لومينا 2001 وش عيوبها

انحش عنها....راح تتعبكم عن تجربه

رأيي من رأي الشباب السيارة ما تصلح ابد

الناس تشرد وانت تدور للنشب

بالنسبة للصيانة اللي كلفت 12457 هو ماخذها من شخص كان موقفها فترة وعطاه إياها مستغني عنها
وهو المالك الأول للسيارة فصارت تحتاج تجديد كامل وأنا راكب معه الموتر كأنه وكالة ماشاء الله
فالموتر حاليا نظيف تماما لكن الكلام وش عيوب اللومينا هالموديل يعني العيوب العامة التي لا يمكن إصلاحها أو التعامل معها
--------------------------------------------------
فلذلك أرجوكم شباب عطوني رأيكم بالتفصيل ما تنفع من أي ناحية ؟ بالضبط ما أبي كلام عام رجاءا :)
أيضا لو هي ماتنفع أبد وش تقترحون لأخوي موتر ما يكلف تصليح وغيره بـحدود 10-13
لأنه حيكون طالب جامعي كما ذكرت لكم

انحش 
اول البهذله حراره 

اشتر له اكسنت 2005 افضل ولا تطفى عليك او ترتفع حرارتها مثل اللومينا 

أشوفكم كلكم تقولون حرارة طيب في عيوب ثانية متأصلة في السيارة ؟
-------------
ما ينفع له آكسنت يبي له شي قيره توماتيك لأنه عليمي مثل ما قلت لك من زمان نحاول فيه يتعلم يسوق
بس الظاهر ما يبينا نوصيه بشي ههههههههه
عاد الحين إنجبر وصعبة عليه العادي في زحمات الرياض

يفضل انك تاخذ موديل اعلى

لان 2002 هذا الجيل الاول من اللومينا هولدن قبلها كانت شفروليه ومن 2000 صارت تتصنع في شركة تابعة لجنرال موتورز وشيفروليه تابعة لجنرال موتورز

فـ يفضل الشكل حق 2003 - 2006 افضل بكثير

بصراحة لومـــينا 2002 كلها عيوب

والله ياخوي من واقع تجربة حنا معنا وحدة 2002 صراحة والله السيارة ما عليها كلام والله انها اللي معنا حمار مكدة مكرووووفة وحالة امها حالة وما شاء الله ماشية بس حنا عندنا مشكلة انها تطفي بس صراحة اللي عندنا انكرفت بس دام اللي بتاخذها لخوك على قولتك نظيفة خلاص افحصها واذا طلعت سليمة توكل على الله وخذها والله انها تصلح للكد ومبرووووك مقدما

لو اخوك بيدعس بيها بتنعدم معه لاكن لو انه هادي بتعيش معاه اللومينا اكرفها تكرفك دلعها تدلعك :)

يفضل انك تاخذ موديل اعلى

لان 2002 هذا الجيل الاول من اللومينا هولدن قبلها كانت شفروليه ومن 2000 صارت تتصنع في شركة تابعة لجنرال موتورز وشيفروليه تابعة لجنرال موتورز

فـ يفضل الشكل حق 2003 - 2006 افضل بكثير بصراحة
--------------------------------------------------
والله أنا ماجات في بالي اللومينا كلها بس دامها حقت خويي وضامن نظافتها يعني حتى أنا هنا أسأل عن العيوب في نفس اللومينا
ولا السيارة سليمة 100% ولا ودي آخذ موتر من شخص ما أعرفه ويطلع فيه خرابات هذا أقله عارف وش فيه
وبالنسبة للموديلات اللي نصحتني فيها والله إنها كويسة حتى شكلها أفضل بس المشكلة وين تلقى النظيف مثل هذا
_______________________________________________
لومـــينا 2002 كلها عيوب
-----------------------------------
وش العيوب طيب ما أبي كلام عام ؟!
_______________________________________________
والله ياخوي من واقع تجربة حنا معنا وحدة 2002 صراحة والله السيارة ما عليها كلام والله انها اللي معنا حمار مكدة مكرووووفة وحالة امها حالة وما شاء الله ماشية بس حنا عندنا مشكلة انها تطفي بس صراحة اللي عندنا انكرفت بس دام اللي بتاخذها لخوك على قولتك نظيفة خلاص افحصها واذا طلعت سليمة توكل على الله وخذها والله انها تصلح للكد ومبرووووك مقدما
-------------------------------------------------------------------------------
هي سليمة 100% ماشاء الله ومفحوصة كمبيوتر القير والمكينة سليمة والمكينة جديدة ما كملت شهرين حتى
بس دامك راعي تجربة عكس البقية وش المشاكل اللي ممكن يواجهها وهل قطعها غالية وتخرب بسرعة
لأن مثل ما ذكرت هل بتصير لطالب ومكافأته ما راح تقدر تسد خرابات المواتر

حبيبي كل السيارات واحده بس شف الي بمزاجك والي تبيها والسيارات بكل امواعها تدلعها تدلعك والسلام ختام