لمبة حساسات ضغط الهواء

وعليكم السلام
شف اخوي انا عندي فورد وغيرت الكفرات وبهذلتني لمبة الحساس حتى ضبطت رح للبنشري وخذ الساعه واوزن الكفرات كلها نفس المقاس واذا ماراحت افصل البطارية ربع ساعة ورجعها وان شاء الله تروح

لها طريقتين اخوي 
الاولي بجهاز وهاذي تكون عن طريق مركز صيانة 
الثانية تسويها انت في اقرب بنشر 
اول شي تضغط زر الفتح والقفل في الريموت مع بعض الى ان تسمع نغمة البوري ويعطيك في الطبلون تم تنشيط وحدة الاطارات 
بعد كذا تاخذ لي الهواء وتعبي الكفرات وتبدأ من الكفر الامامي اليسار الى ان تسمع البوري وتتجه للكفر الي بعده امامي يمين ونفس الشغله الى ان تسمع نغمة البوري 
وبعده الخلفي يمين واخيراً خلفي يسار وكل كفر تعبيه لازم يدق معاك البوري 
اتجاهك يكون مع عقارب الساعه 

هاذي الطريقة خاصه بسيارات جنرال موتورز الجمس صالون او حوض يوكون تاهو والاسكاليد
 

^^^^^
نعم طريقتك هي لإعاده برمجه حساسات الكفرات تنفع لمديلات 2007 وفوق
والافضل قبل البدء تنزل هواء الكفرات إلى 20 مثلاً بعدين تبدأ بزياده الهواء
مع الطريقه اللي ذكرها الاخ For Speed

اما من 2006 وتحت لها طريقه اخرى مشابهه والاختلاف في البدايه فقط
تشغيل السيارة ومن ثم قم بتشغيل انوار السيارة واطفائها بحركة سريعة ثلاث مرات
اوحتي تسمع صوت المنبة ( البوري )

في امان الله

الله يحرم وجيهكم عن النار ... شكراً