ماهو افضل محل للتوضيب الاميريكي

المعروف انك تشتري مكينه بس لاحض لازم تكون راكبه في السياره قبل ما تفكها وتشوف زيتها محترق والا نضيف 
والا لو تشوف ورشه حلوه ووضب عنده وتشتري قطعها وكاله تكون ضامنها احسن من انك تاخذ مكينه جاهزه وما تدري يمكن هم وضبوها بقطع تجاريه وشغل اي كلام 
تجلس معك حق ابو 6 شهور وتخرب

انصح اخوي انك توظبها توظيب كامل وقطع اصلي ب اهم شي يكون القطع اصليه وابعد عن المكينة اللي في التشاليح ولد عمي كم مرة غير مكينة يمكن 4 مرات بصراحة انصحك توظبها احسن

اهاا يعني ما تنصحوني بي مكينه ثانيه من التشليح لاني رحت شوفتها امس بس باقي اشتريها واصحابي يقولولي وضب مكينتك احسلك فا والله احترت بين الاثنين بس وين في محل توضيب بجده يفهم بل امريكي

التوضيب افضل اذا شغل الوؤرشه محترم

وضب افضل اهم شي تكوون القطع اصلية GM اهم شي يعطونك ضمااان

 لان اكثر مكاين LS1 بالتشليح معدوومه او موضبه توضيب بقطع تجارية 

تمام يعني توضيب احسن

جزاكم الله خيرا كلكم

وضب مكينتك ﻻنها أول توضيبه وتأكد كم مقاس مسح الراس وودها عند واحد فنان حتى لو زيادة فلوس ويكون شغال في الأمريكي

0503680103 ..سالم .ان شاء الله يفيدك وثقة

والله التوضيب افضل بشرط تضمن شغل الورشه وذمتها
انت ماراح توقف على رؤوسهم وتشوف هل القطع اللي جبتها كلها ركبت
لكن لو معروفين وشغلهم ثقه فـ انا رأيي من رأي الشباب وضب لك وللزمن وتعرف اايش حاط في مكينتك
او شوف لك احد فاهم وروحوا التشليح شوف لك شي نظيف اهم شي مو موضب او المكينه مفتوحه قبل
مشكلة مكائن الـ LS1 ماتحصلها بسهوله اون حصلتها قليل تلاقي نظيف

اهااا تمام الله يعطيك العافيه

امممم والله يا ابراهيم انا رحت التشليح صراحه فيه النظيف وفيه المكروف كل واحد بسعره .. بس انشاء الله حشتري شي نظيف واكيد ضمان وبي موافقه من الميكانيكي طبعا وباخذها وشكرا لك على الافاده

ابراهيم التركي
لو مكينه غير مكائن ls معقول كلامك
لكن مكائن ls1 خصوصاً ماتلقى نظيف هذا اولاً بحكم استخدامها شبابي بحت
ثانياً لو فيه شي نظيف ماتركوه اهل الترهيم
انا وقفت بنفسي على مكائن ls1 النظيف يوصلونها اصحاب التشاليح اسعار ls3
والمصيبه مطلوبه لو ترجع بعد كم يوم ما تحصلها راحت بالسعر الخرافي
لذلك اغلب اصحاب الترهيم والمستخدمين كذلك يآخذون مكينه اي كلام رخيصه وسعر معقول يوضبها
قطع اصلي وشغل صح ويشدها على سيارته سواءً بلد او لغرض الترهيم

الشي الآخر الله يسلمك انا عاملت تشاليح الرياض وماجاورها وتشاليح الشرقيه وبريده
محد يعطيك ضمان شهرين بتشليح لو تآخذ سيارة كامله وشغاله ما يعطونك شهرين
اذا غلبت الروم زين اذا اعطاك 10 ايام

اهاا يعني قصدك توضيب احسن ؟

الله يكون بعونك الكابرس الجديد من ألفين وفوق مخيس وحرام تحط فيه ريال

توضيب بيكلفك 7 الاف خذ مستعمل من سياره ال اس او ال تي زد تلقاها استخدام شايب وخذ عليها ضمان من التشليح اسأل مجرب 

افضل تشتري تشليح لنه المكاين الجديده المنيوم والخرط مايجي تمام فيها توضب وتدفع فوق 8 الاف ريال واخرتها تمشيك فتره وتحصلها اما تنقص زيت او تشيب راسك الحراره افضل خذ مستعمل او مستورده عندك شبك المطار 

انشاء الله

عندي كابريس 2006اس اس مكينه فيها صرفيه وش تنصحوني فيه يا أهل الخبره مع ان الكابريس معي زي الحلاوه بس فيه صرفيه ويطلع زي الدخان مع الدعسه.