أضف سؤال أو موضوع جديد          

اسئلة عن استيراد المكائن من امريكا

up 0 down 0
exelero 67
قبل 8 سنه و 5 شهر




السلام عليكم ورحمة الله
مساكم الله بالخير يا رجال...

الموضوع :

اللي يعرف او عنده خلفية عن استيراد المكائن وتكلفة الجمارك من الخارج ياليت الإفادة لاهنتم

وغير كذا هل استيراد الـ 454 القديمة ممنوع ؟

عندنا هذي المكينة مثلا قيمتها 1500 دولار
فـ ما ادري كم ياخذون الجمارك عشان الواحد يحسب حسابها من بدري

تحياتي للجميع...








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مكاين الجمس القديمة توضيبها يحتاج ورقة من المرور شلون عاد الاستيراد

هالمعلومة سمعتها من احد الزملاء بالعمل من اهل الحسا وعنده ورشة بالمزرعة حقتهم

كذلك استيراد قطع الغيار لازم سجل تجاري وسمعت بعد انهم وقفوه نهائي لأن الوكالات تضررت من هالشي ,, لأني مريت تشاليح بالصناعية القديمة ندور مكينة كامري ولقيناها بحدود 8 الاف وقلنا ليه طار السعر قال خلاص وقفوا استيراد السيارات المقصوصة وقطع الغيار وهالقرار من وزارة التجارة


up 2 down 1
أبو ناصــر 1282
قبل 8 سنه و 5 شهر



الله لا يبارك فيهم   عقدونا في حياتنا كل شي منعوه
يعني كنهم يقولون اشتر من الوكاله ياك...


up 3 down 0
ابو - سالم 96
قبل 8 سنه و 5 شهر



اما مسئله ورقه من المرور عشان التوضيب ؟؟؟ ذي قويه بقوه اقوى شي بالحياه مر علي 
ياحبيبي دخل لو تبي مكينه تريله وش الي ممنوع تقدر تدخل مكينه 454 زي الاف 
اهم شي مايكون فيها مخدرات ههههههههه ياخي يدخلون مكاين 383 الي هي معدله من والى 
مابيدخلون لك مكينه جديده ؟؟ تدخل وكل القطع الي تبيها تدخل 


up 1 down 0
b1970 88
قبل 8 سنه و 5 شهر



اخوي b1970 سالفة التوضيب متأكد منها عن طريق الرجال

وبخصوص الاستيراد اتحداك تستورد او تجيب مكينه ددسن موب جمس شوف هالخبر من جريدة المدينة

http://www.al-madina.com/node/445646

خلااص قطع استهلاكية مستعملة وسيارات مقصوصة مستحيل تدخل ولا راح تدخل حتى لو معك سجل تجاري ,,

اول ماطبقوا القرار اصحاب السجلات التجارية اللي مسموح لهم بإستيراد اكثر من سيارتين كانوا يشترون السيارات المقصوصة ويدخلونها على انها سليمة ووبعدين يستفيدون من قطع الغيار من مكينة وقير الخ بعدين وقفوا لهم وقالوا لازم ورقة من هيئة المواصفات والمقاييس ..

لاتتكلم في شي ماتعرف عنه ,, خصوصا انك تقول اقوى شي مر علي روح اسأل وتأكد بعدين ادخل هنا واستحقر الردود على كيفك


up 1 down 0
أبو ناصــر 1282
قبل 8 سنه و 5 شهر



الله اكبر محد استحقركك يا اخوي ههههههههههههه خلاص انت صح اي واحد يبي يوضب مكينه 
يروح المرور يجيب ورقه اصلاح هههههههه 


up 1 down 1
b1970 88
قبل 8 سنه و 5 شهر



بالنسبه لتوضيب 454 مايحتاج ورقة مرور (من غير تجريح للشخص اللي ذكر الشيء هذا) , عندك ورش التزويد مافي احد قال لهم شيء مع انهم يوصلون بالتعديل فوق 1000 حصان , والشيء الثاني احنا في عام 2013 والناس تعلمت والتكنولوجيا غيرت زمننا , خلاص من اساطير مكاين 454 وال 502 ياعالم لو جمعنا الاثنتين ماوصلو 500 حصان , مكائن اشتهرت في زمانها وانتهت

وبالنسبه لاستيراد قطع الغيار الحكومة وضعت اشتراطات لا اكثر ولااقل, بس الناس فاهمين غلط وماينلامون لان تجار القطع بطلوا بسبب اخلالهم بالشروط ولفقوا الموضوع وقالوا قرار منع نهائي, القطع لازالت تستورد زي الحلاوه وفيه محلات لازالت تبيع , فيه شروط بس مايحضرني منها الا ان المستورد لازم يخرج جميع السوائل من القطع سواء زيوت المكينة والقير والدفرنس وغيرها وينظف المكينة ويغلفها وغيرها من الشروط

واللي عنده تسائل يخص الجمارك والقرارات عندكم موقع هيئة الجمارك اقرأوا فيه تلقون كل شيء موضح


اتمنى افدتكم بالشيء البسيط


up 2 down 0
فلوس مافيه 126
قبل 8 سنه و 4 شهر



والله ودي استورد ٣٥٠ الزرقا



up 0 down 0
ابو حنان ..
قبل 6 سنه و 3 شهر