أضف سؤال أو موضوع جديد          

الكآبرس واللومينا مواصفات المكينة والقير وبعض المعلومات

up 8 down 3
sultan-q 468
قبل 5 سنه و 8 شهر



سلام عليكم ورحمة الله تعالى وبركاته

ايهم الافضل برأيك ؟ الكابرس ام اللومينا ؟ اتمنى الكل يشارك

فيه واحد من الاخوان نزل موضوع عن الكآبرس , ولقيت رد واحد يسآل عن مكاين اللومينا والكابرس وكذا والاخوان ما قصروا بالاجابات لكن حبيت اجمعها كلها في موضوع , واضع معلومات عن السيارتين


بداية الكل يعرف ان الكابرس من السبعينات موجود ومن شركة شفروليه واللومينا بدات في 1991 كـ سيارة باص او فان , ومع السنين اصبحت سيدان , ثم اخر انتاج للسيارتين التوأمتين كان 1996 , ثم انقطعت اللومينا الى 1999 وانقطع الكابرس الى سنة 2000

واوكلت شركة هولدن بالتصنيع وكان اسم الكابرس له اسمين الاول ( Caprice ) للفئات العادية و ( Statesman ) لفئة اس اس

اما اللومينا لها اسم واحد فقط وهو Holden Commodore وتتعدد الفئات وهذه بعض منها
vx - vz - ss - ve - sv6 - HSV

وسبب تسميتها عندنا بـ كابرس ولومينا هو استغلال لشهرة الاسم لا اكثر
اما سبب وضع شعار شفروليه عليها سبب واضح وهو انه لا يوجد استيراد من شركة هولدن للسعودية ولمنطقة الشرق الاوسط باكملها وتم وضع شعار شفروليه وتصديرها للسعودية بسبب رغبة الشعب السعودي وعشقه للكابرس


بالنسبة للمكاين

من موديل 1999 - 2006 هناك مكينتين 6 سلندر بسعة ( 3.6 ) لتر بقوة 240 حصان
ومكينة 8 سلندر بسرعة ( 5.7 ) بقوة 340 حصان
والقير 4 نمر , ونزل من اللومينا سيارات قليلة قير عادي من 2000 - 2006 اما الكابرس فمنذ 2000 - 2013 لا يوجد قير عادي على الاطلاق

يضاف ايضا ان مكينة اللومينا من سنة 1999 - 2004 كانت مصنوعة من الحديد اما 2005 - 2006 مصنوعة من الالمنيوم حتى لا ترتفع حرارة المكينة

اما موديلات 2007 فما فوق هناك 8 و 6 سلندر
مكينة 6 سلندر بسعة ( 3.8 لتر ) بقوة 260 حصان
مكينة 8 سلندر بسعة ( 6.0 لتر ) بقوة 361 حصان

مع العلم ان مكينة اللومينا والكابرس اس اس 2007 - 2008 اسمها L98 وموديلات 2009 وما فوق تسمى L78 وليس LS2 كما يضن البعض

اما اللومينا والكابرس اس اس 2009 وما فوق القير تبترونيك ( اوتوماتيك وعادي ) بـ 6 نمر وتم اضافة مبردين قير وتم تغيير الاسطب الخلفي للومينا اس اس ( تكحيل ) والشمعات الامامية ( عدسات )
تبقى لدينا لومينا CR8 وهي احدى فئات اللومينا وتسمى HSV في استراليا وتسمى VXR8 في بريطانيا وموديل 2008 لها كانت مكينتها LS2 اما في 2009 مكينتها LS3 وانقطعت السيارة من السوق بعد ذلك


اللومينا توقف انتاجها رسميا وكان اخر موديل لها 2011 لسببين :

السبب الاول : وجود الكابرس التي تحمل نفس صفات اللومينا بالكامل
السبب الثاني : نزول الماليبو


اما الكابرس مستمر حتى الآن

























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله انها مواتر معي لومينا اس اس2008 القير القديم 4 نمر اغير فلاتر وزيوت فقط وماشي زي الحلاوة بس بعض المستخدمين للكابرس او لومينا

يحسبها اكسنت يشغل المكيف وينام فيها هههههه ثم يظلمون الكابرس يقولك خرابات والله صدق الي قال الكابرس عز والباقي طز خخخخ


up 7 down 3
ابو عدآي 335
قبل 5 سنه و 8 شهر



 القير التبرونك  نزل عام  2009 وهو ست نمر  مبردين قير  مانزل الى على رويال ss  

  من 2011 الى 2012 كل فئات ست نمر مع وجود مبردين قير   

  لومينا  وكابرس  ss    مكينه كورفت ولذالك سميت  ls 1 ls 2      وهذا كلام مهندسين شفروليه  

 من موديل 99 لومينا وكابرس حتى موديل 2003 صحيح كلها حديد  لكن حدولها  2005 2006 المنيو وفيها فتحات تهويه وحراره فوق الربع اما موديلات القريمه تحت النص الحرارره وهذي ميزه طيب 

 نجي لموديلات 2007 حتى 2009 كلها اربع نمر ماعد  ss ورويال كلها 6 نمر  عام 2009 تعدلت 

  لومينا مانقطعت بتنزل   وكابرس برضوو   


up 2 down 1
سكودر 14893
قبل 5 سنه و 8 شهر



اللومينا 2013 بتنزل و بينزل الكابرس 2013 و الامبالا الجديده 2013 

يعني الشوارع بتلقاها كلها من هالسيارات


up 1 down 0
ابو يزيد 000 8696
قبل 5 سنه و 8 شهر



وعليكم السلام ..

