لمبة الإيرباق لـ الـتآهو ..

انا متحير من الصوره ! 
اللي قالك افصل البطاريه صادق 
افصل اي اصبع وخله ربع ساعه وارجع اشبكه وإن شاء الله تظبط معاك

حياك أبو يزيد

بالنسبة للصورة هذي لموتري القديم يوكن 2001

ماقصرت ياغالي و بـ إنتظار الشباب

هذي حصلت لـ 2 من اخوياي 
واحد اكل مطب والثاني حفره وطلعت لمبة الارباق عندهم حاول تسوي برمجه للسياره بأقرب وقت 
اذا طولت ماصلحتها يفصل البوري معك ومع الوقت تطفي الانوار اللي عند الدركسون
واثنينهم اخوياي لا يدقون بواري ولا تشتغل الانوار عندهم حقت الدركسون طبعا بعد مرور وقت على الحفره
وسياراتهم سوناتا 2012
بس التاهو ماني متأكد منه بس على مااظن الحل ياتفصل البطاريه ربع ساعه وتشبكه ولا عندك الاخير اللي هو برمجة 

قلتها قبل السيارات الامريكيه حساسه اكثر من اليابانيه السيارات


جرب اعادة البرمجه مثل ماقالو الشباب فصل البطاريه وترجع تشبكها بعد فتره


اذا ماراحت المشكله حتى مع البرمجه فمراكز الصيانه يمكن عندك حساس التمس او تحرك بسبب مطباتنا الاوروبيه

المشكله ان السيارات الامريكيه مسدحين الحساسات امام الصدام الامامي والمشكله ان الصدامات واجده تنطق

يقول لي واحد كان فيه واحد يبي يعدل صدامه ومعه موتر امريكي وجاب شاكوش وطق الصدام وما درى الا والارباك طلع *_*
يا ولد وش القصه *_* ههههههههههخخخ

اما السيارات اليابانيه فحساسات الارباك مسدحينها في الشاص يعني اذا انصدم الموتر وما وصل الشاص ما تطلع الارباكات

واختلف علماء المواتر في مثل هذه المساله المستتبه ههههههههههههخخخخ

احس اني شطحت عن راعي الموضوع هههههههه

شوف يالطيب
يقولون في شريحه داخل الطاره يسمونها شريحه الارباك سعر حدود 200 ريال تنباع في اي محل قطع الغيار

يقولون وما اكثر الي يقولون

انك لو غيرت هذه الشريحه بالشريحه القديمه تنطفي لمبه الارباك

واختلف علماء المواتر في مثل هذه المسالة المستتبه هههههههههخخ

وعليكم السلام ورحمه الله وبركاته

اعاده التهيئه او البرمجه
تكون فصل اصبع البطاريه السالب لمده لا تقل عن 40 دقيقه ::::::
( لو ماتغير شي)

شيك على افياش او حساسات الايرباق ممكن طلعت من مكانها تحصلها بالتاهو تحت المراتب
ايضاً يوجد حساس بوسط الدركسيون بنفس البوري
ولو تأثرت واجهه السيارة اثناء الاقلاع والهبوط ( كيف الاقلاع والهبوط ) هههههههه
اقصد لما اكلت المطب وصلت الضربه للصدام مثلاً شيك على الحساس الرئيسي مثل ما ذكر الاخ المشيقح
بالعاده يكون بالجسر الامامي
ولو طلعت لك رساله داخل الشاشه الرئيسيه شف الفيوز داخل الكبوت
والحمد لله على السلامه

أبو راكان الحمد لله الصدام ماتأثر ولا اللحيه ( الكت الاسود )

وطلعت لي رساله مكتوب ( سيفرس ايرباق )

حتى لو ما اكلت المطب انا متأكد أنها بتطلع لك بدونه 

غير الحساس