هولدين و شيفرولية كابريس

6 2

لايمكنك التصويت حتى الحصول على 20 نقطة على الأقل
إضغط هنا للإخفاء

3bdullah993 161
قبل 11 سنه و 5 شهر

بسم الله الرحمن الرحيم 
السلام عليكم ورحمة الله وبركاته 
أخباركم ي إخواني :)  معليش على القطاعة بس الإجازة واشغالها ( مسوي 
اللي مشغول ولا مسافر هههههه) 
المهم انا كنت أتصفح المنتدى الجميل ولقيت موضوع يتكلم عن الكابريس 
وبعض الاخوان يقولون أن الكابريس ماهي راسيه بالخط ، و واحد ثاني يقول 
أن الكابريس النترا بس مكينته v8 وييييين ي أخوي.   هههه متأكد انك تعرف بالسيارات
انا ما انكر أن فيها مشاكل وعيوب.   بس يكفيك أن مزاياها تغطي على عيوبها 
(رااي الشخصي )
وإذا عندك فكره أو رأي ي ليت تشاركنا فيه 

واللي ما يعرف الصقر يشويه 
وما نسيت الموستنج حبيبة قلبي ولا التشالينجر وهيبتها وقوتها ، بس الشفر لها
مكان خاص بقلبي ، بس للاسف أن شفرولية و بعض الشركات
اتجهت ل الاقتصادية في المكائن والمواد المستعملة في السيارات 
وصارت كلها كراتين مثل الكوري وبعض (الياباني / صيني ) ما اقصد احد
:) ههههه عرفتوها صح  
والبيئة ، بس ما ننسى أن السيارات هي شغف بالنسبه لبعض الأشخاص وحب
أكثر مما هي مجرد سياره ،
ف المكائن ٤ سلندر و ٦ ما تكفي ، وتخيلوا بعد كم سنه الكمارو والموستنق
تصير ٦ :( ولا ٤.   والله حرام زي ماصار في الامبالا يمكن تكون اسرع من ال v8
بس تحت رجلك ٨ سلندر شعور آخررررر  
ومافيه أي سياره في السوق ،كامله مواصفاتها إلا يكون سعرها نار
والله يرزقنا وياكم ههههه المهم
و أشوف أن الكابريس جباره بمكينتها وشكلها وسعرها  
بس ليش ماتجينا مثل الهولدين وهي الشركة الأم الكابريس الصراحة شكل اروع 
وشبابيه أكثر ، ونرجع لاخونا اللي يقول أنها مؤ راسيه بالخط 
لقيت مقطع يتكلم عن الهولدين (الكابريس )بس قبل تعديل البودي وأشياء أخرى 
يمشي ١٦٥ بدون ما يلمس الطاره و مشغل مثبت السرعة ، هذا رد لك ،
وبالنسبة لاخونا الثاني شكلك ماقد مسكت طاره الكابريس، انا مؤ قصدي
أسوي مشاكل بس رفع ضغطي ، ونا بحياتي كلها ماقد شريت شفرولية
بس سقت أكثر من سياره من شفرولية من أصحابي أو العائلة والصراحة شئ لا يصدق
فخامة قوه وهيبة ، ف لاتقولون متعصب او اشتغل عندهم
لا والله انا طالب جامعي وامارس حبي للسيارات في
اوقات فراغي > مسوي دافور ههههه
وإنشاء الله بعد كم شهر بشتري سياره
من دودج وإنشاء الله ال srt8 تشالينجير والله يرزقنا وياكم الزين
وأنا شخص احب جميع السيارات
وما عندي أي تعصب  ،، نرجع للفيديو الصراحة لو تنزل عندنا مثل ماهي راح يولع 
السوق وتنباع بكل مكان مكينتها مكينه كورفيت zo6 أتوقع ٦ لتر 
وصراحه ما اعرف مكائن اللي عندنا بس ما أتوقع أن ال ss مو نفس المكينة
ي ليت احد يفيدنا بهاذي النقطه ....
 

http://m.youtube.com/watch?v=zCWHShJqmLQ

والفيديو الثاني عن الهولدين بس فيها صحن ورا ، كابريس غماره :) فله 
بس بيجننونا الدرباويه لو جت ، ههههه دعابه وميزتها بخفتها ف تكون اسرع
(((( بس الفيديو فيه موسيقى ف ياليت تقصرون عليه )))))

http://m.youtube.com/#/watch?v=HRmoV6F8_eg

العذر اذا قصرت معكم و إنشاء الله نرجع لكم بأفضل وافضل واستفيد منكم 
وتستفيدون مني ، ولاتنسونا من اللايك و فكونا من الديس لايك :)  

إبلاغ

الردود