يعطيك العافيه عَ الطرح ..

انا احترت بين لومينا 2007 s و 2007 LTZ ..

سبب اختياري للـ LTZ هي الشاشات وشكل رسمي وحساسات و7 سماعات وكاله وسبب اختياري للـ s شكل رياضي ولكن احيان يصير بايخ و4 شكمانات ولون داخلي احمر وفتحه سقف ..

استخدام السياره لحالي موب عائله ..

ولكن الله يكتب اللي فيه الخير ..


up 0 down 0
برينسيزو 542
قبل 5 سنه و 8 شهر



وانا عن نفسي تعجبني اكثر شي الكابرس رويال ولون ابيض او اسود موديل 2009 وفوق ..

والله يرزقنا وياكم ..


up 1 down 0
برينسيزو 542
قبل 5 سنه و 8 شهر



http://www.youtube.com/watch?v=bWiAUTHLR_g

ممكن اعرف مكان بيع الانوار اللي تحت اللوحه واسمها ..


up 0 down 0
برينسيزو 542
قبل 5 سنه و 8 شهر



سكودر, مكينة LS2 بحيانتها ما نزلت على لومينا اس اس او كابرس اس اس

ياخوي اسم المكينة L98 و L78 ولو تبي تتاكد ادخل موقع هولدن او موقع اس اس عربي هناك خبراء

مكينة LS2 للكمارو ول CR8

اما LS1 صحيح كلامك هذي مكينة الكورفيت اما LS2 ابدا ما نزلت عاللومينات والكوابرس




up 1 down 0
sultan-q 468
قبل 5 سنه و 8 شهر



كفيت ووفيت اخ سلطان يعطيك العافية.


up 0 down 0
ابوعبير_- 3452
قبل 5 سنه و 8 شهر



ي لبى الكابرس واللومينا صراحه وحشين ع عالم الأرض
لكن بتلقى كثيييييير يذموه ؟
صراحة انا من عشاق الكابرس وبششششششششده 
لكن ليش الذم ف الموتر ذا ليش 



وحاب اضيف معلومه اللومينا اخف من  الكابرس

دمتم ب خير


up 2 down 0
atif - mub 234
قبل 5 سنه و 8 شهر



منورين يا اخوان

اخ عطيف اي نعم اللومينا اخف من الكابرس وهذا يساعد في المقاومات


up 1 down 0
sultan-q 468
قبل 5 سنه و 8 شهر



المكينة ستة سلندر لموديلات 99 -2004 3,8 مو 3,6 وبعدين قوتها 204
اما مكينة 6 سلندر لموديلات 2005 و2006 قوتها 240 حصان وهي 3.6




up 0 down 0
talal abdullah 5414
قبل 5 سنه و 8 شهر



بعد إذنك أخ سلطان..
مكاين ls2 هي اللي نازله على اللومينا والكابرس من موديل 2007 إلى 2013
طبعا اللومينا وقفت من عام 2010
وبرضه الــcr8 موديل 2008 نزلت بمكينة ls2

مكاين الls3 نزلت على الcr8 2009 وبرضه الكمارو الجيل الجديد

السعة اللترية لمكاين ls2 هي 6.0 لتر

أما مكاين ls3 سعتها 6.2 لتر

الزبدة إن كلهم وحوش وما يعرفها إلا اللي جربها..

وأبرز مميزات الكابرس واللومينا إنها سهلة التعديل..وممكن بمبالغ بسيطة أوصل لأحصنة خرافية
سيارات أبو 300 و400 ألف ما توصلها..


up 0 down 0
sultan-07 2433
قبل 5 سنه و 7 شهر



انا اشهد انها مواتر انا عندي كابر ولومينا وكلهم مشاء الله رحت خطوط فيهم موديل الومينا 2002 علا يدي وكاله  والكابر
س 2005 بس صراحه مواتر 


up 0 down 0
خنافر
قبل 5 سنه و 4 شهر



السلام عليكم انا معي لومينا اس اس ٢٠٠٤ وودي ابيعهااا 
بس نفس الوقت انا حابب السياره جدا وافكر اغيرلها قير من اوتوماتيك ل عادي 
فكنت حابب اسال هل يمكن اني اغير قير اركبلها العادي ولا لازم قير بالماكينه ؟؟؟؟ 
وتقريبا كم اسعارهم ومن وين اقدر اشتري القير العادي لو ما بعت سيارتي  ؟ 
ارجو الرد ف اسرع وقت ؟ 


up 0 down 0
magdy nassar
قبل 5 سنه و شهر



في ناس تقول تختلف حشوه المكينه 2000 عن ا2006


up 0 down 0
amoody-
قبل 4 سنه و 6 شهر



انا اعشق اللوميناا وافضلهاا على الكابرس.

*فية معلومة حبيت انبهك عليهاا اللوميناا وقف تصنيعها في 2013.
انا في السنوات الماضية متابع موقعهم الرسمي اول باول عام 2013 كانت اللوميناا لسئء موجودة

وشكرا



up 0 down 0
abo 3bod
قبل 3 سنه و 10 شهر



يا اخوان اقدر اركب مكينه لومينا ٦ سرندل بدال ٨ سرندل هل ترمب واش تحتاج


up 0 down 0
سلوم الخالدي
قبل 2 سنه و 11 شهر



يا اهل الكوابرس الله يعطيكم العافيه ابغى استفسر عن كيفيه تغيير فلتر وزيت للقير كابرس ال تي زد ٢٠١٣ ارجو الرد


up 0 down 0
صبر السعوديه
قبل 2 سنه و 8 شهر