سؤالك غريب
كيف تفحصها بنفسك وانت تقول كيف اعرف أنها نظيفة !! يعني ما تعرف 
بدون ماتسال أكيد روح عند مختص كمبيوتر وافحص 

ههههههههه اقصد وش الافضل اني افحصها بنفسي
ولا اوديها للورشه 

بالمختصر فحص الكمبيوتر دقيق ولا اخرطي

لا دقيق بس لا تروح عند بتوع المعارض دور على واحد مستقل بعيد عن المعارض لاني أخاف تقع في فخ الشريطية 

مكينته كلها ب 2500 ريال اهم شي شف تماسك الموتر ومطابته وبديه



بالتوفيق

وعليكم السلام ورحمة الله وبركاته 

اولا : المكينه 

امسكها مع خط وحاول انك تمشي على سرعات عاليه وركز على الحراره 

وبعدها وقف وشوف الشكمان هل يطلع منه دخان او لا وخل واحد يدعسلك بقوووه 

وانت واقف عند الشكمان 

ان كان طلع دخان ابيض يعني المكينه فيها بلى جلد بلوف او تبي توضيب على حسب

وان كان اسود بسيطه يعني تنظيف كلبليتر ان كانها كلبليتر 

يعني شغله بسيطه وعاديه 

وبعدين رح عند المكينه وافتح الغطا اللي تحط منه الزيت وحط يدك عليه 

من بعيد شوي وشف هل يطلع زيت او لا اذا طلع يعني المكينه ضعيفه وفيها شي 

وقبل لا تفتح اي شي امسك الخرطوش اللي طالع من الرديتر ان كان يابس او فيه ليونه

ان كان يابس بالحيييل يعني فيه حراره وفيه بلى 

اما اذا كان يابس بس ينضغط شوي فهذا طبيعي 

هذا بالنسبه للمكينه .................
:::::::::::::::::::::::::::::::::::::::::::::::::::::::::::::::::::::::::::::::
ثانيا : القير 

بعد امشلك  على خط واشخف عليه وركز على تبديلاته وشف هل يرج الموتر اذا دعست

او فيه تاخير في النمره او فيه حنه ما يقدر يبدل كذا يعني فيه شي

وحاول انك تمشي لفترة طويله شوي علشان تتاكد وعلى سرعات عاليه

وشف في اختلاف في الحراراه او لا 

هذا والله اعلم 

ومبروك مقدما واي استفسار او اي خدمه انا موجود 

والسلام عليكم 


 

انا اقول تفحصه بنفسك بالاول 
وتشوفه من تحت في حفرة زيت 
وتشوف المكينة

وتمغط به في طريق طويل تشوف عزمه وتغييرات القير والكتمة ان كان فيه كتمه ولا تقطيع 

اذا ما لاحظت عليه شي لا من ناحية حرارة ولا من ناحية تأخيرة تعشيق ولا من ناحية كتمه
توكل على الله 

هذا الاهم

اذا مره مره تبي تطمن وده عند ميكانيكي تعرفه وقله انفض لي الموتر 
هذا اذا كان الموتر رديف او انك ماخذه عشانك هاويه فقط وماهو موترك الاساسي
بالتوفيق

موب تأخذها على طول فحص كمبيوتر
منت بلاقي فلوسك لو خسرتها على الفحص
على سياره تعبانه
خذ الموتر وسوقها وجربه ودعس عليه وهو واقف
شوفه يدخن او لا بعدها عشق وامش شوف تعشيق
القير هل هو طبيعي او لا واسمع الدفرنس هل فيه صوت
تابع الحرارة شوف المكيف وزجاج الكهرباء كله شغال
الديكورات والمراتب اذا عجبك الموتر وده فحص كمبيوتر
وإذا ما عجبك ليه تفحص
وشكراً 

أعتقد الشباب ماقصروا معاك و"الساهر55" كفى ووفى

وياابو فهد المكاين الحين غليت امس ادور لي وحده على ٣٢٠٠ المجدد 
الله يكون في العون بسس

ابراهيم مين كذب عليك وقالك انها ماتنفحص ؟؟ معروف من ٨٩ الكابرس وفوق
تنفحص كمبيوتر .