ضعف استقبال راديو التاهو

اخوي موترك امريكي ؟


وبعدين بـ اي محافظه يمكن المشكله من نفس الديره مافيها تغطية

موتري سعودي جميحي ياخوي
انا في الرس ... وانا ابشوف اذا المواتر الثانية ماتعاني من هالمشكلة وديته لهم دامه على الضمان
الرس فعلا تغطية mbc fm  ضعيفة ، لكن لاحظت هالشي حتى في عنيزة مثلاً اللي تغطيتها فيها ممتازة 
شكراً لك

انا اروح القصيم بين فترة وفترة وكان معي يوكن 2001 والان معي تاهو 2011 القصيم فيها ضعف بقنوات الراديو لكن تشتغل معي كامل القنوات بس فيها تشويش ,


ع العموم زي ماتقول شف مواتر ثانية واذا صار مافيها مشكلة وده الضمان


بالتوفيق ياخوي

اذا انت مركب شاشة بدل مسجل البلد معقول 

اما مسجل بلد غريبه!

اخوي حمادة كان معي يوكون ٢٠٠٢ وكنت اسمع mbc fm  بوضوح خصوصاً في محافظات البدائع ومنها شرق وشمال شرق
بس التاهو ... امره غريب
شكراً لك

اخوي ماشي بدربي الشاشة شاشة شد بلد
عموماً قبل شوي بحثت عن mbc fm  يدوياًولقيتها
وبحكم انها مهيب صافية تماماً " وهذا الشي معروف عندنا " فهي ماتظهر بالبحث الاوتوماتيكي 
مع اني قبل فترة بحثت عنها يدوياً وماحصلتها
شكراً لك

غريبة
انا معي تاون كار 2005 وتردد بانوراما FM يبقى مستمر على طريق حايل من القصيم لغاية 60 كيلو تقريباً

اتضح لي السبب أخيراًيا اخوان ... السبب من شاحن الآيفون ، مجرد ما أشبكه يؤثر على الاستقبال ،واكتشفت هذا الأمر مصادفة ، شكراً لكم

رفاهية فانتوم  ترددات الاف ام هي موجات قصيرة  وهي فيها عيب وفيها ميزة
ميزتها نقاء الصوت وعيبها مداها قصير
والعكس صحيح بالنسبة ل wm و am 
مشكور

اكتشفت ان سبب التشويش على اذاعات الاف ام هو من شاحن الايفون
مع انه اصلي من شركة  مشهورة وسعره غالي