بخصوص تمرين السياره الجديده

ماشاء الله الله يطعمك خيره ويكفيك شره
لو تسال الوكالة افضلك لان بيجيك كلام مختلف هنا وخذ العلم الاكيد من الوكالة
موفق

اولا مبروك عليك ويعطيك خيرها ويكفيك شرها


وبالنسبه للاستعمال عايدي شغل المكيف وامشي فيها عايدي بس اهم شي ممنوع الدعس الجامد يعني امشي على
مهلك والسرعه الى 120 او130 بس بدون جهد على السياره يعني اقل من راحت السياره امشي واول ماتكمل 1000 كيلو روح الصيانه غيار زيت وفلتر وتشييك السياره في الوكاله وبعد كذا كل 5000 كيلو صيانه دوريه مع غيار زيت وفلتر واستمر على كذا

أنا أتفق مع الأخ يوكن2008 لكن نصيحة خلي السرعة لا تتعدي الـ 70 او 80 مع الدعس التدريجي مو فجأة !

العبره من التمرين هو تعويد المكينه والمحركات الداخليه على المشي فهي جديده ومن الممكن عند قياده سياره جديده بسرعة كبيره وهي لم تتعود على ذلك التلف في وقتها بسبب كسر داخلي او بسبب حراره البساتم من السرعة العاليه لاكن بمجرد تعويد على السياره على سرعة معينه الى ممشى معين مثلا 70 لمدة 1000كيلو تحصل على اداء وعمر افضل وايضا لامانع من تشغيل المكيف او السخان لاكن لا ينصح بسحب سياره او تشغيل الدبل كما قرات في كتلوج لمدة 5000كيلو وايضا عليك بتصفح كتلوج سيارتك بدقه تكمل الفايده والله اعلم

السرعه :- 80 - 100

>>>>> المكيف لاينصح بتشغيله..>> 1000كيلو وشيك عليه بشرط تغيير الزيت ..

و>>>بعدها على التدريج حتى 5000كيلوا ..وبالتوفيق

السلام عليكم اخوي.. مششاء الله مبروك وموفق نصيحه امش عليه الى 1000 كيلو متر وبعدين شغل المكيف ولاتعدى 120

نفس كلام الأخوان الأمر بسيط

شرينا للوالد  BMW  730 iL 
2011 م 
فطمناها من أمها و لا شافت الوكالة من يوم شريناها . قطعت الآن حول 12 ألف كم .. مع الإستخدام الجائر .. و الحمد لله .

عني انا الموتر اول ما شريته مسكت به خط من المدينه ل الرياض بس  ماتعديت 120 و مشغل المكيف بعد و تخبر اجواءنا الباريسيه 
المهم ان الموتر والحمد لله صار له سنتين معي ما فيه اي شي ولله الحمد والحين ماشي 80000

السلام عليكم     مبروك الله يعطيك من خيرها ويكفيك شرها  
جميع السيارت  اعرف انها  قبل تطلع من المصنع يشغلونها ويفحصون كل شي ويوصلون  اقصى سرعه لسيارة كاتجربه  
وكثر سمعت نفس كلام الاخوان ماقصرو  يعني  لا تعدا الرسعه 120 على الطرق السريعه  والسياره ماقطعت الف كلم والباقي عادي 
من استخدام مكيف وغيرها 

الي اعرفه يا اخوي امش بالسياره بس لاتتعدا الـ80



كيلو وشيك الوكالة وبعدين كمل على كيلو





وما عليك من الي يقولون امش عادي هذا الكلام اكيد

اشكر جميع من رد على موضوعي وكان ودي اشكرككم واحد واحد ولكن اعذرونا

شوف اول شي مبروك مقدما وثااني شي انا اكلمك عن نفسي والي اشوفو صح حبيبي انتا بتاخذ سيارة قاعدة بالمصنع سنة او اقل ماتحركت يعني اول ماتستعملها خلي دعستك هادية .تدريجية .سرعتك بين 80 و100 كم . المكيف نصيحة مني
لاتشغلو الا بعد الف كيلو اذا وصلت الف وديها الشركة وبعدين افتح المكيف وخذ رااحتك
.واذا عندك اسءلة بعدين بعد 1000 يعني او اي نصيحة كلمني عالخاص ان شالله اقدر افيدك وتقبل مروري

مبروك الله يعطيك خيرها..اللي اعرفه ان اي سيارة ماتطلع من المصنع إلا بعد ماتجتاز إختبار ( مثل التمرين ) لإكتشاف أي خلل
يعني شركة لها سنين ماراح تضحي بسمعتها وتصدر أي شي خصوصاً انها على ضمانهم يعني على مسؤليتهم..
الاوفر لهم هم يتأكدون (اقصد ماراح ينتظرونك او ينتظروني نمرن لهم سياراتهم على الدائري مثلاً)
انا عن نفسي استخدم السيارة الجديدة بشكل طبيعي جداً عشان حتى لو فيه شي مثل عيب مصنعي يبين معي من بدري 
وأريح راسي من اول تشييكه في الوكالة...بإختصار لاتوسوس واستمتع بحلالك

المكيف لا تشغله



أتذكر واحد من العيال شاري اوبترا 2004م على أيامها جديدة


الوكالة فاصلين المكيف عنه وكان بعز الصيف وما قدر يداوم فيها بسبب الحر

صرنا نروح ونجي مع بعض الصبح بسيارتي
والعصر نروح ناخذ كم فرة ونمشي السيارة بشويش لين كملت 1000 كم رحنا للوكالة وشبكوا المكيف واحمد ربك الحين شتاء ما يحتاج مكيف وبالنسبه للسخان او الهيتر ما انصح به لانه يمرض انت البس زين والله الحافظ ان شاء الله

اول الله يبارك لك فيها ويعطيك خيرها ويكفيك شرها ,, وبالنسبة للتمرين يالغالي السيارات الجديدة كلها الآن تجي جاهزة لانه قبل تركيب الماكينة يتم اختبارها والتشييك عليها قبل ماتركب بواسطة اجهزة ولو هذا الشيء ضروري كان لقيت هذا الشيء في اول صفحة في كتالوج السيارة والشيء الثاني اللي موجود في كتالوجات السيارات بصفه عامة هي تسخين السيارة تدرون ان السيارة ما تحتاج تسخين اكثر من سبع ثواني 1 2 3 4 5 6 7 واتوكل على الله وهذا الشيء مكتوب في الكتيب الخاص بالسيارة سواء للياباني والامريكي والالماني وجميع السيارات الافضل دائما قراءة الكتيبات ترى اشياء كثيرة تستفيد منها حتى عدد علب الزيت للمحرك موجود كل شيء // اخوي اذا استلمت سيارتك توكل على الله من ساحة التسليم شغل المكيف واتوكل على الله وعاد السيارة جديدة مستحيل انك تقطع قلبها واسئل الله ان يبارك لك فيها ويبعد عنك وعنها عيال الحرام والحاسدين عليهم اللعنه <<< هلموا الى العشاء ههههههه دعابة دعابة بالبركة اخوووي وآسف ع الاطالة وتقبل مروري -