أضف سؤال أو موضوع جديد          

حل مشاكل التبريد في الكابرس واللومينا

up 8 down 6
royal-4-ever 120
قبل 6 سنه و 6 شهر




السلام عليكم ورحمة الله وبركاته
شباب الموضوع طويل اشوي لكن علشان ترتاحون من الحرارة اصبروا اشوي واقرائو الموضوع 
ان شاء الله تستفيدون 
وياليت لو يثبت لفائدة الجميع ولأن موجود تصويت في حال استفدت او لا وانا اضمن لك ان شاء الله انك راح تستفيد بنسبة 90% لكن بشرط تطبيق كل الخطوات المذكورة في الموضوع 
واتمنى لكم صيف سعيد 
ملاحظة: قد تحتاج انك تجهز قريشاتك في حال انك مريت على خطوة مش موجوده عندك وتحتاج انك تسويها 
نبدأ بسم الله 
كثر المشتكين من حرارة المكيف في الكابرس والومينا مع دخول فصل الربيع اقصد الصيف ولهم كامل الحق!

علشان نكتشف الحل لازم نعرف اسباب حرارة المكيف في الكوابرس واللومينات وخاصتاً 8 سلندر
لكن انا حليت معظم المشاكل ومع خبره 100 سنه في الكوابرس عرفت اغلب الاسباب لحرارة المكيف وافضل الحلول لمشاكل حرارة المكيف 
وانا الحين الحمد لله ما اشتكي من حرارة المكيف حتى بالظهر والحرارة 
على اي حال خلونا ندخل على الموضوع على طول ان شاء الله تستفيدون 

من الاسباب اللي تخلي المكيف حار
1- حجم المكينه الكبير واللي يسبب ارتفاع في الحرارة دون دخول هواء كافي للمكينه لذلك اصاحب ال4 سلندر مرتاحين 
2- الدعس والتسارع المفاجئ على السيارة والمكيف شغال مما يسبب ارتفاع حرارة المكينه والقير 
3- عدم تركيب مبرد قير معزول عن رديتر الوكالة
4- عدم تركيب مروحه ثالثه تكون امام الرديتر المكيف
5- عدم وضع فريون اصلي يسبب مشاكل حتى للكومبرسر ولا يعطي تبريد ممتاز
6- الكومبرسر تعبان او يكون غير اصلي
7- ضغط الفريون يكون غير صحيح
8- مجارى الماء يكون متسخ (الرديتر+الليات)
9- إذا كنت منزل السيارة في الارض هذي من الاسباب اللي تخلي المكيف حااار رجع وضع السيارة على اصلها 
10- عدم تهوية السيارة قليلاً وذلك بفتح النوافذ قليل علشان الحرارة ماتتجمع داخل السيارة 
11- ضعف البطارية او الدينمو او كلاهما !
12- رفع الغطاء البلاستيكي الموجود فوق الرديتر واطار المراوح !
13- ضعف في طرمبة الماي او خلل 
وكثير اسباب لكن احنا يهمنا الاسباب الاكثر تأثير على برودة المكيف 

الحل لنترك الحلول التقليدية واللي شباب جربوها ولا استفادو شي 
علشان يكون التيريد ممتاز في الظهر تحتاج لعدة امور تطبقها علشان تحس بالفرق

ملاحظة يستثنى من هذي الحلول اصحاب السيارت المعدلة لكن مايمنع يجربونها ممكن تنفع معاهم
الحلول هي:
1- التأكد من عدم وجود تهريب في ماء الرديتر مع التأكد بأن يكون نص ماء مقطر ونص ماء حمراء او خضراء اصليه
2- برمجة المراوح بحبث إذا شغلت المكيف تكون المراوح شغاله على طول دون توقف 
3- التأكد من قوة دفع المراوح ولا يكفي ان المراوح تشتغل يدل على ان المراوح سليمه 
4- عدم الدعس والتسارع المفاجئ للسيارة افضل شي انك تمشي بالهدوء علشان ماترفع من حرارة المكينه والقير ولاتخلي اصحاب الياباني يستفزونك علشان تدعس لأن لو دعست بالمقابل راح يكون المكيف حار 

