وظائف موسميه

في الجبيل 
اذكر اني شفت في ماك دونالدز وفي اسواق  المزرعة

اوه اسف ما انتبهت انك تبيه بمكة

روح لأي فرع حق ماك و قلهم ابغى وظيفه رح يوجهك على الفرع الرئيسي و هناك تعبي ورقه فيها معلوماتك و كذا و بعدين عندك مقابله شخصيه و بعدين تتوظف بس ترا اجرائاتهم بسيطه ماهي معقده راتب 4180 ريال بعد خصم التأمينات يعني صافي 4180 ريال شهريا و دوام 9 ساعات و يومين اجازه في الاسبوع

والله يا اخوك اذا تبي وظيفة مالك تسعى سعي لين تتعب و يتملك فيك اليئس و ترى والله كلام اللي يقولم نبي سعوديين انا وقت كنت اقدم قبل فترة تقطعت رجليني تقطيع من كثر الف والدوران امر على مستوصفات وامر على شركات ومؤسسات و الكل يقول نبي سعوديين اقولهم انا سعودي يقولون لك نبي خبرة طيب الخبرة كيف ممكن ننشأها من العدم ؟ الحمد لله توضفت الان في شركة مدير تسويق و شريت لي مزرعة اترزق منها والحمد لله على كل شيء .... قدم على هايبربندة ترى اعرف واحد قدم فيها ما قعد يومين الا وهم قابلينه

هايبر بنده فاشله و اغلب زبائنها يدورون المشاكل وحاسدين راعيها 
اللي يثبت كلامي هو أني اشتغلت فيها لمده شهر و١٨ يوم
دوام ٩ ساعات وبراتب ٢٧٥٠ ريال بعد خصم التأمينات غير الوقت الزائد في نهايه الدوام
عشان يعدون ويشيكون على صندوقك ويسجلون العجز و طبعا بالدور انت واللي معك
واحد واحد لانه جهاز واحد اللي مراقب المحاسبين كلهم و ما تقدر تدخل من واحد ثاني

قلت أبغى اعتمد وأتعلم واجيب مصروفي لكن للأسف قله حياء ونقص من الراتب عشان العجز
وتعامل بعض الزبائن سيء كأني أنا اللي رافع الأسعار أو بطريقه أصح كأني بأسرق 
نادر اللي تألقه فاهم وطيب ويتكلم بأسلوب ويحاول يضحك عشان تغير جو البيع والمحاسبة
فصلوني لأني أكثر من مره سجلو علي مخالفات وحطوها في الملف 

الواحد إذا اشتغل مو معناته انه بدون كرامه و خربان و ما يعرف للشغل و عادي تطقطق عليه
لا والله لاوقف اللي ما يستحي عند حده لو هي على قطع زرقي مثل ما صار 

b or not be روح لماك شغلهم كرف و تعب لاكن ما تحتك بزبائن يحطوك جوا و الراتب حلو و لمن تخلص دوامك 9 ساعات خلاص اترك اللي بيدك و امشي بيتك محد يكلمك