مشكله كابرس .. وش الحل

شيكت على سياره؟
شيك على قطع استهلاكيه , يمكن اسلاك او بواجي .

حبيبي تشم ريحة كربون 
وهل تشيك انجن تولع عندك

^^
طيب انا عندي ريحه كربون ولمبه مولعه وش تتوقع؟

طيب هل السياره تقطع او تفتف ؟؟ وهي اللمبة والريحة طلعو بنفس الوقت لان مو شرط يكون فيه علاقه

اخوي الطقطقة ما دخلها في مشكلة البنزين
اول شي قم بفحص البواجي و الكويلات ثانيا افحص فلتر البنزين ورثالثا افحص مضخة البنزين و هي على الاخلب المشكلة تكون منها
اي توضيح اخر راسلني على الخاص اخوك المهندس محمد والله يوفقك و سامحني على لهجتي

تسلمون جميعا لبى قلوبكم .. ايه تطلع ريحه بس مادري وش هي بالضبط وعلامه التشيك موجوده من زمان لاكن مشكله التقطيع جات لها شهر تقريبا بالنسبه للتقطيع بالعاده يكون بالظهر لانه حر .. اما الليل ماتقطلع ولا شي ،، المهندس محمد ماتقصر يالغالي ووياليت اللي عنده حل يطرحه بالعام من عشان العالم كلها تستفيد .. دمتم بود ،،

عندك مشكلة في حساس الهواء وانصحك تشيك عليه وغير البواجي يمكن تكون منها

يعطيك العافيه اخويtapp  .. ننتظر باقي الاراء من الشباب ،،

دام به ريحة وبالظهر بس هذي طرمبه طال عمرك

^^
طيب انا عندي كابرس ويتفتف لما يسخن وبالظهريه تزيد معد يمشي وطلع كويلات وحساسين اوكسجين (حساس شكمان) , مو شرط طرمبه افحص وويبين معك يبي لها شويه خبره وتحل موضوع , بس حسب ما كتبت اتوقع اسلاك بواجي وانت شيك بشكل عام على موتر ويوضح معك , بسيطه .

الله يحرم وجيهكم على النار وجميع المسلمين .. راح اسوي اللي كتبتوه لي .. وماقصرتوا عطيتوني من وقتكم بيض الله وجيهكم .. لايك للجميع 

احتمال كبير يكون من الكويلات

اخوي ابو ظافر المشكله صارت عندي والحل بسيييط جداً خذلك بخاخ acdelco ب ١٥ ريال سعره
وسوي بنفسك تنضيف الثروتل بس تحتاج احد يساعدك عشان يشغل ويدوس بنزين وانت ترش البخاخ كااامل وراح ينضف وتصفى السياره وتزول مشكلة التفتفه وبالنسبه لطريقة تنضيف لثروتل 
ادخل اليوتيوب واكتب تنضيف الثروتل والمقاطع كثيره عنها وسهله جداً جداً وخذ كلامي انا من واقع تجربه ولا تنسى 
ادعوووا لي جميعاً   وسيارتي طبعاً كابرس ٢٠٠٦ والحمدلله مافيه اي مشاكل المهم الاستخدام والتشييك بنفسك على السوائل والبخاخات والصفايه وبلف حراره وفيوز المراوح الاوتوماتيك الابيض و و و الخ
ومع الوقت راح تصير انت تفهم موترك وتعرف وش فيه ماعدا الامور اللي تحتاج الى فحص كمبيوتر 
وبالتوفيق للجميع >>> عـاشـق الشفر

الله يوفقك اخوي وماقصرت يالغالي ,, انا بروح اليوم ان شالله واجرب واخذ البخاخ وتتيسر الامور ,, مشكور كل شخص رد على موضوعي  الله لا يحرمكم الاجر ,, اشوفكم بكل صحه وعافيه ,,

راح من سنتين و١٠ شهور يجيب البخاخ وللحين مارجع !!!!!!!!؟؟؟؟؟؟؟؟؟