5- مراقبة العداد الالكتروني للحرارة الحرارة المفروض تكون بين 100-94 حتى لو كان الجو حار وفي الظهر 
6- تركيب مروحه اضافية في امام الرديتر وتشغيلها عند تشغيل المكيف 
7- هذي الخطوة مهمه وهي تركيب فريون اصلي امريكي لازم اللي يركب لك الفريون تكون واثق فيه لأن بعضهم مايخاف الله يحط لك فريون ابو كلب على انه اصلي وبصراحه صعبه تعرف ان الفريون اللي يحط لك اصلي او لا لأن في البداية تحس المكيف بارد لكن يومين ويرجع الوضع كما كان مش بارد بسبب ان الفريون مش اصلي 

8- الكومبرسر لازم يكون اصلي اصلي ابوه اصلي جده اصلي
9- يفضل في حال ارتفعت حرارة السيارة فتح الكبوت على وضع السيفتي لكن لا يسرع كثير يكفي 100 لاتخافون 
ماراح يطير الكبوت إلا إذا كان هناك هواء قوي يفضل السرعه 70-80 فقط
وايضاً خلع الشبك الامامي لإعطاء نتائج اكثر من ممتازة 

10- تشغيل المكيف على السرعة الاولى فقط حتى لو كان في البداية حار مش مشكلة اصبر 5 دقايق بالكثير 10 دقايق وراح تشوفه بإذن الله بارد ولا تحاول ترفعه للدرجة الثانيه يكفي توجيه فتاحات المكيف عليك وراح تحس بالبرد
11- يفضل وضع عازل حراري على النوافذ السيارة للمساعدة على التبريد السريع 
12- اغلاق المكيف الخلفي إذا لم يكن هناك حاجه له 
13- وضع درحة حرارة المكيف على 20 درجة مئوية ولا تحطه على (c) هذا الخيار في المكيف الالكتروني اما اصحاب العايدي مش موجود عندهم ذا الخيار 

14- قبل تشغيل الفريون يفضل تشغيل المراوح على سرعة الثالثه او الرابعه فترة بسيطه للسماح بالهواء الحار بالخروج بعدها شغل المكيف 
15- عند الوقوف في الاشارة اجعل بينك وبين السيارة اللي امامك مسافة تسمح للهواء بالمرور جنب وامام وتحت السيارة ووضع السيارة على الوضوع المحايد (n) 
16- التأكد من حالت الرديتر هل هو نظيف او لا ومجرى الماء كله 
17- التأكد ان زيت القير والمكينه بحاله جيده وبدون نقص او حرق
18- فتح النوافذ عند التوقف بالسيارة والنزول منها علشان ما تتجمع الحرارة داخل السيارة ويصعب من الاستفادة من برودة المكيف
19- التأكد من قوة البطارية والدينموا لأن لو كان هناك ضعف في كهرباء السيارة ماراح يتشغل الكومبرسر والمراوح بشكل مظبوط ولذلك بعض الشباب يدعس على البنزين إذا وقف ويحس ببرودة المكيف اكثر لكن ذا الشي خطأ المفروض ان مجرد ما يتشغل المكيف السيارة تلقائياً ترفع من قوة حركة المكينه علشان تدوير الكومبرسر يكون اقوى بدون ما تدعس بنزين اللي بسببه راح ترتفع درجة الحرارة اكثر داخل المكينه 
20- ارجاع غطاء المكينه و الغطاء الموجود فوق الرديتر وإطار المراوح إذا كانو مس موجودين 
21- التأكد من طرمبة الماي وان مافيها خلل 
22- التأكد من كفائة الرديتر لأن احياناً تكون المادة المصنوعه منها الرديتر تفقد فاعليتها في التبادل الحراري 

لو طبقت كل اللي ذكرته بالظبط راح تحس بالفرق ان شاء الله ولا راح تنقهر بعد اليوم من اصحاب الياباني 
شباب اللي يستفيد من موضوعي يدعوا لي بالخير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع مفيد .... يعطيك العافيه ولك احلى لايك .... :)


up 3 down 1
سيف الهاجوس 912
قبل 6 سنه و 6 شهر



جزاك الله خير
عندي كابرس ال اس 2006 في 8 والتبريد عندي افضل من الياباني ولله الحمد.


