9 الاف وش تجيب لي موتر

إبعد عن الأفيو و الأوبترا نصيحة أخ إذا ما تبغى تتبهذل بالورش !!!!!!!! شف لو تقدر تزود فلوسك و تخليها 13 أو 14 وتاخذ لك

إكسنت 2006 الشكل اللي قبل الجديد اللحين , سيارة ممتازة و عملية , و أنا مُحدثك كانت معاي لمدة سنتين زيت و بنزين بس ما

غيرت الفحمات و السير حق المكينة إلا مرة وحدة !!!! و مع إن إستخدامي لها كرف و مشاويري واجدة و مع ذلك ما شفت منها إلا

كل خير , 9 آلاف تجيب لك إكسنت 2003 أو 2004 بس راح تدفع عليها و تصلح و تلاقي نفسك دفعت 13 أو حتى 15 لذلك

أنا أنصحك تدفع 13 أو 14 مرة وحدة و ترتاح تاخذ لك زي ما قلت إكسنت نظيفة 2006 و يمكن تلقى 2007 ب 15 بعد , موفق

يعطيك العافيه اخوي 

اخوي عبدالله الابراهيم خابر سيارة اكسنت 2006 نظيفه بسعر الللي قلت

أخوي عبود لا ما أخبر بس أنا بعت قبل فترة سيارتي 2006 ما مشت إلا 130 ألف بهالسعر أو حوله شوي و السوق ترا فيه أشكال

وألوان من أنواع السيارات !!!!! و إذا قصدك تحجرً لي بكلامك عطني 14 ألف و أجيب لك إكسنت 2006 نظيفة محركاتها و عضلاتها

وإذا زاد بالسعر فالفرق علي , راسلني بالخاص لو كنت جاد !!! أما إذا تبي تطقطق فروح شغل قيمزر ولا إشتر لك ميني آيباد تونس به.

عبدالله صلي على النبي اتوقع 99% انه يبي وحده و يسألك اذا تعرف احد يبي يبيع بسعر ذا ماهي سالفة تحجير ولا شي اتوقع انه يبي يعرف اذا تعرف وحده نظيفه و كذا

أخوي شادو مصلي على النبي و ذاكر الله و لله الحمد , بس ما أحب إن أحد يكذبني و يسوي فهلوي علي !!!!! أنا ما قلت إلا الحق وإذا

هو ما يعرف بأسعار السيارات يستشير الفاهمين و العارفين , ترا مو عيب الواحد يسأل !!! و بعدين طريقته بالسؤال كأنه يكذبني أو

مو مصدق كلامي , و لا همني هو ولا غيره , و إذا هو مثل ما قلت يبي إكسنت 2006 ب 14 ألف أنا مستعد أجيب له شي نظيف

و أتمنى إنه يراسلني على الخاص لو كان جاد , بالتوفيق للجميع .

كابرس لومينا 2001 2000 

اخوي مثل مانصحك الغالي عبدالله صالح الابراهيم اكسنت والله تشد فيها ظهرك وخذ النظيف وتعيش ملك اما تاخذها على رخيص تتعبك بالورش وحتقتلك