أضف سؤال أو موضوع جديد          

وش رايكم في التاهو؟

up 6 down 0
mo7mmd alzhrani 18
قبل 6 سنه و 7 شهر



السلام عليكم ورحمة الله وبركاته.....
حابب اشتري موتر ورحت للشركات والوكالات تويوتا نيسان هونداي هوندا كيا ميتسوبيشي الجميح توكيلات الجزيرة وووو
المهم سويت دراسه للموضوع ولقيت السياره اللي ادور عليها وهي تاهو 2012 LT نص فل وبغيت مشورتكم كيف صرفية البنزين وكيف الجيربوكس والكهربه وانا اسمع ان فيه عيوب وكيف في الخط 
وسلامتكم 
انتظر ردودكم على استفساري وشكرا 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


آخوي محمد ـآلزهرآني  آبفيدك بـآلي ـآعرفه 
عندي تـــآهو من 3 ـآشهرر 
مسكة خطووط فيه بصرآآآحهـ وـآلله مررررريح ^_* 
ولآتسنى آلآستخـآره 



up 2 down 0
ابو عنـــــآإآز 658
قبل 6 سنه و 7 شهر



توكل على الله و خذه انا معي واحد موديل 2008 له معي سنة و أكثر و الحمد لله مريح جداً في الخط و رساوة و عزل ممتاز.
بالنسبة للمشاكل ولا في اي مشاكل في الكهرب او الجير و أشوف صرفية البنزين ممتازة بالنسبة لثمانية سلندر.
إستخير ثم توكل على الله و ربنا يعطيك خيره و يكفيك شره إن شاء الله.


up 2 down 0
abunwash 757
قبل 6 سنه و 7 شهر



التاهو بطل وناعم بالممشى "طبعا كل الشفر كذا" + "شفر للابد"

توكل على الله وجهه متميز وقوي وشبابي وعائلي بنفس الووقت رسااوة وممتع بالسواقه كثيييييييير 

الله يوفقك استخير يابعدي قبل كل شي





up 4 down 0
الجنرال2012 6587
قبل 6 سنه و 7 شهر



الله يعطيكم العافيه جميع والله يسعدكم ويسهل اموركم دنيا واخره انا زي ما قلت لكم بالاول رحت لجميع الوكالات استفسر عن العروض وحصلت عرض في الجميح عن طريق بنك الرياض وحسبوا ال LT 170000 دفعة 14000 والقسط 2500 وش تنصحوني فيه يا اخواني 
اللي حبيت استفسلر عنه كم تعبيته وهل هي 91 او 95 

والله يعطيكم الف عافيه على المشاركة 


up 0 down 0
mo7mmd alzhrani 18
قبل 6 سنه و 7 شهر



بالكاتالوج مكتوب تقدر تعبي 91 لكن أنا أعبي 95 أحس أنظف للماكينة و البخاخات بعدين أحس فل 95 يمشي معك أكثر من فل 91


up 5 down 2
abunwash 757
قبل 6 سنه و 7 شهر



هلا وغلا بكل من رد على استفساري والله يجعلكم ذخر ويسعد قلوبكم يارب 
نسيت استشيركم في الالوان وش افضل لون من واقع تجربه منكم وشكرا


up 0 down 0
mo7mmd alzhrani 18
قبل 6 سنه و 7 شهر



شوف المشكله الي صايره في تاهو هنا  الخوف يكون خلل  فني فيها  تابع الموضوع  في نفس المنتدى

ايرباقات طلعت كلها  مو واحد كلها طلعت 

وربنا يوفقك


up 1 down 2
sauditop 110
قبل 6 سنه و 7 شهر



السيارة ممتازة لكن انتبه وانا اخوك لاني رحت اطلع يوكن بنفس طريقتك ايجار منتهي بالتمليك ونفس البنك وبعد البحث وجدت ان طريقتهم حرام وفيها غش كبير لك تدفع التأمين ولوحصل شيء لاسمح الله هم يأخذونه ولو تأخرت في أي قسط سحبوا السيارة وربما الزموك بدفع كامل القيمة كاش من غير اي خصم والله انا مااحب احد يعكنن عليه وانا ناوي اشتري شيْ لكن حبيت انصح و(لو )ما هي دائما تفتح عمل الشيطان طبعا انا رحت ودبرت المبلغ كاش من البنك اقساط واسأل الله لك التوفيق واسأل وشوف