up 5 down 2
al-aziiz 640
قبل 6 سنه و 6 شهر



من يقول ان الكابرس ترتفع حرارته انا عندي 2006 8سلندر ولا مرة ارتفعت الحرارة


up 4 down 2
salooh16 63
قبل 6 سنه و 6 شهر



انا اللي اقولك ان الحراره ترتفع .. كان معي كابريس رويال 2006 دابلتن سبدي بالحراره .. والحمد لله افتكيت منها ..وجبت كابريس 2009 والحمد لله الامور تمام 


up 4 down 5
royal-4-ever 120
قبل 6 سنه و 6 شهر



يعطيك العافيه اخوي بصراحه موضوع حلوو تستاهل الايكك^_*


up 1 down 0
ahmmad1234 628
قبل 6 سنه و 6 شهر



انا كان معاي كورولا 2009 ومرتاح ومريح راسي جا اخوي ولعب براسي واخذها وقالي رح شفلك امريكي احسنلك من ياباني والله كتب واشتريت لومينا 2006 ودابلتن تسبدي ودي امشي فيها دقيقة وانا مطمن ان الحرارة ماترتفع كرهت سيارات بسببها مافي طرنبة ألا ماغيرتها شيكت ع ماكينا مافيها شي غيرت لديتر ومراوح وفريون ولسة كما هي 


up 1 down 0
عمار حساني 1
قبل 6 سنه و 5 شهر



الكابريس ال تي زد 2013 جلد وفتحة هو ملك الشارع


up 1 down 0
busaaaif 37
قبل 6 سنه و 3 شهر



وش الحلول هذه الله يعطيك العافية بس

من فاضي يفتح لك النوافذ ويشيل الشبك ويفتح الكبوت او يجمع مراوح في كبوت السيارة
...الكابرس مايرفع حرارة اذا اموره طيبة والمراوح شغالة بشكل صحيح حتى لو الجو حار بعز الظهر والحرارة 60


up 1 down 0
الرومنسـي -54
قبل 5 سنه و 4 شهر



انا معي كابرس 2004 الحمدلله ماترتفع معي الحرارة حتى بعز الظهر 
مرة ارتفعت الحرارة لقيت ان ماء الاديتر ينقص طلع فيه تهريب 
ومرة جت الحرارة بسبب انسداد الليات وغيرتها وضبطت الامور 
انا اشوف ان اهتمام الشخص بالسيارة  والمتابعة هي اللي تريح الراس من المشاكل 


up 1 down 0
rayan2010 46
قبل 5 سنه و شهر



الزبده انا معي لومينا ي جعلها للحرق ياخي غثني هالموتر اخليه انام وصحى الصباح اشغله امشي 5 متر ترتفع حراره ي عيال وش الوضع افجر فيه الموتر والله الحين من كثر موب متضايق ترتفع مره اخليها امشي ماني ولا شايفها 


up 1 down 0
كابرس 88 1
قبل 4 سنه و 6 شهر



هذا صاحي ولا يتفلسف علينا بعدين بالله انت اذكى من اللي صنع السياره تقولي مكينه وتهويه ثاني شي اذا فيه حراره اكيد فيه عطل ويحصل في سياره ونص الشعب مركب تجاري ولا رديتر اردني وثالث شي بعز القايله تبيني احط المكيف على رقم واحد والمصنع حط فيها 4 سرعات وفي عز القايله تبيني اصبر 5 دقايق  وفيه اجابيات تشكر عليها وفلفسه مالها داعي واغلب حرارة الكابرس ياشباب يامرواح او رديتر اذا اسرعت وارتفعت الحراره ونزلت اذا هديت ابد غير رديتر اصلي وانتهى الموضوع وبعد دينو المراوح ركب ياباني وانسى هم المراوح 


up 1 down 0
محمد العبدليmm 1
قبل 4 سنه و 5 شهر



ياخي قل نغير السيارة كلها وريحنا !!!!


up 0 down 0
high pressure 4
قبل 3 سنه و 6 شهر



اخوي رويال ممكن رقم جوالك للتواصل 


up 0 down 0
فلسفة كبرياء
قبل سنه و 11 شهر