أضف سؤال أو موضوع جديد          

الكآبرس واللومينا .. الحقيقة الكاملة هنا

up 18 down 15
sultan-q 468
قبل 5 سنه و 9 شهر



سلام عليكم ورحمة الله وبركاته ,

وضع احد الاخوان موضوع نسخ ولصق من المنتديات مع العلم ان هذا الموضوع نفسه قاريه قبل سنواااات

يعني لا تلوموه هو وانا ما الومه لانه ما قري الموضوع اصلا بس نسخ ولصق وانا متاكد انه من احد الي يكرهون اللومينا والكابرس بسبب المقاومات وكذا فهمتوا كيف

لا ولا المصيبة انه كاتب ردود فعل اصحاب الكوابرس واللومينات عن سياراتهم , وانا مدري من هم هذول الناس وانا اقدر احلف انه ماحد قال هالكلام لكن على كل حال


اولا : قال ان السيارة غير ثابتة في المنعطفات

والكل يعرف ان بـ هالسيارة تراكشن ثابت وعلى احد قد اشتكى منه او قال سيارتي انقلبت وانا الف او سيارتي انحذفت وانا في منعطف يعني تأليف واضح

وتكلم عن الفرامل ولا ادري انا لي 6 شهور ما قريت احد اشتكى منها

وتكلم عن الامان وهو ما يدري كم ايرباق فيها وتراكشن وكل انظمة الامان موجودة

وضعف الجودة في موديل 2000 - 2003 اول شكل اما ما فوق تحسن بشكل كبير والكل يشهد والدليل انتشارها

قطع الغيار والصيانة فأنا اتحداه يصور ورقة فيها الاسعار الي قالها وهذا يدل انه كلام فاضي لكن انا اقدر اصور له ورقة فيها قيمة اسطبين مو اسطب واحد بـ 180 ريـال

اما الوكيل فمعروف ان وكلاء السيارات كلهم سيئين سواء عبد اللطيف جميل او حسين رضا او غيره لكن الجميح من افضل السيئين وكذلك التوكيلات العالمية

سعرها بعد البيع يطيح امر طبيعي بسبب الشريطية الي يرفعون سعر التويوتا ويخفضون اسعار بقية السيارات , وعندك اقرب مثال التشارجر سعره يطيح ليش ما قلت هالكلام ؟ او التيما ؟ او ماكسيما ؟ او غيرها من السيارات ؟



اما اكثر شي ضحكني الكلام الي كاتبه يوم يقول شوفوا وش صار مع لومينتي العزيزة وحاط امثلة تحت ي حبيبي جيب لي الي يقولون هالكلام جيبهم وخلهم يفتحون موضوع كامل بنفسهم ويكتبون هالكلام ! ولا نسخ ولصق ي حبيبي ترى كلنا نعرف ننسخ ونلصق ونكذب :)

اما بالنسبة لشعار هولدن وتقول ان الشركة كذبت علينا , ابيك تدخل موقع السيارات ادخل مواضيع عام 2000 و 2001 عن اللومينا والكابرس راح تلقى الجميع يعرف ان الشركة تم تغيير تصنيعها الى استراليا وهالخبر معروف ونشرته الشركة في الصحف يعني مو شيء سري

وترى سيارات الاوريون تنزل في ماليزيا باسم كامري ! والاوريون تنزل بإسم شركة سوبارو في تايلند !
لكن والله انك ما تدري وش السالفة بس ناسخ ولاصق

------------------------------------------------------------------------------------------

سعر الكابرس واللومينا لو نقارنه ببقية السيارات ارخص بكثير على سبيل المثال

اكورد 6 سلندر بـ 130 الف , كابرس 8 سلندر مكينة 6.0 لتر بـ 108 الف
تشارجر 6 سلندر نص فل بـ 110 الف , كابرس 8 سلندر مكينة 6.0 لتر بـ 108 الف
اوريون 6 سلندر بـ 112 الف , كابرس 8 سلندر مكينة 6.0 لتر بـ 108 الف

وغيرها من السيارات طبعا ويكفيك وساعة الكابرس وقوته

الشاهد : اللومينا من اقدم شكل الى اجدد شكل وهي موجودة في امريكا ! ولا تبون تقولولي ان امريكا تدخلها سيارات غير آمنة او سيارات جودتها ضعيفة ! ما تعرفون ان اي خلل بالسيارة على طول استدعاء للسيارات من الوكالة وصيانتها مجاني ! وهذي صور اللومينا بامريكا











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المثل يقول اسأل مجرب ولا تسأل طبيب 
اسأل واحد معه لومينا ولا تسأل واحد معه تايوتا ويتفلسف 
الموتر عز وعزم وراسي وامان ياربي لك الحمد مب مثل التايوتا الكراتين 
لا جاها حادث مع قدام الشنطه مع ورا تتتعفط وكل البدي يتعفط 
والموتر قطع امريكي تجميع استرالي واللي يقول انه خرابات 
انا معي لومينا ورب الكعبة زي الورده ماتطلب شي 
صدق المثل اللي يقول " اللي مايطول الشفر خرابات عنه يقول " 


up 0 down 0
quake
قبل 5 سنه و 6 شهر



هههههههههههههههه حلو  المثل 

طيب الشفر من ارخص السيارات في المعارض في احد مايطوله 


up 0 down 0
ابو حية 12
قبل 5 سنه و 6 شهر