up 3 down 0
بكل امانة 17
قبل 6 سنه و 7 شهر



أنا مشتريه 2012 LT
ماشي الحين 15 الف
الموتر حلو .. تكييف صرف بنزين سعة وراحة
وواجهية أشوفها أجمل من اليوكون
عيوبه
وجهه نازل ..رحت عليه النفود ومغير يحك وجهه وضاق صدري
الإكسبديشن أفضل منه في ناحية سفط المراتب
الأمر الغريب ان وزنه أخف من اليوكون بمراحل
موتري 2450 كجم
يوكون 3650 كجم تقريبا
وكلهن 2012
هالشي غريب فعلا معقولة هالفرق الكبير ؟



up 1 down 1
جارح حراج 229
قبل 6 سنه و 7 شهر



بالنسبة للون الأمر يعتمد على الأذواق
بالنسبة لي أخذت فضي ومستحيل آخذ أسود أو لون غامق
وتمنيت لو اني مشتري أبيض وفاك أزياقه ياسلااام روعة منظره يطلع
أو ذهبي حتى الذهبي منه جميل



up 1 down 0
جارح حراج 229
قبل 6 سنه و 7 شهر



تسلمووون على كل هالردود ونصيحتك ياخوي على العين والراس لكن انا شفت عرض البنك وهو الافضل 170000 كامل وشامل 
ودفعه 14000 والقسط 2560 بدون مصاريف اصدار عقد والتامين عليهم 
وسلامتك لا عدمناك


up 0 down 0
mo7mmd alzhrani 18
قبل 6 سنه و 6 شهر



السلام عليكم ورحمة الله عندي تاهو 2011 بقول ما حصل معي بالتفصيل والله لا يوفقني اذا قلت شي ما صار  
من ناحية الراحه انا لا اختلف فيه من افضل الي السيارات الي امتلكها من الراحه الا وهي كابرس 2006ولاندكروزر 2013 هاذى بالاول 
ثانيا اول ما شريت السياره كان فيه طقه وصوت في الدركسون رحت للوكاله وقالو فيها الدوده فيها شطب وبنغيرها على حسابنا وتغيرت ولله الحمد بعدها بشعر تقريبا صار المكيف ما يبرد يطلع منه ريحه كريهه وخاصه اوقات الغبار والخلفي ما يبرد هواء بس رجعت للوكاله الجميح قالو المروحه الخلفيه خربانه ما تسحب هواء بنغيرها على الضمان والكنبرسر يثلج ويحتر يفصل دقيقه قالو نسوي له تنظيف قلنا ان شاء الله انها اخر الاحزان المهم بعد سنه من الاستخدام لما اشغل السياره عن بعد تضعف التشغيله ثم يقوى رجعت للوكاله قالو لازم السياره توقف عندنا وبعد ثلاث ايام قالو طبيعيه جدا وكل السيارات كذا بعدها بشهر يا طويلين الاعمار صار القير ما يبدل رجعت للوكاله قالو ما فيه شي وانا احس في التغير الواضح وانا في مشوار لزيارة احد اقاربي طفي الموتر فجاءه وصار فيه رجه واشتغلت كل لمبات الطبلون خفت منه ونقلته سطحه للوكاله بعد ما جلس عندهم اسبوعين قالو غيرنا له حساسات وكل شي طبيعي طلعته بعدها بثلاث ايام رجعت نفس المشكه استشرت الزملاء قالو رح افحصها كنبيوتر عن البيان ورحت وطلع في السياره حساس القير من الزعل رحت للوكاله قلت انتو كذابين ما غرتو حساسات ولا شي وعندي فحص البيان لما شافو الفحص قالو كلم الي استلم منك السياره راحو جابوه واسمه عمر ولا انساه من كثر ما رحت له قال الحساس ماهوب متوفر سوينا اصلاح للاول لازم نطلبه من جده وياخذ شهر قلت لهم الموتر عندكم اعطوني سياره بديله الى حين الانتها ء عطوني سياره وطلعت من الوكاله وانا اقول في نفسي الديره هاذي ما يعيش فيها الا تايوتا ونيسان واتجهت مباشره لليحي وطلعت الجيب اللهم لك الحمد صح انه غالي بس حاجه حطها في اذنيك ترى الورشه تنساها 
المهم بعد الشهر طلعت الموتر ووقفته فتره قلت يا ولد خلني اطلع الثمامه اطعس فيه شوي لانه الدبل اذا ما اشتغل يجيم وصلت البر وحطيت القير في التبترونيك اكتشفت ان القير ما يغير فصلت الدبل نفس المشكله المهم حقدت على السياره وكذل
الك زر القلص ما يشتغل والجميح وكرهت السيارات الامريكيه بسبة التاهو والكابرس ملك الحراره وان شاء الله اليوم بروح اخذ له موعد في الجميح واليوم بتاريخ 23/6/1435 
رغم ان السياره ما زالت تحت الضمان اتوقع اني بحرق الوكاله 
طبعا احب اضيف ان السياره سريعة التفكك خاصه الديكورات الداخليه ولاحضتها بعد سنه من الاستخدام 
العزل فيه من اسواء السيارات الي مرت علي والدليل امسك عليه خط واسمع الهواء 
التكييف ماله فلتر مثل السيارات الثانيه يجيك في الدرج تنضفه وترده لا يختلف بدون فلتر وهنا مشكلة التكييف 
المهم بعض الاشخاص يقول انا ممكن ابالغ ولاكن والله يشهد علي ان هذا كل ما حصل معي واقول له السياره موجوده عندي والي ماهوب مصدق يحط رقمه خاص واتصل عليه ويشوف السياره بعينه



