بخصوص الايرباق .

اخوي صراحه آلون مؤ واضح عندي إذا كان برتقالي اعرف أن الأيرباق سليم أما إذا كان احمر اعرف أن الأيرباق طالع 

المبه الثانية البرتقاليه فوق هذي لمبة المكينه سوي فحص كمبيوتر وتطلع لك العله

اذا ماخذها من حراج اعرف ان الايرباق طالع وطافيين اللمبه من الطبلون
والله يعوض عليك

جزاكم الله خير يا اخوان .. ايه أخذته من الحراج الله لايوفقه دنيا وآخره اللي شريته منه حلف لي واقسم أنه ماجاه حوادث أو شي مايدري اني جالس لي تقريبآ سنتين اجمع فلوس والصراحه انا وثقت بكلامه لانه حلف لي ايمان لكن وين يبي يروح من عذاب ربي
صحيح اني اتحمل اللي جاني لاني وثقت فيه بس ما اقول غير حسبي الله ونعم الوكيل فيه وحسبي الله ونعم الوكيل في كل شخص يكذب على الناس ولايوضح عيوب سيارته للغير .

رح اشتك عند شيخ المعارض اذا انك تعرف معرضه وهو بينصفك ان شاء الله

@# اولا: الصورة اللي فوق صورة سيارتي وعذرك ع العين والراس

ثانيا:شوف في مسمارين فوق في الطبلون ..طالع في المسامير وشوف اثار ع المسامير 

...........مثلا المسمار لونه اسود وتلاقي محل ماتحط المفك فضي يعني الطبلون قد انفتح

والفحص الكمبيوتر بـ 50 وبعضهم بـ100 قول له فحص حساسات بس وعلطول تطلع المشكلة بس ما بتستفيد مدام المشكلة واضحة 

لانه بيكتب في الورقة (صيانة لمبة ايرباق وتشيك انجن)

.......................والله يكون في عونك

اول ماتشغل السيارة كل اللمبات تشتغل . شي طبيعي
الكلام هل تستمر لمبة الارباق والعة ؟
اذا نعم طالع اذا لا لا

اللمبه الحمره الي على اليمين هي حقت الايرباق و ديها اي محل فحص كمبيوتر وافحص عليها و تاكد 

ابو ابراهيم شاكر لك مشاركتك ..
feroo li شيكت على المسامير موباين شي بس بأقرب فرصه أن شاء الله بروح افحص وأتاكد .
مابنكسر صابر اصلآ اذا فتحت السويتش ماتشتغل لمبة الايرباق والمكينه خير شر ماتولع عندي أبد أستغربت لما شفت الصورة اللي فوق ..

بارك الله فيكم جميعآ والله لايحرمكم الآجر .

abo3tb 511 بارك الله فيك اخوي

المكينة بعض السيارات ماتولع
بس الارباق ماتشتغل خير شر غريبة
هي وحده من الثنتين ياالارباق طالع والفيوز مفصول او طالع الارباق وفاك الطبلون وملصق عليه

انا معاي ابترا ولدي خبره كافيه فيها
بالنسبه للمبه البرتقاليه تطلع من اي شيى اكتروني عطلان بالسياره مثلا>>> العداد حق السرعه البواجي البوابه اسلاك البواجي اي عطل كهربائي يطلع فيه هاللمبه






بالنسبه لعلامه الايرباق في اي سياره عند التشغل تكون شغاله بس بعد التشغيل باقل من دقيقه تطفى اذا طفيت معناه الايرباق سليم
عطلان او فيوز او تحتاج اعاده برمجه للايرباق

اللمبه حقت الزيت اذا كانت شغاله علطول فتكون اما الزيت ناقص وتحتاج الى زياده الزيت او اما ان تكون طرمبه الزيت ما تدفع كويس وتحتاج الى تغير