التفتفه في الفورد !!

خذ موديل 2007+ او اعللى على حسب الي ترغب فيه ووسواء كان كابرس او لومينا يعجبوونك .. وخذ لك اس 6 سلندر واان شاء الله اذا انت تحافظ عليه ما راح يخرب وهالكلام ينطبق على اي سيارة موديلها حديث .. ووروح اسأل اي احد عارض كابرس اس اس او لومينا اس او اي سيارة واسأله عنها وشوف ايش راح يقولك يمدحها او يذمها

وبالنسبة لي انا موتري اس ا س 2008 لومينا ووما شاء الله تبارك الرحمن موتر صح ,,., وماتخاف من ناحية الصرفية او القطع كلوو رخيص بالنسبة لباقي السيارات وواقولك موتري من 26 الى 46 الف ماحطيت فيه ريال غير زيت المكينة والفلتر

ووووالبنزين اعبي 91 بـ 30 ريال تكفي مسافة 600 الى 640 كيلو

أخوي نصيحه ابعد عنها هذي موديلات قديمه جار عليها الزمن 

تحصلها معدومه ومنتهيه ولا ١ ٪ تحصل نظيييف حتى موديلات ٢٠٠٧ حوالي ٧ سنوات 

 الي اشووفه قليل النظيف  

٢٠٠٩ فوق افضل الموديلات من الجودة والتحمل وقير ٦ نمر ومبردين قير  

طبعا كلامي على اس اس 

مع احترامي لكم

بس الرجال لو ميزانيته تسمح ياخذ 2008 ولا 2009
اظن ما كان فكر في موديل 2000

ياخوي انا مجرب اكثر الموديلات وافضل شي جربته 2001 واسوء لومينا امتلكتها 2006 6 سلندر حتى الكابرس تجي الماكينه كبيرة ومقفله وحراااااااااااااااااااااااره بقوة نصيحتي ياخوي لا تاخذ فوق 2002 الى 2008 خذ لك اذا تقدر 2009 وفوق او تحت 2003 اهم شي لا تاخذ ماكينه مقفله قسسسم بالله غير تكرهك حياتك ههههههههههههه انواع الخرابات والحرارة واذا تبي تغير البواجي او تغير بلف الحرارة لازم تفك الثلاجة هذا بالنسبة لمحركات 3.6 المخيسة خذلك من 2000 الى 2004 تجي محركاتها 3.8 احلى محركات واستخير ربك قبل لا تشتري سيارة بالتوفيق لك