حرارة القير 100

كم ماشي على السيارة ؟ و هل قد غيرت زيت القير ؟ و هل إستخدامك (قاسي) مقاومات و درفت إلخ ... ؟

عداد السيارة 92 الف
غيرت زيت القير على 60 الف في الوكالة
لا استخدامي عادي جدا خط امشي 110 الى 120 على حسب سرعة الطريق

والله ياخوك أنا ما إستخدمت الكابرس أبداً بحياتي , بس نصيحة إذا تبي ترتاح إفحص كمبيوتر ب 100 ريال بس !!! أحسن ما يجيك كل شوي واحد يفتي من عنده , و إذا أنت بالرياض راسلني على الخاص أدلك على ورشة محترمة يشوفون وش مشكلة القير عندك .

وين الورشه هذي عطني رقمها الله يجزاك خير عندي مشكله في قير الموتر وودي اسئلهم عنها الله يعطيك العافيه

الورشة طال عمرك لمًا تروح صناعية الخليج و تجيك محلات قطع الغيار على يدك اليمين خذ يسار مع أول لفة و إمش 50 متر أو أكثر شوي تحصل على يدك اليسار ورشة مكتوب (متخصصين قير أوتوماتيك و هيدروليك) إسم المعلم (بابو) رح لمه و قل جايك من طرف (عبدالكريم الهندي) و إن شاء الله يتوصى فيك .

الله يعطيك العافيه ولكن مع الاسف انا من الدمام وحبيت اشرحله المشكله يمكن يفيدني بشي على شان كذا طلبت رقمه واعتذر من صاحب الموضوع ماودي اقلب موضوعه نقاشات حول مشاكل القير وبخصوصك ياغرك جمالك اذا عندك خلفيه عن مشاكل القير الاوتوماتيك راسلني بالخاص واكون شاكر لك 

ههههههههههههههههههههههههههههههههههههههههههه ويييييييييييييييييييييين انت وياه فحص وورشه وخرابيط تراه 2012 ههههههههههههههههههههههههههه
حبيبي حرارتك طبيعي الحد الاقصى 120 عندنا 2008 توصل 111 مع التدعيس وماشاء الله مابه الا العافيه

اخوي ابو راما اذا سيارتك كابريس او لومينا اطرح لك موضوع خاص وابشر بعزك

نصيحتي لك ركب مبرد قير كبير من ترايستار ب500ريال مع التركيب....
صحيح 2012 يجي فيها مبرد من الوكالة لكنه صغير وماينفع مع الحر هذا......

غريبه 2012 فيها مبردين قير   100 شكلك جالدها  عمومن  حراره القير خطيره 129  اذا وصلت 120  على طول وقفها 

 ورش ماء على رديتر ومبرد الي عند الشبك  وطفي سياره ووبعدها نص ساعه شغل مكيف علشان مبرد الي في رديتر مكيف يبرد الحين حنا في حر  حراره  قاهره  كل سيارات تحتر 

ايه هذي عوايد الشفر مثله مثل الشروكي واحد يقول 120 حراره طبيعيه والثاني يقول 120 على طول وقفها ههههههههههههههههههههههههه اختلف العلماء

إذا كانت الحرارة ترتفع أثناء الوقوف في الزحام وحرارة الجو فوق 45
وتنزل الحرارة مع المشي فهي طبيعية