أضف سؤال أو موضوع جديد          

مشكلة في تشغيل التاهو وحلها

up 4 down 0
ابوخلوودي1 5070
قبل 8 سنه و 11 شهر



السلام عليكم ورحمة الله 

اسعد الله اوقاتكم بكل خير

فيه احد الاخوان وهو العضو ( wert_0979) عرض مشكله في تشغيل التاهو على الموقع وحبيت انقلها للمنتدى للفائده

المشكــــــــــــــــــــــــــــــــــــــــــــــله
السلام عليكم 
يا شباب عندي مشكلة ما لقيت لها حل
التاهو 2007 سعودي 
طفيه بالليل بالوضع الطبيعي 
وباليوم الثاني   عيا  يشغل 




لما ادخل المفتاح يشتغلن لمبات الطابلون بس ما يدق
شرح ادق 
بعد فتح الدقمة تولع اللمبات ولايدق العلم ان عدادات البنزين والبطارية لا تتحرك




فحصته كمبيوتر وكل شي تمام 
وسويت له برمجة
الطرمبة وفلتر البنزين جدد 
تكفون الي عنده حل لا يبخل علينا.


وهذا هو الحل من صاحب السيارة
الله يعطيكم العافيهـ يا شباب
الخلل كان من الرسيفر الي تحت دعسة البريك
غيرته واشتغل التاهو.

مع اجمل تحياتي

اخوكم ابو خلودي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غريبة ما تسويه.هذه السيارة
تغير ريسفر وتشتغل ؟؟!!!

ممكن تفيدنا اكثر وين مكانه وكم سعره و كيف شكله ؟


والغريب في الامر انها ماشتغلت بعد ما طفاها بطريقة صحيحة

انا اذكر مشكلة صارت لي في الكروز وهي جيت بشغل السيارة الصباح بروح للعمل ما اشتغلت وسوت اشياء غريبة ادق سلف الشنة تفتح ادق سلف تضرب بوري من حالها وكل مادقيت السلف يا تفتح شنة يا تقفل الابواب و لاتضرب بوري هلوست يومها وقلت في نفسي كل شيء شغال وش المشكلة ؟؟؟ !!

ركبت سيارتي الثانية رحت للدوام ورجعت فتحت الكبوت و سويت لها اشتراك بالبطارية واشتغلت واروح اقرب محل قطع غيار ابي اشتري بطارية وينصحني صاحب المحل اني اوديها وكالتها الجميح طلعت المشكلة من البطارية وتحديث نظام البرنامج الخاص بالسيارة


واحد من الشغالين في الجميح قال لي ان النظام لازم يتحدث لجميع سيارات الشفر من فترة.لاخرى مو غريب هذا الامر شركة معروف مثل جي.ام تفعل مثل كذا خسارت جهد ومال وكل.حل المشاكل بسيطة


up 1 down 0
كروز_وبس 1042
قبل 8 سنه و 11 شهر



هلا اخوي كروز والله ما ادري وين محله بالضبط لكن هذا رقم الاعلان 2307808 ممكن تستفسر من صاحب المشكله 
ولايك


up 0 down 0
ابوخلوودي1 5070
قبل 8 سنه و 11 شهر



شباب انا مقطوع في سفر معي تاهو 2007 افتح السلف بعض الكهربا تجي والبعض مو شغاله والريموت مايشتغل وادق سلف مافي فايده حاولت في الفيوزات والقطع الي تقولون عليها خلف البريك بدون فايده 
ارجو الي عنده علم يفيدني


up 0 down 0
عجلان2000
قبل 4 سنه و 5 شهر



تأكدت من البطارية


up 0 down 0
ابوخلوودي1 5070
قبل 4 سنه و 5 شهر



السلام عليكم
امس عطيت مفتاح السوبربان سواقي الجديد الخبل وعندي مشكلة في سستة عصا القير .. عشان تطلع المفتاح لازم تقدم عصا القير لأن مافيه سستة ترجعه للخلف
ووضحت الأمر للخبل السواق
اليوم الصبح جاني يقول السيارة ما تشتغل !!!!!!!!!!! طير نافوخي الله لا يرده
رحت اتأكد لقيته الحيوان ما رجع عصا القير للخلف قام نتر المفتاح بقوه وطلعه من السويتش
صار السويتش شغال من امس بالليل لين الصبح
طبعا التجربة الي بسويها حاليا بعد ما اطلع من الدوام بجرب اشحن البطارية احتمال خلصت بسبب ان السويتش على وضع التشغيل من امس
واذا ما زبط هالحل ! عاد الله يعين مدري وش اسوي .. لكن برب سالفة الرسيفر الي قال عنه الأخ .

دعواتك وتحياتي


up 1 down 0
رحـ العاصفة ـيل 102
قبل 3 سنه و 6 شهر



حاول ترجع المفتاح بالسويتش وتشغله وبالنسبة للسسته لابد تغييرها ضروري هالسواقين ما همهم السيارات ولا عندهم اي خبرة الا ما ندر لكن الله يعينك وييسر امرك


up 0 down 0
ابوخلوودي1 5070
قبل 3 سنه و 6 شهر



مشكلتي طلعت بسيطة !
بما ان عصى القير مفلوته بسبب السبرنج الداخلي منكسر، السواق ترك عصى القير لجهة الدركسيون يعني عصى القير بدون سبرنج يرجعه للخلف معناته المفتاح ماراح يطلع الا اذا رجعت عصى القير للخلف
لذلك حاول انه يطلع المفتاح بس من غبائه ما رجع عصى القير للخلف عشان المفتاح يطلع
قام معط المفتاح وهو في وضع تشغيل السويتش
في اليوم الثاني تفرقغت البطارية لأن السويتش شغال طول الليل

سويت اشتراك واشتغلمافيه اي مشاكل والحمدلله
حبيت انقل لكم الموضوع لفائدة وأهمية السبرنج بداخل عصى القير ..



up 0 down 1
رحـ العاصفة ـيل 102
قبل 3 سنه و 6 شهر