up 3 down 3
خالد احمد الشهري -2
قبل 4 سنه و 7 شهر



على اني من محبين شركة فورد ^.^
بس بكون معك حيآدي




انا معي يوكون 2010 نصف فل




لكن فيه مميزات ماكنت اتوقعها موجوده فيه




اما من ناحيه جودة




جودة اليوكون او التاهو نفس بعض تقريبآ 




انا ابوي له 10 سنوات واهو يستخدم اليوكون ويغير من موديل لموديل
ما اشتكينا منه الا مره وحده
واهو انه كان خويه يسوقه بالبر وشبك الدبل ونسى يطفيه
وبعدها ابوي خذ السياره ومشى عليها 160 كم وانهبل القير على ما اذكر وكان الموديل 2004 




عيبه الوحيد فيه اصوات بالديكور سواء بالشكل القديم او الشكل الجديد




لكن مريح
وصرفية وقود ممتازه
ومميزات حلوه بشاشة المعلومات وغيره ((يعلمك كم الهواء بالكفرآت+صرفيه الوقود وانت تمشي+تشغيل عن بعد وميزة التشغيل عن بعد انك لما تكون بالبرد مايشتغل المكيف ولما تكون بالحر يشتغل المكيف ع طول يعني تركب السياره وتحصلها بارده + تعتيم مرايات + مكيف الكتروني منفصل للسائق والراكب + تسفيط المرآيآت+يعلمك يعلمك كم باقي لصلاحيه الزيت+كم عدد ساعات تشغيل المحرك+كم صرف المحرك من الوقود منذ شرآء السياره +عداد الرحلات +ان شاشة المعلومات عربيه والمسجل باللغه العربيه +درجة الحراره + مستوى الوقود+تحكم بالصوت وكتم الصوت وتغيير موجات الراديو من الدركسون+نضآم صوتي مرره بطل ومن دون تشويش )وغيرها من المواصفات نسيتها ^.^








لكن هذا واهو نصف فـل
والفل يزيد عليه بوجود شاشه سقف وكاميرا خلفيه وتبريد وتسخين القاعد وذاكرة المقاعد ورفع الدركسون وانزاله كهربآئيآ وقاعد جلد والشنطه الخلفيه تفتح كهربآئيآ ومكيف خلفي بتحكم مستقل
ومقاعد اماميه يفصلها ديكور بالنصف وفتحه سقف وجنط 19 او 20 نسيت 




واحلا شي انه من موديل 2009 وطالع القير 6 نمر تربونيك وهذآ القير يتحمل اكثر من القيور اللي قبل




لكن على ان معي يوكون بس لما اشوف التاهو اكره سيارتي 
التآهو مره بطل خصوصا اذا كآن فل كآمل + لون لؤلؤي 




لآتتردد ولآتتخوف من الخرآبآت 
حتى بالقطع الاستهلاكيه
الفحمات الحين ماشيه السياره 73 الف وفحمات الوكآله 


up 1 down 0
جوكر عرعر -21
قبل 4 سنه و 7 شهر



مع احترامي للي يفرق بين التاهو واليوكن.......... ما عنده سالفة


السيارتين نفس بعض، والفرق بينهم شكليات.


كان معي يوكن 2003 والحين معي يوكن 2010 والسيارة رائعة بكل ماتعني الكلمة أهم شي تحافظ على الصيانة بانتظام .


up 1 down 0
شويرد الاحساء 23
قبل 3 سنه و 2 شهر



اليوكن والتاهو ماهي سيارات استخدام حقت عايله وقفها فالبايكه


up 0 down 0
سلطان 968
قبل 7 شهر و 2 أسبوع